Populære bibelvers fra Filipai 4

Del

Ana ene taragl kane kane pre kamage ersre, taragl swara ta pre nomane sikrio. Ene kamage eraiglkwa i, taragl kane kane pre God agle di prisre, ye ama di wakai ye teo.

Ene yegl eribi, God ene nomano ya deno muduno sugl moran, ene Krais Jisas erumara i pre deno muduno wida di idre, moraiglkwa. Te, deno muduno wida di ibi, yoba pre inamnedi eraiglkwa ba kuno erekrabuka.

Ana agrama abarama wagle, na ka swara ta ama ene di tenagledi prika. Ene nomano mina mabuno wakai ta paugwa i keme poglo di pre, kinano gudu pre wan molo. Na mabuno wakai we diga i, mabuno kaima ya mabuno du ya mabuno ta deglbi yeikrukwa i, ene mabuno yegl mere poglo di pre, kinano gudu pre wan moraiglkwa pre diga. Te, ene mabuno tau eribi, yoba kandre, wakai pre, ene wakai erime dinaiglkwa i, ene kinano gudu pre wan moraiglkwa pre na didre, ene mabuno ta ersre, agai goglkraiglkwa i, ene poglo di pre, kinano gudu praiglkwa pre diga.

Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.

Ene Yaglno Kade erumara i pre ege ege gun yei molo! Na aglke kor dia, Gun yeio!

Ana na Godna ye abuglage sumara suna moglkwa i, taragl wakai kane kane ye moglmara kau kaima sugwa pre ye ene taragl mudu inaiglkwa panabere mere yegl, tenabuka. I siragl pre ene Krais Jisas bogl u swara pi kodigwa pre ye kaima yegl ere tenabuka paugwa.

Ene mabuno yegl mere kinano gudu pre wan moglsre, te, na mabuno tau ene okna beke teiga i ya te, na mabuno siragl mere eriko, ene pre kan erikwa i, ene ama erio. Ene yegl eribi, God yoba deno muduno wida di padigl togwa nem yagle moglkwa i, ene bogl akie moraiglkwa.

Ene mogl atne edidre, kiede meglbi, yoba mudu ene kiede meglmedi kanaiglkwa. I siragl pre Yaglno Kade unabuka magigl erukwa.

Ene okna na ake ple di narekrikwa igne, taragl tau na moglmara ta yeikrukwa pre na kide pre teiga pra ta dikrika. Ta manugwa. I siragl pre mige moni mo makandigle taragl mere yogwa mo yeikrukwa igne i ya te, kaya mokna mere yogwa igne mo kidan paiga igne i na pra iedi prisre, gun yei pai moraglka mabuno i, beke i kodiga.

Ene okna na ake ple di narekrikwa igne, taragl tau na moglmara ta yeikrukwa pre na kide pre teiga pra ta dikrika. Ta manugwa. I siragl pre mige moni mo makandigle taragl mere yogwa mo yeikrukwa igne i ya te, kaya mokna mere yogwa igne mo kidan paiga igne i na pra iedi prisre, gun yei pai moraglka mabuno i, beke i kodiga.