Populære bibelvers fra Imamat 26

Del

Mada'a Ngoi ḏuanga i'a To 'ahu tau-taunu taninga sigolona, Ngoi to dadi Ma Jou'ongu Madutu ga'a ngini ni silamo'o re siḏubuso re ngini ni dadi 'Ari 'umata.

ḏua Ngoi ḏuanga i'a To siguci besa'a toma enanga ma 'orasa, singadolo tana'a 'i pula'a ma hasili re ninga ate-ate taninga guḏa 'i sisupu ma sowo'o.

Na'o ngini ninga 'ahu 'i mete'e 'Ari hukumu re ni madaga'a 'Ari bererongo

Ngoi ḏuanga i'a to jaga dame la-la di'a ninga 'ahu taninga daeraha singadolo ni otu rousu i'a re ni mojongo 'a guna ḇato ua. Haiwani-haiwani nga-ngabala ga'a 'i oromo manusia, Ngoi ta singi-ngiranga taninga daeraha, re taninga daeraha kama parangi riwara.

Ngoi ḏuanga i'a to sibarakati ngini singadolo ngini ḏuanga i'a ni rera re walata, re 'oru ga'a ngoi to jaji ra ngini, tantu ḏua Ta sitotomo.

Ngoi nena-ne, Ma JOU, Ma Jou'ongu Madutu ga'a Tini gasa re sisupu toma Mesir, la ni dadi ananga manga budaka riwara. Kuasa ga'a 'i sito-to'u ngini ga'a ma tero sa'olo gading ma koseng taninga bele'asa, Ngoi reta rapo'o re ngini Tunu sidadi ngowa'a raḏi bebasa, la ngini nyengara ni tagi-tagi kama ruku tala ninga sae'e moju sa'olo budaka.

Ngoi ḏuanga i'a to side'oso 'Ari Suyu'u la Ngoi to tegoro taninga sigolona re Ngoi Ma JOU masiretene ḏuanga i'a To basono emo-emono ua na'o To 'oḏi'i ngini.

Ma JOU 'o kanau ma betongo so'o ne: <<Awa ni 'a'a dulada bolo side'oso enanga ga'a ma duhu ma tero sa'olo ga'a 'ahu bolo ngasu'u maḏi bolo ngasu'u maḏi 'ukiri di'a na silamo'o re siḏubuso. Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.

Ngini ḏuanga i'a ni oromo moju ninga tana'a ma hasili toma musungu ḏuḏunu toma titila ma dara singadolo ,ngini balasu ni sisupu hasili gena-ge sababu mau ni sigare tana'a ma hasili ga'a aro na 'utu'u.

Ngini pa'i sordado nga mutoara nga'unu na'u sita'aloko ninga sordado lawana nga latu moi remanga. Re ngini pa'i sordado nga latu moi nga'unu na'u sita'aloko sordado lawana nga cala nyagi moi. Ninga sordado lawana ngini ḏuanga ni sisengene reninga samaranga.

Ninga guḏa ma hasili 'i pai-pai'i singadolo 'orasa 'utu'u gandum togumu, ninga 'orasa 'utu'u 'anggur ḏi'i mai mulaingi, re ngadolo 'orasa 'utu'u 'ang̱gur 'i togumu, ninga 'orasa so'ana gandum 'i mulaingi. Ngini ḏuanga i'a ninga ngo-ngoromo pai-pai'i re ni 'ahu kama mojongo ua taninga daeraha.

Ngini ḏuanga i'a ni dedele ninga lawa-lawana singadolo na'u sisengene toma parangi ma dara.

Ngini balasu ni mete'e mode-mode'e 'Ari parenta di'a Sabata ma wangere mo-moini, re balasu ni silamo'o re mojongo 'Ari ngi'i ga'a ni siwola i'a di'a silamo'o re siḏubuso Ngoi. Sababu Ngoi nena-ne Ma JOU.