Populære bibelvers fra San Juan 1

Del

Peru̶ ku̶xyu̶ mu̶dyiibu̶ ku'ubu̶jku̶ju̶ñ y myu̶bu̶jkku̶xu̶ je̱'e̱ y'ayuuk tyu̶y'ajt, je̱'e̱ju̶tz je̱'e̱ ane̱'e̱mu̶ñ myooy ajku̶xy ko je̱'e̱ Dios wan ung'ajtu̶gu̶xyu̶.

Ko je̱'e̱ naaxwiimbu̶ aga'an chondaaky je'emy najty je̱'e̱ tyu̶y'ajtmu̶u̶dpu̶ ya, y je̱'e̱ tyu̶y'ajtmu̶u̶dpu̶ tu'ugyu̶ najty je̱'e̱ y'ity mu̶u̶d je̱'e̱ Dios y nan Dios najty je̱'.

Adayaaba ju̶u̶n ajajp adu̶kxp adaa ma y'agodzu̶'u̶yu̶ñ, y je̱'e̱ koodzpu̶ ka'p je̱'e̱ mu̶baad myu̶mada'agyii.

Je̱'e̱ tu̶y'ajtmu̶u̶dpu̶ ya naaxwiiñ je̱'e̱ mya'axung'ajty mu̶u̶d je̱'e̱ ñi'kx kyopt y chu̶naay jyugy'ajty ma u̶u̶ch ajtu̶m ajku̶xyu̶ñ, je̱' tzojky ju̶wu̶u̶y je̱'e̱ naaxwiiñjya'ay y nigapxy nimu̶dyaaky je̱'e̱ tu̶y'ajt. Y u̶u̶ch tu̶ u̶u̶ch je̱'e̱ y'oy'ajt myu̶k'ajt n'ijxu̶ ajku̶xy, je̱'e̱ oy'ajt mu̶k'ajt mu̶dyiibu̶ je̱'e̱ tu'kpajkpu̶ Dios y'Ung je̱'e̱ Tyeedy mooyu̶ju̶ñ.

Y mu̶u̶d je̱' gyu̶xpu̶ je̱'e̱ Dios yajkojy ku̶xyu̶ tijaty ya naaxwiiñ n'ijxu̶mbyu̶ñ ajku̶xy, y ka'p je̱'e̱ wiingpu̶ yajkoj. Y je̱' je̱'e̱ jugy'ajtu̶ñ ye̱jkp ma je̱'e̱ naaxwiiñjya'ay kú̶xyu̶ju̶ñ, y je̱' ko je̱' je̱'e̱ jugy'ajtu̶ñ ye̱jkp ma je̱'e̱ naaxwiiñjya'ay kú̶xyu̶ju̶ñ, du'un je̱' neby tu'ug ju̶u̶n mu̶dyiibu̶ je̱'e̱ ja'ay kudu̶kxp kujajpu̶ñ.

Kujaboom je̱'e̱ Juan ijxy je̱'e̱ Jesús ko najty ñimiñyii, y chi myu̶naañ: “¡Ijxku̶x, chi je̱'e̱ Dios byorreegu̶'úng myiñ mu̶dyiibu̶ je̱'e̱ Dios tu̶ kexyu̶ñ, je̱'e̱ mu̶dyiibu̶ je̱'e̱ naaxwiiñjya'ay ni'o'ktu'udaambu̶ñ neby je̱'e̱ windzu̶gu̶'u̶ñdyu̶ñ mu̶u̶d je̱'e̱ pyoky kyu̶xpu̶ ajku̶xy!

Ko je̱'e̱ tu̶y'ajtmu̶u̶dpu̶ ya y'ooy ma adayaaba naaxwiiñu̶ñ, y oy najty je̱'e̱ Dios je̱'e̱ naaxwiiñ je̱' tu̶ ja'ayajkojy mu̶u̶d je̱' gyu̶xpu̶, peru̶ ka'p je̱'e̱ naaxwiiñjya'ay y'u̶xkajpu̶ ajku̶xy. Je̱'e̱ kyu̶'u̶mmu̶gugajpt, je̱'e̱ judío ja'ay, je̱' je̱'e̱ jya'ani'ooy, peru̶ je̱' ka'p je̱'e̱ kyu'ubu̶jku̶ ajku̶xy.

Ko je̱'e̱ yaa y'ooy ma adayaaba naaxwiiñ je̱'e̱ mu̶dyiibu̶ du'un neby je̱'e̱ ju̶u̶n tu̶y'ajtpu̶ju̶ñ, je̱' je̱'e̱ tu̶y'ajt xymyooyu̶m ajku̶xy neby je̱'e̱ ja'ay ya naaxwiiñ mu̶baad nigu̶xyu̶ paatku̶xyu̶ñ je̱'e̱ Dios y'ayuuk tyu̶y'ajt.

Je̱'e̱ Dios je̱'e̱ Moisés ane̱'e̱mu̶ñ mooy, peru̶ je̱'e̱ Dios xychojku̶mb xyjyu̶wu̶u̶yu̶mb je̱' y tu̶ je̱'e̱ tu̶y'ajtu̶ñ xymyooyu̶m ajku̶xy mu̶u̶d je̱'e̱ Jesucristo kyu̶xpu̶.