Populære bibelvers fra Dolabololo 22

Del

Doto'o ngowa 'olo di'a mete'e ngo'omo boloto, ḏua singadolo 'orasa ananga 'aḏi piri'i, ananga 'aḏi masai'i ua toma ngo'omo gena-ge.

Ngogele di'a ngowa'a maholo re ngowa'a ga'a 'aḏi silamo'o re mojongo Ma JOU gena-ge harata, sayanga ma jingi'i re 'ahu lai kiḏanga.

Lomanga ga'a rousu gena-ge lebe hali reo harata repe, ngowa'a ya'u sayanga ma jingi'i lebe rousu reo salaka re guraci.

Ma'u ḏagilomu awa reo ngowa'a ga'a capati ruta, ma'u gasa awa ngowa'a ga'a tata-ruta

Ngowa'a ga'a manga 'akala re sinyingara la, ḏuanga i'a 'aḏi sanga barakati, sababu ananga 'aḏi sibalangu ngo-ngoromo di'a ngowa'a ma dinga'unu ua.

Na'o ngowa'a 'akala soro'unu 'aḏi oḏi'i bodito, ananga 'aḏi magogono, mada'a ngowa-ngowa'a ga'a 'ahu ma wo-waro rimoi i'a mai ua, ananga gena-ge 'aḏi tagi togumu ua, ḏua 'aḏi sanga bahala.

Ngowa'a rema-enanga 'aḏi kuasa toma ngowa'a ma dinga'unu ua, ngowa'a ga'a mabanyatoro 'aḏi dadi budaka toma ngowa'a ga'a 'aḏi sibau pipisi.

Ngowa'a rema-enanga re ngowa'a ma dinga'unu ua 'aḏi ma tero; ananga mo-moini, Ma JOU ya'u sidadi.

Awa na ra-rabasa ngowa'a lamahana, sababu ananga gena-ge 'aḏi lamahana, re awa sito'u-to'u ngowa'a ma dinga'unu ua na'o 'orasa hakimi toma ngalana lamo'o, sababu Ma JOU 'o simete'e ananga manga hali, re 'O sisengene ngowa'a ga'a ra-rabasa ananga.