Populære bibelvers fra Johaneb 5

Del

“Amase, amase ta ra mîba du, ǁnān hîa ti mîsa ǁnâu tsî Elob tita ge sîb ǃnâ ra ǂgomn ge ǀamo ûiba nî ǃkhōǃoa. ǁÎn ge ǁoren ân ǃaroma ǀgoraǃgâhe tide, xawen ge ǀnai ǁōba xu ûib ǃoa go ǃgâu.

Tsî Jesub ge ǁîba mûǁgoe tsî a ǂan ǁîb ǂomxase ǀaesen hâ ǃkhaisa, ob ge ge dî bi: “ǂUru ǂgaots ra?”

Sadu ge Xoas ǃnâ ra ôa, ǁîs ǃnâ du ǀamo ûiba ra hō ti du ǂgom hâ xui-ao. Xawes ge Xoas tsîna aitsama tita xa ra ǃkhō-am! Tsî du ge tita ǃoa hā tama, nē ǀamo ûiba du nî ǃkhōǃoase.

Ob ge Jesuba ǁîb ǃoa ge mî: “Khâimâ, ǂgoas âtsa ū îts ǃgû!” ǁNātimîsib ge ge ǂuru. Ob ge ǂgoas âba ū tsî ge ǃgûtsoatsoa! ǁNās ge Sabbattsē i xui-ao

ǁNā-amagab ge Jesuba ge ǃeream: “Amase, amase ta ra mîba du, ǀGôab ge ǁîba xu ǁî-aitsama xū-e a dī ǁoa. ǁGûb ra dīseb ra mû-i ǀgui-eb ge a dī ǁkhā. ǁGûb ra dī-i ǀgui-eb ǀGôab tsîna ra dī xui-ao.