Populære bibelvers fra Filipai 2

Del

Ene swara swarade moraiglmara i, ene enene we di prikre, te ene kagno kade inamnedi pre taragl swara kaima ta erekrio. Ene yegl ta erekre, enene pre i atne edidre, agroma abaroma tau moraiglkwa i pre i mitna edio. Te, ene enene keme wakai moramnedi prikre, agroma abaroma tau i ama wakai moraiglmedi prio.

Ene Krais Jisas nomanemo pamere yegl, nomane inaiglkwa paugwa. Ye nomanemo paugwa i, yegl paugwa

Krais moglkwa i, God bogl kuno kaima miurka, ba ye prukwa i, ye God moglmere moglsre, mogl mitna keme edenabuka i, i taragl podo pamedi pre i mitna edekrukwa. Krais ye yene ake atne kaima edidre, u yoba ogwa. Ye u yoba pidre, yoba mudu niglno kogono yoba mere yegl moglkwa. Nono ogono nagino pamere kuno yegl ye yoba ogo nagie idre, God kamo duglo bogl pi goglkwa. Te, ye goglkwa i, ye mogl atne edidre, ede prak mina goglkwa.

I siragl pre God yene ene deno muduno suna mogl, mabuno wakai kanugwa i, ene nomane tedre, mabuno yegl boraiglmedi ama yobuglo bogl togwa.

Ana Jisas ye yene ake atne kaima edidre, goglkwa i pre God ere mogl, ye ake mitna kaima edidre, kagie podo kide togwa. Yoba kagno kade ta igwa i mudu mogl atne kaima edigo, Jisas swara kagie podo kide yugwa. God ye Jisas kagie podo kide togwa i, okuo yoba mudu goglkono bodugl tedre, drano mina Jisas Krais swara Yagl Kade moglmiwe dinaiglkwa pre kagie kade togwa. Yoba heven ibo meglkwa mo makandigle meglkwa mo makan atne meglkwa i, mudu kaima goglkono bodugl tedre, Jisas Krais Yagl Kade moglmiwe dinaiglkwa keme paugwa. Dibi, God Nem ama kagie kade inabuka.

Ana ene ege ege siragl ta eraiglmara i, ene kigl nonga dikre, ka kane kane dikrio. Ene yegl eribi, yoba meda meglkwa i, ene kenaglno sikraiglkwa paugwa ba ye ene kanaiglkwa i, ene God gagiglma meglmedi kandre, te ene aglau erekre, mabuno du ere meglmiwe di, ene yegl kanaiglkwa. Yoba yugobuno erme meglkwa i, u kide eigo, ebrie mabunono kugl dugwa ba ene mabuno wakai ere meglbi, ene ye meglmara abuglage si teigwa mere yegl panabuka.

Agrama abarama wagle, ene na dena muduna suna meglkwa i, okna nono akie munga igne, ene ege ege God kamo wakai ere duglo beglkwa. Erme nono akie ta moglkrumga ba ene ege ege God kamo duglo bogl, siragl mere ene ere yugwa i, i nogugl edinamnedi erio. Te, eraiglkwa igne, God kuduglmo golo.