Populære bibelvers fra Matthieu 7

Del

«Pëër̂ii é bör̂i nââ yè-ve; mèyè gëve mâ cêmèèr̂i; nida é bör̂i cîî yè-ve.

Wè nè dè wii rö pwar̂a pâr̂â kâmö ré vi pëër̂ii, nè cêmèèr̂i na kâmö ka mèyè, é yè cîî yè kâmö ré nida.

«Tö ökâré, ö kâmö ré pwêr̂ê pâr̂â nô xi-nya-â mâ waa, wè gö yè vi na ka pè virù-é vèr̂i kâmö ka gaamëë, na pè tömâ mwâ xi-e rö bwêêwé pèyaa.

«Tö ökâré, pâr̂â kââ-ré wânii na gëve bar̂i tö rhûû na ké-r̂é waa yè-ve na pâr̂â kâmö, waa ö kââ-ré yè-r̂é, wè ö kââ-ré rö mââyöö mâ pâr̂â pérövéta.»

Aè na dö cee na mèö bé mâ yar̂i na wêyê na mör̂u, na duwê na pâr̂â kâmö ré tö rhûû.»

«Vi ru na gëve rö mèö bé ka cee. Wè, na kau na mèö bé mâ bavar̂a na wêyê na yerii, na pôr̂ô yéyé na pâr̂â kâmö ré cér̂é vi ru rö-i.

Tö ökâré, gëve yè pâr̂â kâmö pa yaané na câwâ xe-ve na ké yè nââ pâr̂â kââ ka e yè pâr̂â pâlè-ve, ö jië nè yè da vi kwéjî na pâr̂â kââ ka e ré nè yè nââ na Bâô xe-ve a rö rua nékö yè pâr̂â kâmö ré vi pëër̂ii yè-è?»

«Koa yè tâ néxâi vi bwir̂i, wè, wi mâ tâ néxâi bwir̂i yè-ve. Wè ka é tâ néxâi xe-ve gëve tâ néxâi, é yè tâ néxâi ûr̂û-ré yè-ve bar̂ee, mâ é yè dâ yè-ve ûr̂û ké vi dâ xe-ve.

Ö kâmö ré pwêr̂ê pâr̂â nô xi-nya, na da bör̂i waa, gö yè vi na ka pè virù-é vèr̂i kâmö ka yaané, na pè tömâ mwâ xi-e rö bwêê dââwê.

Gè wêr̂êi, gè tö rhûû ùùr̂ù rö pièmè kaavèâi-i, na gè da tö rhûû kêê ka vi rhéxér̂é rö pièmè-i? Gè êr̂ê tâîî yè kaavèâi-i êr̂ê: “Göi pè wîr̂î ùùr̂ù rö pièmè-i, na dè ö kêê ka vi rhéxér̂é a tö pièmè-i-a”?

«Koa-ve rö xè-i pâr̂â pérövéta pa vee, wè cér̂é mi wa-ve mâ cur̂i kâr̂â mutô, aè, na tö léwé-r̂é na pâr̂â lupo ka vi kùxè aau. Gëve rhî tâwai-r̂é rö pâr̂â pwêê-r̂é. Ö jië, é ya pwêê viné rö pwar̂a kêê ka köyir̂ida, mâ pwêê bââwê rö néjêr̂ê kavita?

Na ûr̂û-ré bar̂ee na pâr̂â kêê ka e wè na pwa pwêê ka e, aè pâr̂â kêê ka yaané wè na pwa pwêê ka yaané.

Na da tâwai na kêê ka e ki yè pè pwa pwêê ka yaané, na dè ûr̂û-ré bar̂ee na kêê ka yaané, wè na da pwa pwêê ka e.

É yè rharher̂e virai wânii pâr̂â kêê ka da pwa e, mâ yer̂e ö kêmör̂u.