Populære bibelvers fra Juáán 15

Del

»Ikhúúnꞌ ñajunꞌ xómá ixu̱u̱ úba̱, jamí ikháanꞌlaꞌ ñajwanlaꞌ xómá ñawúun ixu̱u̱ úba̱. Tsí xtáa jayu ga̱jma̱á nindxu̱ꞌ ikhúúnꞌ, xómá rí ikhúúnꞌ xtáá jayu ga̱jma̱á nindxu̱u̱ ikhaa̱, ikhaa tsúꞌkhue̱n ma̱nindxu̱u̱ xómá ñawúun ixu̱u̱ úba̱ rí phú naxná xndúu. Numuu rí nimbá rí ma̱xáꞌnga̱ꞌlaꞌ gúne̱, xí nu̱ne̱ tsíngua̱ꞌ-mijnálaꞌ ná inuꞌ.

Ga̱juwalaꞌ jayu ga̱jma̱á nindxu̱ꞌ, xómá rí ikhúúnꞌ xtáá jayu ga̱jma̱á nindxa̱ꞌlaꞌ. Ndu̱ya̱álaꞌ máꞌ rí nimbá ñawúun ixu̱u̱ úba̱ tsíxná xndúu, xí na̱nguá ka̱ma ne̱ jayu ná ixu̱u̱. Xúꞌkhue̱n máꞌ mangáanꞌlaꞌ, nda̱a̱ rí gáꞌnga̱ꞌlaꞌ gúne̱ xí na̱nguá juwalaꞌ jayu ga̱jma̱á nindxu̱ꞌ ikhúúnꞌ.

Xí ikháanꞌlaꞌ juwalaꞌ jayu ga̱jma̱á nindxu̱ꞌ jamí ríga̱ jayu ajngóꞌ ga̱jma̱á nindxa̱ꞌlaꞌ, gu̱nda̱ꞌa̱laꞌ asndo náá máꞌ rí nandalaꞌ, jamí ma̱janálaꞌ ne̱.

Ra̱ꞌkhá ikháanꞌlaꞌ ni̱ra̱ꞌwúúnlaꞌ, rí ikhúúnꞌ ni̱ra̱ꞌwáanꞌlaꞌ, jamí ni̱xna̱ngáwalaꞌ rí mu̱ꞌgualaꞌ jamí rí mu̱ne̱laꞌ rí máján. Ikhúúnꞌ nandoꞌ rí ga̱ri̱gá jayu rí máján nu̱ne̱laꞌ. Xkuaꞌnii kajngó maxnálaꞌ Tátéꞌ mbá xúgíí rí mu̱nda̱ꞌáa̱laꞌ ga̱jma̱á numuꞌ ikhúúnꞌ.

Ndawa̱a̱ i̱mba̱a̱ꞌ tsí phú i̱tha̱án nandoo jaꞌñúú xa̱bo̱ xó rí xa̱bo̱ tsí naxnáxe̱-mina̱ꞌ rí ma̱ja̱ñúu ga̱jma̱á numúú iyanga̱jwe̱e.

Jámba̱ ñawúun ixu̱ꞌ rí tsíxná xndúu, na̱ro̱thon-ríguíi̱ ne̱. Xúꞌkhue̱n máꞌ mangaa mbá xúgíí ñawúnꞌ rí naxná xndúu, ikhaa̱ naꞌne-jaꞌwuu̱ ne̱, kajngó i̱tha̱án mbaꞌa xndúu ne̱ gájma̱a̱.

Ríge̱ꞌ ñajuun rí na̱xna̱-ñájwanlaꞌ: Mbá xúgiáanꞌlaꞌ ga̱galaꞌ ju̱ya̱-mijnálaꞌ, xómá rí nandoꞌ ja̱ya̱ꞌlaꞌ ikhúúnꞌ.

Phú na̱gu̱ma-mba̱a̱ Tátéꞌ eꞌne ído̱ rí ikháanꞌlaꞌ phú nu̱ne̱laꞌ rí máján, a̱ꞌkhue̱n nakujma rí ikháanꞌlaꞌ ñajwanlaꞌ tsí na̱sngúún.

»Ikhúúnꞌ ñajunꞌ xómá ixu̱u̱ úba̱ rí phú gakon, jamí Tátéꞌ ñajuun tsí na̱ña̱wu̱u̱n ne̱.

Tsí na̱nguá xtáa̱ jayu ga̱jma̱á nindxu̱ꞌ, mi̱ꞌdaa̱ rixa̱á xómá ñawúun ixu̱u̱ úba̱ rí tsíxná xndúu, rí nothon-rígú, rí nojndoo, jamí nda̱wa̱á nitagímbúu jamí nati ná awúun agu mi̱kha.

Na̱tha̱nꞌlaꞌ mbá xúgíí ríge̱ꞌ kajngó ma̱ꞌdxu a̱kia̱nꞌlaꞌ xómá rí nadxu a̱kui̱nꞌ ikhúúnꞌ, jamí ma̱ꞌne jañii rí nadxu a̱kia̱nꞌlaꞌ.

Xí nu̱ne̱-mbáníílaꞌ mbá xúgíí rí na̱xna̱-ñájwanlaꞌ, ma̱juwalaꞌ jayu ga̱jma̱á numuu rí ikhúúnꞌ nandoꞌ ja̱ya̱ꞌlaꞌ. Xómá rí ikhúúnꞌ ne̱ne̱-mbánuulo̱ꞌ mbá xúgíí rí nixná-ñájwinꞌ Tátéꞌ jamí xtáá jayu ga̱jma̱á numuu rí ikhaa̱ nandoo̱ jaꞌyeꞌ.

Ríge̱ꞌ na̱xna̱-ñájwanlaꞌ: Ga̱galaꞌ ju̱ya̱-mijnálaꞌ.

Xí numuu rí ikháanꞌlaꞌ jaꞌñáaꞌlaꞌ xómá jaꞌñúú xa̱bo̱ numbaa, a̱ꞌkhue̱n rí ma̱gúún máꞌ xa̱bo̱ numbaa juyalaꞌ xómá rí nandúu̱n juya-mijnée̱ ikhii̱n. I̱ndo̱ó máꞌ numuu rí ikhúúnꞌ ni̱ra̱ꞌwáanꞌlaꞌ ná majñu̱ú mbá xúgíin xa̱bo̱, kajngó náxánindxa̱ꞌlaꞌ xómá jaꞌñúú xa̱bo̱ numbaa. Ikhaa numuu rúꞌkhue̱n tsíñúú xa̱bo̱ numbaa gúyalaꞌ.