Populære bibelvers fra San Marcos 5

Del

Ñaa ndi̱kaꞌan ra xiꞌin yá, káchi ra saa: ―Xa ndu̱vaꞌa un seꞌe, saa chi ndáa ni ini un xíni un yeꞌe, vaꞌa kuanuꞌu vitin, köo ka ya kundiꞌi ini un xaꞌa chi xa ndu̱vaꞌa un ―káchi ra xiꞌin yá.

Ta tañu na kuaꞌan xiꞌin ra ikán, kuaꞌan iin yá ñaꞌa kúꞌvi. Ndee ka vi ndóꞌo yá, xa ndi̱xinu uxi uvi kuiya kúꞌvi yá xíta nií yá. Ta kuaꞌa ka vi ichí ndi̱xaꞌan yá nuu na ndotor, ta ni köo ndi̱kuchiñu na sindaꞌa ñaꞌa na, ñaa iin ndi̱ꞌi vaꞌa xuꞌun yá, ta ndu̱ndee vaꞌa ka kueꞌe xiꞌin yá.

Tá ti̱in ndaa soꞌva yá tikoto ra, ta saa ndikun ku̱ndaa ini yá ndu̱vaꞌa yá.

Saa ti̱in ra ndaꞌa yá loꞌo ikán, ta ndi̱kaꞌan ra xiꞌin yá, káchi ra saa: ―Talita, cumi ―káchi ra xiꞌin yá. Tuꞌun ikán kúni kachi ya: “Yá loꞌo, káꞌan i xiꞌin un ndikoo un”.

Saa káꞌan ka ra xiꞌin yá, ta ndi̱xaa na ke̱e veꞌe ra Jairo, káꞌan na xiꞌin ra, káchi na saa: ―Tata, xa ndi̱xiꞌi va seꞌe un, köo xíniñuꞌu ka un sindiꞌi un ini Tata Maestro ñaa ―káchi na xiꞌin ra. Ñaa xi̱ni soꞌo Jesús ya ndi̱kaꞌan na xiꞌin ra Jairo, saa ndi̱kuiin ra káꞌan ra xiꞌin ra: ―Küu iꞌvi un, iindaa yeꞌe kandixa ni un ―káchi Jesús xiꞌin ra.

Saa ndi̱kaꞌan ra kúu mií tachi nduvaꞌa, chi xa yachi vi ndi̱kaꞌan Jesús xiꞌin mií tachi nduvaꞌa ikán, káchi ra saa: ―¡Tachi nduvaꞌa, keta kuáꞌan ta saña un ra yóꞌó ná nduvaꞌa ra! ―ka̱chi ra xiꞌin ya. Saa ndi̱ndakan tuꞌun Jesús ya, káchi ra saa: ―¿Unkua náni un, káchi ra xiꞌin ya? Saa ndi̱kuiin ya, káchi ya saa: ―Legión náni i, saa chi kuaꞌa ni ku nde ―káchi ya.