Populære bibelvers fra Yuxan 15

Del

Men – júzim aǵashıman, sizler – shaqalarsız. Kim Mende bolıp, Men onda bolsam, ol kóp jemis beredi. Sebebi Mensiz hesh nárse isley almaysızlar.

Mende bolıńlar, Men de sizlerde bolaman. Aǵashta bolmaǵan shaqa óz-ózinen jemis bere almaǵanı sıyaqlı, sizler de Mende bolmasańlar, jemis bere almaysızlar.

Eger sizler Mende bolıp, Meniń sózlerim sizlerde bolsa, qálegenińizdi sorańlar, sizlerge beriledi.

Sizler Meni emes, Men sizlerdi tańladım. Barıp jemis bersin hám jemisi turaqlı bolsın dep, sizlerdi tayınladım. Solay etip, Meniń atım menen Ákemnen ne sorasańlar da, Ol sizlerge beredi.

Dosları ushın óz janın bergen adamnıń súyispenshiliginen artıq súyispenshilik joq.

Mendegi jemis bermeytuǵın hár bir shaqanı Ol kesip taslaydı. Jemis beretuǵın hár bir shaqanı jáne de kóbirek jemis bersin dep, putap tazalaydı.

Meniń buyrıǵım mınaw: Men sizlerdi qalay súygen bolsam, sizler de bir-birińizdi solay súyińler.

Sizler kóp jemis berseńler, Ákem ullılanadı. Sonda Meniń shákirtlerim bolasızlar.

– Men – haqıyqıy júzim aǵashıman, al Ákem baǵman.

Kim de kim Mende bolmasa, shaqa sıyaqlı sırtqa taslanıp, quwrap qaladı. Bunday shaqalar jıynalıp, otqa taslanıp jandırıladı.

Bulardı sizlerge Meniń quwanıshım sizlerde bolıwı ushın hám quwanıshıńız tolı bolıwı ushın ayttım.

Men Ákemniń buyrıqların orınlap, Onıń súyispenshiligine sadıq bolǵanımday, sizler de eger Meniń buyrıqlarımdı orınlasańlar, Meniń súyispenshiligime sadıq bolasızlar.

Sizlerge buyrıǵım sol: bir-birińizdi súyińler!

Sizler bul dúnyaniki bolǵanıńızda, dúnya ózine tiyislilerdi súyer edi. Biraq, sizler bul dúnyaniki emessizler. Óytkeni Men sizlerdi dúnyadan tańlap aldım. Sonlıqtan dúnya sizlerdi jek kóredi.