Populære bibelvers fra Jaratılıs 22

Del

Solay etip, Ibrayım sol orındı Yahwe-Ire dep atadı. Sonlıqtan usı kúnge deyin: «Jaratqan Iyeniń tawında jetkerip beriledi», – dep aytıladı.

Sonda Quday oǵan: – Ózińniń súyikli jalǵız ulıń Ísaqtı alıp, Moriya jerine bar. Ol jerde, Men saǵan kórsetetuǵın tawlardıń birinde onı qurbanlıqqa shalıp, jaǵıp jiber, – dedi.

Perishte oǵan: – Balaǵa qol kóterme, oǵan hesh nárse isleme. Endi men seniń Qudaydan qorqatuǵınıńdı bildim. Sebebi sen Mennen jalǵız ulıńdı da ayamadıń, – dedi.

Ibrayım: – Ulım, jandırılatuǵın qurbanlıq bolatuǵın janlıqtı Qudaydıń Ózi jetkizedi, – dep juwap berdi. Solay etip, olar ekewi jolın dawam etti.

sonlıqtan Men seni ústi-ústine jarılqayman. Urpaqlarıńdı aspandaǵı juldızlar hám teńiz jaǵasındaǵı qumlar sıyaqlı ústi-ústine kóbeytemen. Seniń urpaqlarıń óz dushpanlarınıń qalalarına iyelik etedi. Maǵan boysınǵanıń ushın, urpaqlarıń arqalı jer júzindegi barlıq xalıqlar jarılqanadı“».

Bir qansha waqıttan keyin, Quday Ibrayımdı sınadı. Quday oǵan: – Ibrayım! – dedi. Ibrayım: – Lábbáy! – dedi.

Biraq Jaratqan Iyeniń bir perishtesi aspannan dawıslap: – Ibrayım! Ibrayım! – dedi. – Lábbáy, – dedi ol.

Jaratqan Iyeniń perishtesi ekinshi ret Ibrayımǵa aspannan dawıslap bılay dedi: «Jaratqan Iye bılay deydi: „Óz atım menen ant ishemen, sen bul isti islep, jalǵız ulıńdı da ayamadıń

Olar Qudaydıń Ibrayımǵa aytqan jerine jetip kelgende, Ibrayım qurbanlıq orın qurıp, onıń ústine otınlardı qaladı. Keyin ulı Ísaqtı baylap, qurbanlıq orındaǵı otınlardıń ústine jatqızdı.