Populære bibelvers fra 1 Tesalonaika 4

Del

Adigl u kor ebi, nono pre medunga yoba tau goglkre, kor mogl pai moramga i, ye bogl u swara pidre, ede egli ibo pi, kamun kua mina suna pidre, Yaglno Kade kamun mitna unabara i, ye tegigl yenamga. Nono Yaglno Kade Jisas tegigl yedre, ye bogl aimadi kamin akie moramga.

I siragl mere plau dinabuka i, yegl mere paugwa, nono Yaglno Kade Jisas yene heven ibo kide kodo, ede atne udre, ka podo kide kaima ta dinabuka. Dinan, angelo swara ta angelo tau bitno moglkwa i ama ka podo dinan, God biugelmo borabuka. Boran, taragl komono kana plau dinabuka i, yoba ta Krais pre mediglsre, geglkwa i, ye ogono nagino mina adigl u kor enaiglkwa.

No ka swara ta ene okna beke tomga i, ene kumugl abai ya yagl abu ta bogl kunogl nekrio dumga. I siragl pre God ene mabuno yegl mere erekre, mogl pere edinaiglmedi prukwa. God prukwa i, ene ye mabunomo bekidre, ogono nagino mina mabuno kide ere dinamnedi sugl wakai mogl, mabuno wakai, yoba pere wakai kanaiglkwa i keme ene eraiglmedi prukwa.

Nono Jisas goglsre, adigl u kor omiwedi pre medunga pre nono ama pre pogl sinamga i, Jisas ede ikne unabuka igne, yoba okna Jisas pre mediglsre, geglkwa i, ye mudu kiano mina Jisas bogl akie heven ibo kide kodo, ede makandigle unaiglmedi God dedenan, ye mudu Jisas bogl ede ikne unaiglkwa.

Te, ene enene mogl atne edidre, kiede moramnedi erio! Te, no okna ene di tomnere mere yegl, enene kogono ta panabuka i ersre, ogono mina kogon podo eraiglkwa paugwa.

God nono agle dugwa i, mabuno deglbi yogwa i boraiglmedi agle dikrukwa ba mogl pere edinaiglmedi nono agle dugwa.