Populære bibelvers fra San Lucas 17

Del

Y chi je̱'e̱ Jesús nu̶maay je̱'e̱ ja'ay: —Pu̶du̶'u̶g y nu̶kxnu̶; tu̶ mdzo'ogy, je̱' ko u̶u̶ch tu̶ xymyu̶bu̶ky.

Oy u̶xyu̶py juxtujk'ook tu'kxu̶u̶bu̶ xyjya'amu̶duundu̶gooybyu̶, y pu̶nu̶ nan juxtujk'ook xyñimíñ tu'kxu̶u̶bu̶ xyñu̶ma'awu̶ch: ‘Okme̱kx, ka'p u̶u̶ch du'un n'ok'adu̶'u̶dzaanu̶.’ Mwinmé̱kxu̶py miich je̱'.

Chi oy nidu'ugtu̶ ñay'ijxpadyii ko najty tu̶ cho'ogy, chi je̱'e̱ Jesús niwimbijty, cham je̱'e̱ xu̶u̶ Dios mu̶k ja'aymyéch o'owu̶dáty. Y chi ñayñajtzkojxtu̶na'awu̶u̶yu̶ ma je̱'e̱ Jesús wyinduuyu̶ñ u̶xtu̶ yajnaaxpaaty je̱'e̱ wyimbok, yejky je̱'e̱ Dioskujuuyu̶p. Y je̱' samaria ja'ay je̱'e̱ najty.

¡Naygyueentu̶'ajtu̶gu̶x miich ajku̶xy! Ka'p mgapxtu̶gooygyu̶xu̶ch. “Pu̶nu̶ je̱'e̱ mbuya'ay xymyu̶duundu̶gooby, oy mu̶gapx, y pu̶nu̶ jootwimbijtp, mwinmé̱kxu̶py.

Chi je̱'e̱ Jesús myu̶naañ: —¿Nej ka'p najty ñimajku̶ch ajku̶xy mu̶dyiibu̶ tu̶ chookku̶xyu̶ñ? ¿Ma je̱'e̱ jaknidaaxtujkpu̶ ajku̶xy?

Chi je̱'e̱ Windzú̶n Jesús y'adzoowu̶ ajku̶xy: —Ko u̶xyu̶py je̱'e̱ mmu̶bu̶jku̶ñ miich m'okmu̶u̶du̶ch ajku̶xy oy timydyu'uñdyu̶du̶'ajty neby je̱'e̱ pi'kmostázu̶ pajku̶ñ, mu̶baad u̶xyu̶py adaa kepy mnu̶maaygyu̶xy: ‘Nayyajpu̶du̶'u̶gu̶u̶ yaa y nu̶kx tu̶na'a mejyjyooty’, y xykyapxymyu̶doob u̶xyu̶py je̱'e̱ kepy ajku̶xy.

Pu̶n je̱'e̱ jyugy'ajtu̶ñ janch tzojkpu̶ñ, yajtu̶goyu̶py jyugy'ajtu̶ñ je̱'; peru̶ pu̶n je̱'e̱ jyugy'ajtu̶ñ yajtu̶gooby, pyaadu̶py jyugy'ajtu̶ñ ñi'idzooku̶ñ je̱'.

Chi je̱'e̱ Jesús dyiscípulotu̶jk nu̶maay: “Ni'igu̶ jii'ádu̶p je̱'e̱ ja'ay ajku̶xy mu̶dyiibu̶ je̱'e̱ mayjya'ay yajwinma'añdyu̶gooygyu̶xu̶bu̶ñ mu̶u̶d je̱'e̱ anu̶u̶, peru̶ ¡ayo'onbadaamb je̱' pu̶njaty je̱'e̱ ja'ay naty yajwinma'añdyu̶gooygyu̶xpu̶ñ! Ni'igu̶ oy ko u̶xyu̶py yaj'yo'kxodzu̶'u̶yii tu'ug molinu̶tzaa y chi yajku'uju̶bijpnáxu̶ch mejyjyooty, ka'pu̶ adaa ja'ay nitu'ugtu̶ yajwinma'añdyu̶góyu̶ch mu̶dyiibu̶ je̱'e̱ y'u̶xpu̶jku̶ñ we̱e̱nu̶ mu̶u̶du̶ñ ajku̶xy ma je̱'e̱ Dios tyu̶y'ajtu̶ñ.

Du'un neby jékyu̶p tyuunu̶ jyajtu̶ju̶ñ ko je̱'e̱ Noé chu̶naay jyugy'ajty, nandu'un tyunu̶u̶ jyadu̶u̶ju̶ch ko u̶u̶ch naty u̶u̶ch je̱' je̱'e̱ ja'ay mu̶dyiibu̶ tzon tzajpjooty ja'adu'ook nwimbity ya naaxwiiñ. Janch kaaygyu̶xp janch uukku̶xp y pu̶jkku̶xp uukku̶xp najty je̱'e̱ ja'ay agujk jootkujk ajku̶xy u̶xtu̶ koonu̶ je̱'e̱ tiempo paaty mu̶naa je̱'e̱ Noé tyu̶gu̶u̶y ma je̱'e̱ bárcu̶ju̶ñ, chi je̱'e̱ ayo'onduu myiiñ mu̶dyiibu̶ je̱'e̱ mayjya'ay ku̶jx yaj'o'ktu̶gooydya'ayu̶ñ.