Populære bibelvers fra Ibru 13

Del

Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe dugwa.

Jisas Krais ye eduedi moglmere yegl, erme moglsre, aimadi kamin ama yegl mere mogl pai morabuka.

Yegl pre God nono suglno moglmedi pre gi didre, yegl dinamga paugwa, Yagl Kade na ake ple di nare moglkwa pre na kudugl ta goglkraglka. Yoba ta na ere kide ere naraiglkwa i, kuno ta erekrumiwe di, yegl dinamga.

Te, ene ama yoba pere ere wakai ere tedre, ye ake ple di tenamnedi taragl tau teigwa mabuno i, kide kodokrio. Ene mabuno yegl erimara i mina, God ofa ta ama teigwa mere yegl paugo, God ofa i wakai kanugwa.

Ana nono Jisas kagie i mina God ege ege kagie kade tenamga paugwa. Nono yegl eramnara i mina ofa ta God tomga mere yegl panabuka. Ofa i, nono drano mina ye di wakai yei tenamga pre diga.

Yagl abu bogl inaiglkwa mabuno pre mitna edio. Te marit ere kide ere dinamnedi kunogl nekrio. I siragl pre kumugl abai mo yagl abu ta ye yagl abu pere bogl kunogl nenaiglkwa i, God ye ka tage tenabuka.

Te, yoba yogugl ere wakai ere teigwa mabuno i, kide kodokrio. Ene pre kodigwa, okna yoba tau yoba yogugl wigo, ere wakai ere tomnedi prikwa ba ye angelo wigo, ere wakai ere teigwa.

Ana ka las dinaglka i, yegl dinariwa. God ene deno muduno wida di inaiglmedi ersre, nono Yaglno Kade Jisas ere i kor edugwa. Ye Jisas yobuglomo mina ene yobuglo bogl tenan, mabuno wakai kane kane, ye wakai kandre, ene eraiglmedi prukwa i, ene kaima eraiglmedi erabiwa. Jisas sipsip sugl moglkwa yagl kade kaima moglkwa. Te, promis kor aimadi kamin panabedi ye bormaimo suru edumara i mina nono ye kagie kade aimadi kamun te pai moramga. Kaima.