Populære bibelvers fra Juáán 10

Del

Tsí ku̱ꞌwá na̱ꞌkhe̱e̱ rí ma̱ꞌne-kúwii̱nꞌ, rí ma̱gu̱díi̱n jamí rí ma̱ꞌne-gámbii̱n xu̱kú mogo̱. Xómáꞌ ikhúúnꞌ niꞌkhalo̱ꞌ rí mbuyee̱, jamí rí ma̱ju̱wée̱ꞌ tsímáá nda̱a̱ rí gáꞌñúu̱.

»Ikhúúnꞌ ñajunꞌ waxtú tsí májáan. Waxtú tsí májáan, xtáa̱ na̱ma̱ñuu̱ rí ma̱ja̱ñúu̱ ga̱jma̱á numúú xu̱kú mogo̱.

Tsí ñajúún mogui̱ꞌ nu̱dxawíi̱n rí na̱tha̱nlo̱ꞌ. Ikhúúnꞌ na̱ne̱ꞌnúu̱ jamí ikhii̱n nagóo̱ tsu̱du̱ꞌ.

Ikhúúnꞌ na̱ne̱ rí ma̱ju̱wée̱ꞌ jámuu, jamí ni miꞌtsú ma̱xájáñúu̱, xúꞌkhue̱n máꞌ nimbáa ma̱xáꞌngo̱o̱ ma̱gu̱wíi̱n ná ñawúnꞌ.

Ikhúúnꞌ ñajunꞌ xkrugua. Tsí ma̱to̱ꞌo̱o̱ ná xkrugua ríge̱ꞌ ma̱jríya̱a̱ꞌ. Ma̱nindxu̱u̱ xómá xu̱kú mogo̱ tsí na̱to̱ꞌo̱o̱ jamí nagájna̱a, jamí naxkamaa ra̱xa̱ me̱kho̱.

»Ikhúúnꞌ ñajunꞌ waxtú tsí májáan. Na̱ne̱ꞌnúu mogui̱ꞌ, jamí ikhii̱n nune̱-nuwúu̱n

Tátéꞌ nixníꞌ mogo̱ tsíge̱ꞌ, jamí ikhaa̱ phú i̱tha̱án mba̱a̱ tsiakhe̱ gíꞌdoo̱ xó rí mbá xúgíin, ikhaa jngó nimbáa ma̱xáꞌngo̱o̱ ma̱gu̱wíi̱n ná ñawúun Tátéꞌ. Mbáwíi máꞌ xa̱bo̱ ñajunꞌ ikhúúnꞌ ga̱jmi̱ꞌ Tátéꞌ.

xómá rí naꞌne-nuwúúnꞌ Tátéꞌ, jamí rí ikhúúnꞌ na̱ne̱-núwíi̱nlo̱ꞌ. Rúꞌkhue̱n kajngó na̱xna̱xí-mina̱ꞌ rí ma̱ja̱ñúꞌ ga̱jma̱á numúú mogo̱.

Nimbáa tsíxíñu̱úꞌ ga̱jma̱á tsiakhe̱, rí jmínu̱úꞌ máꞌ ikhúúnꞌ na̱xna̱xí-mina̱ꞌ rí ma̱ja̱ñúꞌ. Gúꞌdo̱ꞌ tsiakhe̱ rí ma̱xna̱xí-mina̱ꞌ ma̱ja̱ñúꞌ, xúꞌkhue̱n máꞌ gúꞌdo̱ꞌ tsiakhe̱ rí mba̱ya̱a mbiꞌyuꞌ. Ikhaa ríge̱ꞌ nixná-ñájwinꞌ Tátéꞌ rí ma̱ne̱lo̱ꞌ».

Ikhaa jngó nithanga̱a Jesús niꞌthúu̱n mbu̱júꞌ: «Na̱tha̱nꞌ-jmbalaꞌ rí ikhúúnꞌ ñajunꞌ xkrugúún xu̱kú mogo̱.

Xómáꞌ tsí nadaa numuu rí ma̱ña̱wu̱ún xu̱kú mogo̱ rá, nagáyuu̱ ído̱ ndaꞌyoo̱ rí na̱ꞌkha̱ i̱ña̱ꞌ. Naniñúu̱ numuu rí ra̱ꞌkhá ikhaa̱ ñajuu̱n ña̱ꞌñíí xu̱kú mogo̱. A̱ꞌkhue̱n rí i̱ña̱ꞌ naxkúún xu̱kú mogo̱ jamí ge̱e̱ ñúꞌún i̱dráꞌiin iꞌnii̱.

A̱ꞌkhue̱n Jesús niꞌthúu̱n: «Na̱tha̱nꞌ-jmbalaꞌ ríge̱ꞌ: tsí na̱nguá i̱to̱ꞌo̱o̱-muu ná xkrugoo kúru̱ún xu̱kú mogo̱, rí na̱ki̱xi̱i̱ janíí na̱to̱ꞌo̱o̱, tsúꞌkhue̱n ñajuun ku̱ꞌwá jamí tsí na̱grui̱gú-jáꞌñúú xa̱bo̱ ga̱jma̱á tsiakhe̱.