Populære bibelvers fra Rioiatatokenti Luc 14

Del

Onkakiok raskaneks naiakenikȣekhene; tanon iah tesakotakȣasȣens, roniha, ronistenha, rone, Sako-ienhokonha, rontennosenhokon oni rontatekenhokon iehiohe nakȣa raonha tsi ronnhe, iah onkiatenro teȣa-tonsere.

Nok oni ne iah teiontketasts nakoiasa, iah onkiatenro teȣatonsere nʼiah iihne tentientane.

Aseken ehtake niienhentsien ne iontharatasts, nok enhiontharatate ne iontatkenronni.

Eh kati niiot tsinitsion ne iah tenseȣateȣente-tane tsini seȣaien; iah ki onkȣatenro teȣatonsere.

Onka oni tsinitsion ahatenonsonniane, ne iah neh taontahatierentane, ahakaenhion roien onteken tsinikon kariȣanontons iaonstsahate nakȣa iahaȣeien-nentane. Tosa neok naontahatasaȣen aontahenstskȣaren nok iah tiiahasa, onen nehne nonkȣeokon enhonȣa-tentoriatakȣake tsi enhiontkatoseke. Enhiontonheke: Akȣa nehne iehokȣenion naon-tahatasaȣen nok iah tiiehoson?

Neh tanon sheonkaron no iakotontenion, teiontsarites oni no teieronȣekon. Ensataskastston tsi iah teiakoien naonsaiesaie-ristse; entsiesaieritse tsi nentsiontonnhete ne tiakori-ȣaiori.

Iaȣekon ne teioiotsis; nok tanon nenhiotak-senne, oh nahoten entsienenhisatake? Iah othenon teskasta, akȣekon iah teioianere naiakonȣentsiaresenstakȣe; astste tanon ienȣation. Onka teionhontakarontakȣen naionronke, ionronk.