Populære bibelvers fra San Juan 4

Del

Saa chi Iva yo tá káa Tachi ndinuꞌu saa káa ra, ta na xáa toꞌo ra ta xíniñuꞌu na xaa toꞌo na ra xiꞌin tachi ra tin ya ndaa ―káchi Jesús xiꞌin yá.

Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

Saa ndi̱kaꞌan yá xiꞌin ra, káchi yá saa: ―Tata, ni köo ñaꞌa níꞌi un tava un rá, ta kúnu ni ndíkaa rá. ¿Án ndixa káꞌan un? ¿Ta míí tava un rá taxi un koꞌo i ya kutaku i?

Saa ndi̱kaꞌan yá xiꞌin ra, káchi yá saa: ―Xíni i iin kivi ta kixi Taa ra Mesías. Ta káꞌan tu na xiꞌin ra Cristo va. Tá ná kixi ra ikán ta saa ndikani vaꞌa ka ra nuu nde ―káchi yá. Saa ndi̱kaꞌan Jesús xiꞌin yá, káchi ra saa: ―Ra káꞌan un xaꞌa ñaa ku yeꞌe va ―káchi ra xiꞌin yá.

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.