Populære bibelvers fra متّی 7

Del

”خُدا کنُوں منگدے رَہسو تاں او تُہاکُوں ݙِیندا رَہسی، اُونکُوں ڳولو تاں تُہاکُوں مِلسی، دَر کھڑکیسو تاں تُہاݙے کیتے کھولیا ویسی۔

کیوں جو جیرھا وی منگدے اُونکُوں مِل ویندے اَتے جیرھا ڳولیندے اُونکُوں لَبھ پوندے اَتے جیرھا دَر کھڑکیندے اُوندے کیتے کھولیا ویندے۔

”اَتے جیرھا میݙیاں ایہ ڳالھیں سُݨدے اَتے اِنہیں اُتے عمل کریندے او ہُوں سیاݨے بندے وانگوں ہے جَیں اپݨے گھر دا ایرا پکی جاہ اُتے رکھیا۔

اِیں کیتے جیویں تُساں چاہندو جو لوک تُہاݙے نال کرَݨ تُساں وی اُنہیں لوکیں نال اُونویں سلُوک کرو کیوں جو تورات اَتے نبیئیں دی تعلیم اِیہا ہے۔“

پَر جیرھا دَر حیاتی دو گھِن ویندے او سوڑا ہے اَتے اُوں رَستے اِچ تکلیفاں ٻَہُوں ہِن اِیں کیتے تھوڑے لوک ای اِیں رَستے اُتے ٹُردِن۔“

”تُوں خُدا دی بادشاہی اِچ سوڑے دَر کنُوں وَنڄ کیوں جو جیرھا رَستہ چوڑا ہے اُوندا دَر وی وَݙّا ہے او دوزخ دو گھِن ویندے اَتے اُوں رَستے اُتے ٹُرݨ آلے ٻَہُوں ہِن۔

جے تُساں بُرے تھی کرائیں وی اپݨے ٻالیں کُوں چَنڳیاں شئیں ݙیندو تاں تُہاݙا اَسمانی باپ اُنہیں کُوں چَنڳیاں شئیں کیوں نہ ݙیسی جیرھے اُوں کنُوں منگدِن۔

”کہیں دے بارے ایہ فیصلہ نہ کرو جو او قصُور وار ہے تاں جو تُہاݙا وی اِینجھا فیصلہ نہ کیتا وَنڄے۔ کیوں جو خُدا تُہاݙی عدالت وی اُونویں ای کریسی جیویں تُساں ٻنہیں دی عدالت کریندو اَتے او تُہاݙے کیتے وی اُوہو اصول رکھیسی جیرھے تُساں ٻنہیں کیتے رکھیندو۔

پَر جیرھا میݙیاں ایہ ڳالھیں سُݨ کرائیں اُنہیں اُتے عمل نَئیِں کریندا او اُوں بےوقوف بندے وانگوں ہے جَیں اپݨے گھر دا ایرا کچی جاہ اُتے بݨایا۔

تَیکُوں کیوں اپݨے بِھرا دی اَکھ دا ککھ نظردے پَر او شتیر نَئیِں نظردا جیرھا تیݙی اپݨی اَکھ اِچ ہے؟ جݙّاں تَیکُوں اپݨی اَکھ اِچ شتیر نظر نَئیِں اَندا تاں تُوں کیویں اپݨے بِھرا کُوں آکھ سڳدیں جو کھڑ، مَیں تیݙی اَکھ اِچ پِیا ککھ کڈھ ݙیواں۔

”جیرھے کُوڑے نبی بݨ کرائیں اَندِن اُنہیں کنُوں ہُشیار رَواہے او تُہاݙے کولھ بِھیݙیں وانگوں بھولے بݨ کرائیں اَندِن پَر اندر کنُوں او چیر پاڑ کرَݨ آلے نَہریں وانگوں ہوندِن۔ اُنہیں دے عملیں کنُوں تُساں اُنہیں کُوں سُنڄاݨ گھِنسو، کیا کیکِر کنُوں اَنگور یا کرہئیں کنُوں ہنجیر دا پَھل پَٹیندو؟

اِیویں ای چَنڳاں وَݨ چَنڳاں پَھل ݙیندے اَتے خراب وَݨ خراب پَھل ݙیندے۔

نہ چَنڳاں وَݨ خراب پَھل ݙے سڳدے اَتے نہ خراب وَݨ چَنڳاں پَھل۔

جیرھا وَݨ چَنڳاں پَھل نَئیِں چیندا او کَپیا اَتے بھاہ اِچ سَٹیا ویندے۔