Populære bibelvers fra Yohana 14

Del

Ntsinguvalechela wusichimafu, eena wusichimafu wangu ntsinguvapela, wusichimafu wo ntsinguvapela si wunakota wula wo wutawulwaga na vanu va muinyi. Mulekaje kususutala munumbula tsenyu, na kaha mulekaje kuva na muloto.

Yesu akamujibulaje, “Heni mwene yo ng'asi, ntsinguvalonjela vanu wukweli wa Mulungu, na kuvapela wumi wo wugaya wudugo. Kuduhu munu yoyuve yo afuluche atse kwa Dada bila kukolela kwa heni.

Yesu akavalonjelaje, “Mulekaje kususutala munumbula tsenyu.” Mungumutumba Mulungu, na kaha munumbe na heni.

Lechelelo uyo Mutantsi, yo Muhe va Mulungu, yo Dada vangu akumutuma kwenyu kukola katsi badili ya heni, akuvadahitsa ndongwa tseka na kuviwusa ndongwa tseka tsontsavalonje.

Vene wo vakugadichila malajitso gangu na kugadita, iwo wo van'ngana heni, nawo wo van'ngana heni vakuganwa na Dada vangu, na heni nguvagana na ngilajila kwa vene.”

Naheni ngumusuka Dada vangu, nayo akuvapela Mutantsi yunji yo akikala na henye siku tseka bila wudugo. Uyo yo Muhe va wukweli. Vanu va mu inyi tseka sivafuluche vamwanuchile kwasawuli sinambe vamuwone na sivamutsele. Lechelelo henye mumutsele kwasawuli alihamwe na henye, nayo angikala mugati mwenyu.

Nanye manyi musuche chinu chochive kota fyo ntsin'gana heni, icho nguchidita, ili Dada atsumitswe mugati mwa Mwana. Nanye manyi musuche chinu chochive kota fyo ntsin'gana heni, icho nguvaditila.

Manyi mungane mukutsidita amuli tsangu.

Mu nyumba ya Dada vangu muna hono holofu ha kikala, manyi si ihyo ntsika kuvalonjela. Heni ntsimbita kuvavichila chang'ani hono ha kikala.

Heni manyi mbite na kuvavichila chang'ani henye hono ha kikala, nguwuya kaha na kuvategula mwikale hamwe na heni, ili hono hala hontsili heni na henye muve baho.

Tomasi akamulonjelaje, “Mutwa, hetwe situkutsele ko um'bita, ihyo tukuyitsela ndawuli ng'asi?”