Populære bibelvers fra Markub 12

Del

Ob ge Jesuba ge ǃeream: “Nēs ge ǁîs kai tsî ǂhâǂhâsa mîmāsa. ‘ǁNâu, Israeltse! ǃKhūb sa Elob ge a ǀgui ǃKhū. Ots ge ǃKhūb, sa Eloba nî ǀnam sa ǂgaob hoab ǀkha, sa ǀoms hoas ǀkha, sa ǂâis hoas ǀkha tsî sa ǁkhāsib hoab ǀkha.’ Tsî ǁîs ǀkha ǀguitikōse ǂhâǂhâsas ge: ‘Sa ǀgūkhoe-ets ge sats ǁkhāts khami nî ǀnam.’ Nē mîmāra xa i ge ǀnî-i hîa ǁîra xa kai-e a ǀkhai.”

Nēsab ge mû ob ge Jesuba ǁkhāǁkhāsabega* ǂgaiǀgū tsî ǁîgu ǃoa ge mî: “Amase ta ra mîba go, nē ǃoataras ge hoaraga khoen xa ǃnāsase go ǁguiba. ǁÎn go ūn hâ ǂguina xu ǃâro-e ǁguiba xui-ao, xawes ge ǁîsa ǁîs di ǀgâsasib ǃnâ hoaraga-i ǁîs go ūhâ i-e go ǁguiba.”

Tsî ǁînab ge ǁkhāǁkhātoas khaoǃgâb ge Jesuba Tempeli ǃnâ ǁguibaǂgaes ǃoagu sī ǂnû tsî mâtin ǁîna ra ǁguiba ǃkhaisa gere kō. ǂGui khoen hîa kaise ǃkhū hân ge kai ǁguibade gere mā. Os ge ǀgâsa ǃoatarasa hā tsî ǀgam ǁau marirora ge ǁguiba.

Tsîts ge Eloba nî ǀnam, sa ǂgaob, ǂâis tsî ǁkhāsib hoab ǀkha tsî ǁkhāti sa ǀgūkhoe-e sats a ǀnamsens ǁkhās khami. Tsîs kom nēsa ǃnāsase ǂhâǂhâsao, khauǁguibadi tsî mādi ǂhanub xa ra ǁgui-aihedi ose.”

Ob ge Jesuba ǁîga ge mîba: “O ǁnâi Kaesara ǁîb di-e mā re tsî Elob di-e Eloba mā re.” Nē ǃereamǀgaub ge kaise ǁîga ge burugâ kai.