Populære bibelvers fra San Marcos 12

Del

Chi je̱'e̱ Jesús y'adzoowu̶: —Je̱'e̱ ane̱'e̱mu̶ñ ni'igyu̶ jakmu̶jpu̶ ma je̱'e̱ maybyu̶ myiñu̶ñ je̱' je̱'e̱ mu̶dyiibu̶ du'un mu̶naambu̶ñ: ‘Mu̶doogu̶x Israel ja'ay: je̱'e̱ Windzú̶n Dios u̶u̶ch je̱'e̱ nDios ajtu̶m ajku̶xy, je̱' tu'kpajk Windzú̶n Dios'ajtp. Tzok ju̶wu̶'u̶ je̱'e̱ mWindzú̶n Dios mu̶u̶d je̱'e̱ mjoot mwinma'añ ku̶xyu̶, mu̶u̶d je̱'e̱ mjoot m'aanu̶mu̶ ku̶xyu̶, mu̶u̶d je̱'e̱ m'aa mjoot ku̶xyu̶ y mu̶u̶d je̱'e̱ mmu̶k mmu̶jaa ku̶xyu̶.’ Y je̱'e̱ mu̶me̱tzkpu̶ du'un je̱'e̱ myu̶na'añ: ‘Tzok ju̶wu̶'u̶ je̱'e̱ mmu̶ju̶u̶n mmu̶du̶jk du'un neby miich ku̶'u̶m mnaychogyiiju̶ñ.’ Adaa me̱tzkpu̶ ane̱'e̱mu̶ñ ni'igyu̶ jakmu̶j ka'p du'un ni mu̶dyiibu̶ñu̶ba.

Chi je̱'e̱ Jesús mu̶j'yaaxy je̱'e̱ dyiscípulotu̶jk ajku̶xy, y nu̶maay ajku̶xy: —Tu̶y'ajtu̶ñ du'un nnu̶maaygyu̶xy ko adayaaba ayoobu̶ ku'o'ogytyo'oxyu̶jk, jakni'igyu̶ lyimoosnu̶ tu̶ yeky ka'p du'un ni pú̶nu̶ñu̶ba mu̶dyiibu̶ je̱'e̱ meeñ pu̶daakku̶xpu̶ñ ma je̱'e̱ limoosnu̶ kaaxu̶ju̶ñ. Ku̶xyu̶ je̱'e̱ kumeeñjya'ay ye̱jkku̶xypy lyimoosnu̶ je̱', je̱'e̱ meeñ mu̶dyiibu̶ jaknadu̶gu̶u̶ybyu̶ñ, peru̶ adayaaba ayoobu̶ ku'o'ogytyo'oxyu̶jk, tu̶ yu̶'u̶ ku̶xyu̶ ye̱jkta'ay je̱'e̱ mu̶dyiibu̶ najty ñigayeemby ñi'u'uge̱e̱mbyu̶ñ.

Jiiby najty je̱'e̱ Jesús tu'ook y'u̶ña'ay ma je̱'e̱ mu̶jtzajptu̶jku̶ñ ma je̱'e̱ limoosnu̶ kaaxu̶ winduuyu̶ñ wyindu̶kxna'ay neby je̱'e̱ ja'ay meeñ pu̶daakku̶xyu̶ñ ma je̱'e̱ limoosnu̶ kaaxu̶ju̶ñ. Y maygyumeeñjya'ay najty meeñ may janch pu̶daakku̶xp. Y timymyu̶'ityu̶ tu'ug jya'ty ayoobu̶ ku'o'ogytyo'oxyu̶jk, y chi oy pu̶da'agy ma je̱'e̱ limoosnu̶ kaaxu̶ju̶ñ me̱tzk pi'kmeeñwya'kxy mu̶dyiibu̶ ka'p mu̶j kyapxyu̶ñ.

Y ndzojk nju̶wu̶u̶yu̶mu̶ch je̱'e̱ Dios mu̶u̶d je̱'e̱ joot winma'añ ku̶xyu̶, mu̶u̶d je̱'e̱ wij'ajt ke̱j'ajtu̶ñ ku̶xyu̶, y mu̶u̶d je̱'e̱ mu̶k mu̶jaa ku̶xyu̶, y ndzojk nju̶wu̶u̶yu̶mu̶ch je̱'e̱ nmu̶ju̶u̶n nmu̶du̶jk du'un neby u̶u̶ch ku̶'u̶m naychojk nayjyu̶wu̶u̶yu̶mu̶ju̶ñ, ni'igyu̶ je̱'e̱ chobaady ni'igu̶ ka'p je̱'e̱ no'on ju̶yujk windzu̶gu̶'u̶ñ y je̱'e̱ yojxu̶ñ mu̶dyiibu̶ ku̶xyu̶ ja'ayajno'kpu̶ñ ma je̱'e̱ poch ma je̱'e̱ windzu̶gu̶'u̶ñ yaj'yékyu̶ñ.

Mu̶'it je̱'e̱ Jesús ñu̶maayu̶ ajku̶xy: —Pues mooygyu̶x je̱'e̱ mu̶j'ane̱'e̱mbu̶ je̱'e̱ mu̶dyiibu̶ je̱'e̱ mu̶j'ane̱'e̱mbu̶ paattu̶bu̶ñ, y mooygyu̶x je̱'e̱ Dios je̱'e̱ mu̶dyiibu̶ je̱'e̱ Dios paattu̶bu̶ñ. Y ko du'un y'adzoowu̶ ajku̶xy, chi mu̶k yajnú̶kxy yajju̶wu̶u̶y ajku̶xy.