Populære bibelvers fra San Lucas 10

Del

Ta yeꞌe táxi i ndee ndaꞌa ndo ya kuañu ndoso ndo sata kiti ko̱ó kueꞌe xiꞌin kiti tisoꞌma, ta kuchiñu ndo nuu ndiꞌi tachi nduvaꞌa ya káni taꞌan xiꞌin ndo ta nda iin ya kündoꞌo ndo.

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó. Sundi íyo iindaa chiñu ya xíniñuꞌu ni un ikan un. Yá María kuꞌvi un, ta ndee ni ka vaꞌa ya ndi̱kaxin yá yóꞌó, ta nda iin naꞌa küchiñu kindaa ya ndaꞌa yá ―káchi Jesús xiꞌin yá Marta.

Saa ndi̱kuiin ra ikán káꞌan ra saa: ―Soꞌva káchi ya: “Ná kuꞌvi ini yo kuni yo Ndioxi xiꞌin ndinuꞌu nima yo tin ya vaꞌa yo xiꞌin ndiꞌi ndee yo xiꞌin ya ndíkani ini yo. Ta saa ná kuꞌvi ini yo kuni yo na taꞌan yo tá kuꞌva kúꞌvi ini yo xíni xiꞌin mií yo”. Soꞌva káchi ya ta̱a ra Moisés ―káchi ra ikán xiꞌin Jesús.

Ñaa ndi̱kaꞌan ra xiꞌin nda, káchi ra saa: ―Ya ndixa kua íyo ni naꞌa, na kúmani kuni soꞌo tuꞌun Ndioxi. Tá íyo i̱tu̱n ya xa vaꞌa sikee yo, saa íyo na. Yakan kua xíniñuꞌu ndo kuaku ndaꞌvi ndo nuu Ndioxi ya ná tiꞌvi ka ra naꞌa ya chindee taꞌan na xiꞌin ndo ya sikee ndo ñaꞌa.

Ñaa ndi̱ndakan tuꞌun Jesús ra, káchi ra saa: ―¿Unku uni saa nda taa nda ndi̱yaꞌa nuu kánduꞌu ra ti̱kueꞌe ikán xaa taꞌan ñaꞌa, túvi yóꞌo̱? ―káchi ra xiꞌin ra. Saa ndi̱kuiin ra, káchi ra saa: ―Túvi yeꞌe ra ku̱ndaꞌvi ini xi̱ni ñaꞌa, ra ikan ku ra xaa taꞌan ñaꞌa ―káchi ra ikán xiꞌin Jesús. Ta saa ndi̱kaꞌan Jesús xiꞌin ra, káchi ra saa: ―Kuáꞌan, ikan tá i̱kan ra ku̱ndaꞌvi ini xi̱ni ra ti̱kueꞌe ikán xiꞌin inka naꞌa ―káchi Jesús xiꞌin ra.

’Kuáꞌan ndo vitin, tíꞌvi i ndóꞌo̱ kuꞌun ndo xaa chiñu ndo xaꞌa Ndioxi. Tá kuaꞌan kiti levo vali maꞌñu kiti ndivaꞌi saa kuꞌun ndo, chi ìyo ni kuꞌun ndo.