Populære bibelvers fra Mt 5

Del

Nou pa alim enn lalanp pou met li anba bake. Okontrer nou met li lor enn stenn, e li donn lalimier pou tou dimoun dan lakaz. Dan samem fason, les to lalimier briye devan tou dimoun, pouki zot kapav trouv to bann bienfe e loue to Papa dan lesiel.

Zotmem lalimier pou lemonn. Enn lavil ki finn konstrir lor enn montagn pa kapav kasiet.

Bienere zot ki ena leker san tas, zot pou ar Bondie e zot pou trouv li.

Bienere zot ki fin ek swaf lazistis, zot dezir pou exose.

Me mwa, mo dir zot: kontan zot lennmi e priye pou bann ki persekit zot.

“Bienere zot ki pov dan zot lespri, Rwayom Bondie li pou zot.

Bienere zot ki met lape, Bondie pou apel zot so bann zanfan.

Bienere zot ki andey, zot pou gagn konsolasion.

Bienere zot ki dimoun pe persekite akoz zot fer dibien, Rwayom Bondie li pou zot.

Bienere zot ki montre konpasion pou lezot, Bondie pou pitie zot.

Zot pou Bienere kan dimoun insilte zot, persekit zot ek malparl zot parski zot krwar dan mwa. Zot bizin dan lazwa e santi zot ere parski zot ena enn rekonpans dan lesiel; koumsamem zot ti persekit bann ansien profet.

Bienere zot ki dou e ranpli avek imilite, zot pou erit later promiz.

Zotmem disel pou lemonn. Me si disel perdi so gou sale, kouma pou kapav refer li vinn sale? Li nepli bon pou nanye, apar zet dan bwa e bann dimoun mars lor li.

Zot bizin parfe parey kouma zot Papa ki dan lesiel li parfe.”

zot ena zis pou dir wi ou non, tou seki zot dir anplis li sorti kot diab.

Zot finn tande ki finn dir, ‘Enn lizie pou enn lizie, enn ledan pou enn ledan.’ Me mwa, mo dir zot pa bizin zot fer rezistans kont move dimoun. Si kikenn kalot twa lor to lazou drwat, donn li osi to lazou gos.

Si to lizie drwat antrenn twa dan lemal, tir li, zet li; li preferab ki to perdi enn parti to lekor, ki antie to lekor al dan lanfer. Si to lame drwat antrenn twa dan lemal, koup li, zete, li preferab ki to perdi enn parti to lekor ki antie to lekor al dan lanfer.