Populære bibelvers fra Lucas 22

Del

Gne': «Xuuza, xhki re'en'du buslá neda lu yëla rsaka'zi' ni; san ti gak ka ryaazlaadxa'a neda gak ka ryaazlaadxu'u li'.»

san neda chi gutayua' kiu', naar ti gnitiu' yëla rajle' kiu'. Len kati chi bubi'ilaadxu'u, guk'leen'ke bunach tayajle'ke lakua'ke tzutzu.

Gdëëd ni gde'le'e yët'xhtiil, len gdëëd be'e yëla dexhken Dios bxhuuxhje len bnëëdzje kieke, gne': —Le ni nak xhpeela'a, le rnëëdzja lu yëla gut nia'a kieeli. Gulgun ki naar tzajnei'li neda.

Lekz'ka' beene len xhiiga'a, gdëëd gla'we xhtzë', gne': —Xhiiga ni nak diidza kub le rxënalaadxi'li ati len rën kia' rzi'luna'a, le glaalja nia'a kieeli.

Lu yëla rsaka'zi' kie', Jesús rui'leene diidza Dios gdu ikj'laadxi'dau'e, len nis yës kie' le glëxhj lyu gulana' ka rna' rën.

San lbi'ili ti rala gak'li bënni ka', bënni nake blou ladj'li rala guune kuine ka bënni ti nake blou len bënni rnabe'e rala guune kuine ka bënni ruune dxin ki lze'e.

Jesús bubi'e diidza: —Pedro, rea' li' ki na'dza kati zia'a këëdx'ba xi'in'druuz, tson lzu ti si'luno'u ki numbe'u neda.