Populære bibelvers fra Juan 6

Del

Jesús mkab ne nzhab lo re zha: ―Na nak pan kuu ndaa yalnaban. Ne lee zha kuu yaad lon thitanax laant raa zha, ne lee zha kuu yelaaz na thitanax naa tob xyeekt raa leettsoo zha.

Lee Mbi Nayon nak kuu ndaa yalnaban, per lee lo kwerp yent pa lortsine. Ne lee re kuu nin lo goo nak chaan Mbi Nayon ne leey nak kuu ndaa yalnaban.

Ket goo tsiin par kwaan goo kuu wu goo kuu nlux, sinke bkwaan goo kuu ndaa yalnaban kuu thitanax, ne na Kuu Mzin Ngok Men, ta yalnaban kuu thitanax lo goo, tak lee Diox kuu nak Xutʼn mtob seny chaane na, tsa ne re men lee na nak Xgann Diox.

Tak kuu nlaaz Xutʼn nak, lee reta zha kuu yelaaz xgann Xutʼn, keno zha yalnaban kuu thitanax ne lee na teroban zha wiz bluz.

Ora mkab Jesús ne nzhab Jesús: ―Kuu nlaaz Diox nak, yelaaz goo zha kuu mtaal Diox.

Reta zha kuu mndaa Xutʼn lon, ndyaad zha lon, ne reta zha kuu ndyaad lon, tezhonntʼn zha.

Tsa nzhab Simún Pey lo Jesús: ―Zha Nabee, ¿cho lo ya nee? Si xkiiza nak kuu ndaa yalnaban kuu thitanax.

Na nak pan kuu naban kuu mroo yibaa, ne loka zha kuu wu pan ree taban zha thitanax. Lee pan kuu tan nak kwerp da, ne ta nay por reta men yezlyu ree.

Neeka thib zha yaadt lon, os lee Xutʼn kuu mtaalʼn yaadnot zha lon, tsa lee na teroban zha wiz bluz.

Tak lee pan kuu wlipaa ndaa Diox, nak zha kuu mroo yibaa, ne ndaa yalnaban lo re men yezlyu ree.

Na nak taxal pan kuu ndaa yalnabana.

Tsa mzhen Jesús re pan, ne mndaa Jesús texkix lo Diox, ne mdid re zhay lo re men. Ne tataka mtsow Jesús kon rop mbel, ne mdow re zha asta plotha mze leettsoo zha. Or ngwalo ndow re zha, tsa nzhab Jesús lo re zha kuu ngeteed lo Jesús: ―Bthop goo re kuu mrozhoob, tsa yetsaate.

Ne or ndaʼa re zha teeka thib gaay mil o xoop mil metr lo nitdoo, tsa mwii re zha lee Jesús ndetsin lo re zha ndyaad nde lo nitdoo, tsa kwathoz mzeb re zha. Ora nzhab Jesús lo re zha: ―¡Tsebt goo nay!