Populære bibelvers fra Dolabololo 11

Del

Ngowa-ngowa'a ga'a 'aḏi pula'a bu-bula'a lai lamo'o, ḏuanga i'a 'aḏi sanga pai-pai'i, ngowa'a ga'a 'aḏi nyafusu riono ngowa'a, unanga ḏuanga i'a ngowa'a 'u riono.

'Age rema ngowa'a tata-cira ua mada'a manga 'ori i'a rana 'i madogo-dogo; 'age rema ngowa'a tala'a, mada'a 'aḏi dadi ngowa'a ma dinga'unu ua.

Ngowa'a momole ḏuanga i'a sanga sipula'a mara'a mada'a ngowa'a maholo 'aḏi dadi ngowa'a 'akala soro'unu

Na'o bangsa rimoi kama bi-biri'i ua, ḏua 'i wejere, mada'a na'o ngowa'a ga'a pula'a duga re domolo repe, ḏua 'i salamata .

Ngowa'a loasa re banari manga hasili ma tero ate ga'a pula'a 'ahu, re ngowa'a 'akala soro'unu manga me-mete'e 'aḏi madogo-dogo

Ngowa'a ga'a nyanyaḏi 'aḏi sikanau ngowa'a, ananga gena-ge 'aḏi sijarita 'ori i'a go-gogono, mada'a ngowa-ngowa'a ga'a setia, ananga gena-ge 'aḏi damunu 'ori i'a ga'a gogono.

Ngowa'a remanga 'akala re sinyingara ma la-la 'aḏi si'utungu manga diri masiretene, mada'a ngowa'a ga'a ruta-ruta 'aḏi sijira manga diri masiretene.

Ngowa-ngowa'a ga'a 'aḏi masinganono tamanga harata, ḏuanga i'a 'aḏi eta'a, mada'a ngowa'a loasa re banari, ḏuanga i'a 'aḏi sela sa'olo so'a ma j̱imutu

Toma Kiamata ma Wangere, 'ori i'a rana ma faeda 'i cua; mada'a 'ahu loasa re banari, gena-ge ḏuanga i'a 'i sisalamata ngowa'a toma sengene.

Ngowa'a ga'a manga 'ahu 'i boloto, enanga gena-ge 'i sinyanyasele manga 'ahu mada'a ngowa'a ga'a tukanga sihaga, ananga manga haga masiretene ya'u sijira.

We-were'a rousu ga'a kami 'akala ma la-la ua ma tero sa'olo 'ali-'ali guraci toma soto ma ngunungu

Ma JOU 'o emono ngowa'a wu-wu'unu ga'a 'aḏi sirugi ngowa'a na'o 'aḏi situga 'ori i'a, mada'a Unanga 'o sanangi ngowa'a wu-wu'unu na'o ananga gena-ge ga'a 'aḏi pake kilo ba-banari.