Populære bibelvers fra Valumi 16

Del

Nayo Mulungu yo chambutso cha wusichimafu, akwangufitsa kulivika Lihoka hasi ha magulu genyu. Lusungu lwa Mutwa vetu Yesu wuvaje hamwe na henye. Eena!

Vang'olotsangu ntsinguvagongola kuta mwiyangalile na vanu wo vankwambutsa vanu vapungane na kuvadita vanu vanji valileche litumbilo, tebe na madahitso go mwadahitswe. Mwiviche kutali nawo.

Kwasawuli vanu kota iwo sinambe vamutumichile Mutwa vetu Chilisito, ila vangisangalatsa vene hela. Kwa ndonga yawo ndeche na ya kugongoletsa, vatsiyatsaga numbula tsa vanu vawuya.

Lelo atsumitswe Mulungu, mwene yo amvetsa kuvakangatsa henye mu litumbilo kwa Ndongwa Nofu tsa Yesu Chilisito, fiho yila yo yavaga yifihilwe luhuma katali. Lechelelo sambi fiho iyo yigubulwe na kutselanika kukolela mandiko ga valoli va Mulungu. Kwa amuli ya Mulungu yo angikala siku tseka tsotsigaya wudugo yiwoniche kwa vanu veka, ili vanu va inyi tseka vamutumbe na kuhulikitsa. Wuvina wuve na Mulungu yo aliyeka munya ntselo tseka, atsumitswe siku tseka tsotsigaya wudugo kukolela Yesu Chilisito. Eena!