Populære bibelvers fra Dibandu 12

Del

Nyufunisa bategula bagu te na boba tindi dilongu na nyugugabila miula; nyuroyisa diina diagu na bapuela bosalisa diina diagu ugabila basusu miula. Jogu abogugabila miula, nyubagabila miula, jogu aboguloga, nyubaloga. Mikuta miotsu va butamba miugabulu miula mu diambu diagu.

Fumu amatsingula Abram rie: Sila bulongu buagu na mukuta agu na ndagu taji agu, wenda o bulongu abu nyugulonsa.

Abram amasogama nana Fumu amamutsingulila, Lot amawenda nandi. Ava Abram amarambuyila o Haran amaba na magumidusambuali na bilima biranu.

Fumu amalabana na Abram na amavosa nandi rie: Nyuvega bulongu buebubu ombu bategula bagu. Abram amarungila Fumu yinyensulu yipagu vana mbura eni aji Fumu amalabinina nandi.