Populære bibelvers fra मत्‍ति 8

Del

इसु एम्‍बालाइहेङ दोअ्‌हि, “खोइ कुनु नेलाइको खान्‍धुर? नेलाइ हाइपालि थिसुखेना?” कालाउ ल्‍होतेङ वा दुमभेर्माहेङ रो लहरहेङ हाकाराइहि, कालाउ भेर्मा रो लहर ओदोङघरि गाङहि।

कालाउ बुङ काप्‍तान दोअ्‌हि, “ओइ प्रभु, नासेहेङ काङको सिता चुमपुलि लायकको का मान्‍थुघा। ना कथन खिनिङ धुइपि, कालाउ काङको कामत्‍या एलावा।

कप्‍तानको काथा हिङतेङ इसु भारभुसाइहि रो वासेहेङ पिताइतेङ लोकालाइहेङ दोअ्‌हि, “जातिङको, का नेलाइहेङ दोअ्‌खा, इस्राएलिगेलाइता बुङ इसिका बारा खान्‍धुर का निङका मान्‍थुघा।

कालाउ इसु काप्‍तानहेङ दोअ्‌हि, “हाने, जिसिका ना खान्‍धुर पाका हिन्‍हा, इन्‍सिकाङ ज्‍याको।” कालाउ इङको कामत्‍या इदोङखातिर घरि एल्‍हि।

इदोइ तिन्‍तेङ झाराङ भारभुसाइतेङ दोअ्‌लि तेङहि, “या ते हिसिका द्‍याङ वाला, दुमभेर्मा रो लहर बुङ वाको हुकुम साअ्‌खे।”