Populære bibelvers fra MAT 24

Del

एकसारख वाढाशे दुष्टाई इचांग शेंगेम मंदीद प्रेम सल्लांग आय्यी. पण या मनशी आखरी नंताक टीकाशी उंडी वानदे तारण आय्यी.

येशुड मुंदारकी आन्या, आन्नी राष्ट्रलाक साक्ष कावाला आंका राज्यद इदी सुवार्ता आंता दुन्यामला शप्पेदेंक वच्ची इंगा आप्पुड शेवट आय्यी.

सावधान उंडा, मीर युद्धला बद्दल इंगा युद्धला अफवाल बद्दल इन्यार पण दिनिचांग मीर वारकी यरस्कुनाकुंडा. इ माटलु कावाने बेक. तरी आप्पुड शेवट काक फोई.

येनटीक की, वगा जाती इंगोगो जाती मिंदा इंगा वगा राष्ट्र इंगोगो राष्ट्र मिंदा लेशी. शेंगेम जागालला भुकंप आय्यी इंगा दुष्काळ फडी. पण इ आन्नी माटलु दुखलाद सुरुवात उंडी.

मोडाम इंगा पृथ्वी नष्ट आय फोई पण नाय वचनलु यबदुच नष्ट काक फोई.

येनटीक की ना फेरता शेंगेम मंदी वच्यार इंगा आन्यार, निन ख्रिस्त उंडान इंगा वार शेंगेम मंदीन फसाय मत्यार.

वार मिद छळ शेशेदेंक मिमलान फट्टी इच्यार इंगा जेमफडा मतेशार इंगा ना फेर इचांग आन्नी राष्ट्रल मिद कोफाम शेशी. आप्पुड शेंगेम मंदीक अडखळन आय्यी. वार वगा-मेगारनी फट्टी इच्यार इंगा वगा-मेगारदी कोफाम शेशार. शेंगेम खोटा संदेष्ट्याल लेशार इंगा, वार शेंगेम मंदीन फसाय मत्यार.

येशुड वारकी उत्तर इच्या, “सावधान उंडा, यवार पण मिमलान फसाय मताराद.

इ कारण इचांग मीर पण तैयार उंडाबेक. यप्पुड मिक वाटायाक पण फोई आप्पुड मनशी कोडकु वच्ची.

दिनिचांग मीर मेल्का उंडा, येनटीक की मिक यरका लेद की यबद मी प्रभुड वच्चेतोड उंडाड

पण आ दिनमु बद्दल इंगा आ वेळ बद्दल आब्बान शिवाय यवारकीच येमीच यरका लेद. स्वर्गलोन स्वर्गदुतलाक पण यरका लेद इंगा कोडकुक पण यरका लेद.

येनटीक की खोटा ख्रिस्त इंगा खोटा संदेष्ट्याल लेशी नीला फड्यार. वार फेद्दाय आश्चर्य कारक चिन्हल सुपीच्यार. शक्य आयते तर परमेश्वर निवडाशीने मंदीन पण फसाय मतेद प्रयत्न शेशार.

नोहान आप्पुड आय्या आल्ले मनशी कोडकु वच्चेताप्पुड आय्यी. आप्पुड यल्ला महाप्पुर दावा काना मुंची मंदी तिनदुर तागदुर, मंदी फेंडलील शेस्कुंदुर, फेंडलील शेशी इद्‍दुर. नोहाड जहाजला फोई नंताक मंदी इ माटलु शेस्तुनीर. इंगा जलप्रलय वच्ची वारनी येकेन फोया आप्पुड नंताक वारकी तेल्वालेद. आल्ले मनशी कोडकुद वचकाम आय्यी.