Populære bibelvers fra Lukab 8

Del

ǁNā ǃkhomn hîa ǃgâi ǃhūb ǃnâ ra ǁnān ge ǁnā khoen hîa mîsa ǃgâi tsî ǂhauǃnâ ǂgaogu ǀkha ǁnâu tsî ǁîsa ra sâubasenna. ǁÎn ge mâǁapo tsî ra ǂûtani.

ǃKhomn hîa ǁkhūn ǃnâ ra ǁnān ge khoen hîa mîsa ra ǁnâuna; xawes ge ǁîsa ǂhansendi tsî ǃkhūsib tsî ǃhūbaisi turagu xa ra ǀhomdomhe tsîn ge ǂûna ǁan tama ra i.

Tsî ǃhaob ai ra ǁnā ǃkhomn ge ǁnā khoen hîa mîsa ǃgâiaǂgaob ǀkha ǁnâun ra ǃnubai ra ūǃoana, xawes ge ǁîsa ǃnomaǃkhō tama hâ. ǁÎn di ǂgoms ge ǂkhari ǁaero-i ǀgui-e ra hâ, ǃâitsâb ta hā, on ge ǃhaese ra ǁnāǁgôa.

Ob ge ǁkhāǁkhāsabegu ǃoa ge mî: “Sago ǂgomsa kha mâpa hâ?” Xawe gu ge ǃao tsî burugâ hâse ge mîǀîgu: “Tariba kha ǁnâi nē khoeba, ob ǂoab tsî ǁgammi tsîna mîmā tsî ǁîkha xa ra ǁnâuǀnamhe?”

ǁNā ǃkhomn daob ai ge ǁnān ge khoen hîa ra ǁnâun, ti ra ǂâibasen tsî xaweb ge ǁgâuaba* hā tsî mîsa ǂgaogu âna xu ra ūbē, în tā ǂgom tsî ǃgâiǃō kaihe.

“ǂGanǃgâsib ǃnâ hân hoan ge nî ǂhaiǂhaihe tsî sâusase hân hoan ge nî ǂansa tsî ǃnâb ǃoa nî hā-ūhe.

Tsî taras ge mû ǂanǃnâhes go ǃkhaisa, os ge ǀkhū rase aisǀkhāb ǁga ǂoaxa tsî Jesub aiǃâ ge ǁnāǁgoe. ǁNāpas ge hoa khoen aiǃâ ge mîba bi, tare-i ǃaromas go tsâǀkhā bisa tsî mâtis ge ǁnātimîsi ǂuru ǃkhaisa. Ob ge Jesuba ǁîs ǃoa ge mî: “Ti ôase, sa ǂgoms ge go ǂuruǂuru si xuige ǃKhūb di ǂkhîb ǃnâ ǃgû re.”

O gu ge Jesub di ǁkhāǁkhāsabega ǁîb tawa sī, ǂkhaiǂkhai bi tsî ge ǂgai: “ǁKhāǁkhā-aotse, ǁKhāǁkhā-aotse, ǁō ge ge ra!” Ob ge khâi tsî ǂoab tsî ǃgabigu tsîna ge ǃgabe tsî gu ge ǃgabiga ge ǁgoea-ai tsîb ge ǃnomsasiba ge hâ.