Populære bibelvers fra Juáán 6

Del

A̱ꞌkhue̱n Jesús niꞌthúún xa̱bo̱: ―Ikhúúnꞌ ñajunꞌ guma rí jayá mbiꞌñúú xa̱bo̱. Tsí na̱ꞌkha̱ ná inuꞌ, ni miꞌtsú náxáxki̱dxu̱u̱. Jamí tsí nanimbo̱o̱ꞌ jaꞌyeꞌ, ni miꞌtsú náxájándawoo̱.

Xu̱u̱ꞌ Ana̱ꞌlóꞌ ñajuun tsí naꞌne rí ma̱ju̱wá jámuu xa̱bo̱. Tsí xa̱bo̱ numbaa ma̱xáꞌngo̱o̱ ma̱ꞌne rúꞌkhue̱n. Ajngáa rí ikhúúnꞌ ni̱tha̱nꞌlaꞌ, naꞌne ne̱ rí ma̱ꞌkha̱ ga̱jma̱á nindxa̱ꞌlaꞌ Xu̱u̱ꞌ Ana̱ꞌlóꞌ tsí naꞌne rí ma̱ju̱wá xa̱bo̱.

Mu̱xúñajunlaꞌ ga̱jma̱á numuu ganitsu rí ndámba̱. Gu̱ñajunlaꞌ ga̱jma̱á numuu ganitsu rí ríga̱ jámuu jamí naꞌne rí ma̱juwalaꞌ jámuu. Ganitsu rúꞌkhue̱n ñajuun rí maxnálaꞌ A̱dée Xa̱bo̱ Numbaa, numuu rí tsúꞌkhue̱n wasngájmaa neꞌne Tátéꞌ tsí ñajuun Ana̱ꞌlóꞌ rí maxná ne̱.

Ríge̱ꞌ ñajuun rí nandoo Tátéꞌ: rí jámba̱a̱ tsí ndaꞌyeꞌ jamí nanimbo̱o̱ꞌ jaꞌyeꞌ ikhúúnꞌ tsúún ñajunꞌ A̱dée̱, mba̱ꞌyee̱ jámuu. Jamí ikhúúnꞌ ma̱ne̱ rí mbayáa̱ mbiꞌyuu̱ ído̱ gága̱nú mbiꞌi rí ndámba̱wóo.

A̱ꞌkhue̱n Jesús niriꞌñúu̱: ―Ga̱nimba̱ꞌlaꞌ ju̱ya̱á tsí nixúngua̱a̱ꞌ, rúꞌkhue̱n iyoo Ana̱ꞌlóꞌ rí mu̱ne̱laꞌ.

Mbá xúgíin tsí naxníꞌ Ana̱ꞌlóꞌ, naguwée̱ꞌ ná inuꞌ. Jamí tsí naguwá ná inuꞌ, ma̱xáxkúu̱nlo̱ꞌ janíí.

Xómáꞌ Simón Pédro̱ niriꞌña: ―Táta̱, tsáa lá i̱mba̱a̱ꞌ gúꞌguáxo̱ꞌ inuu rá. I̱ndo̱ó máꞌ ajngáaꞌ ikháánꞌ naꞌne rí ma̱juwaxo̱ꞌ jámuu.

Ikhúúnꞌ ñajunꞌ guma ndaꞌya rí ni̱ga̱taa mikhuíí. Xí mbáa gékho̱ guma ríge̱ꞌ, mba̱ꞌyee̱ jámuu. Guma rúꞌkhue̱n ñajuun xuyuꞌ, jamí ikhúúnꞌ ma̱xna̱xí ne̱ kajngó ma̱ju̱wá xa̱bo̱ numbaa».

Nimbáa xa̱bo̱ ma̱xáxóo ma̱ꞌkha̱ ná inuꞌ, xí ra̱ꞌkháa Tátéꞌ tsí nixúngu̱únꞌ na̱ꞌkha̱ jayáa̱. Jamí xúgíin tsí naguwá ná inuꞌ, ma̱ne̱ rí mbuyaa̱ mbiꞌñúu̱ ído̱ gága̱nú mbiꞌi rí ndámba̱wóo.

Guma rí naxná Ana̱ꞌlóꞌ ñajuun tsí ni̱ga̱taa mikhuíí jamí ikhaa̱ jayée̱ mbiꞌñúú xa̱bo̱ numbaa.

Ikhúúnꞌ ñajunꞌ guma rí jayá mbiꞌñúú xa̱bo̱.

Jesús niwatuun guma rúꞌkhue̱n jamí niríguu̱ la gamaku inuu Ana̱ꞌlóꞌ. Wámba̱ rúꞌkhue̱n nixpíꞌtháa̱ ne̱, nixnúu̱ ne̱ tsí naꞌsngúu̱n. Xómáꞌ tsí naꞌsngúu̱n ni̱xpi̱ꞌtha̱a̱ ne̱ kajngó mu̱pho̱ xa̱bo̱ asndo wátha̱ máꞌ neꞌne a̱kui̱ín. Xúꞌkhue̱n máꞌ niꞌnii̱ ga̱jma̱á i̱gi̱ꞌ mangaa. Ído̱ wámbu̱ún xa̱bo̱ nipeꞌtso ni̱gi̱ꞌmúú, a̱ꞌkhue̱n Jesús niꞌthúún tsí naꞌsngúún: «Gu̱raxi̱ilaꞌ xkuꞌxí rí nipíduun, kajngó ma̱xága̱díí nitháan».

Nigóo̱ juñúu̱ máꞌ ixe̱-rguwa xí mbá witsu kilóme̱tro̱ wáa, ído̱ ndiyáa̱ rí na̱ka̱ nakhúu Jesús ná inuu ñañuu a̱pha̱ jamí naxuꞌma-mine̱e̱ꞌ ná ixe̱-rguwa rí gatii̱n, a̱ꞌkhue̱n phú nimíñúu̱. Xómáꞌ Jesús niꞌthúu̱n: «¡Ikhúúnꞌlo̱ꞌ, ma̱xámíñalaꞌ!».