Luka 15
15
Te parabole o te māmoe ngaro
(Mātaio 18.12-14)
1 #
Luk 5.29,30 Kua 'uipā katoa maira te aronga ko'i tero ē te aronga rave 'ara ra, e 'akarongo i a Iēsū. 2Ē nō reira, kua kō'umu'umu te au Phārīsea ē te au Pū'āpi'i Ture, nā kō akera, “Tē 'āriki nei tēianei tangata i te aronga rave 'ara ē tē kaikai ra ma rātou katoa.” 3Kua taki atura a Iēsū i tēianei parabole ki a rātou, nā kō atura,
4“Ko 'ai ia tangata i ō kōtou nei, mei te mea ē 'e 'okota'i 'ānere āna māmoe, ē kia ngaro ra tēta'i, kāre āinei aia e vai'o i te iva nga'uru mā iva i te mēdēbara ra, ē 'aere e kimi i tei ngaro ra e kia kitea atu? 5Ē kia kitea atura e ia, tuku i'ora ki runga i tōna paku'ivi ma te rekareka, 6e tae maira aia ki te ngutu'are, kua 'akaputuputu maira aia i tōna au taeake ē te au tangata tupu, ē kua nā kō atura, ‘Kia rekareka katoa tātou, kua kitea 'oki e au taku māmoe i ngaro ra.’ 7E 'akakite atu 'oki au ki a kōtou, 'e rekareka ma'ata katoa tō runga i te rangi i te tangata 'ara 'okota'i kia tatarā'ara, i te aronga tika e iva nga'uru mā iva kāre rātou i 'inangaro'ia kia tatarā'ara.”
Te parabole o te moni ngaro
8“Mei te mea ē, e ta'i nga'uru moni 'ārio ā tēta'i va'ine, ē ngaro i'ora tēta'i, kāre āinei aia e tutungi i te lāmepa, ka purūmu ei i te 'are, ka kimi mārie ei kitea'ia atu e ia? 9Ē kia kitea'ia atura e ia, kua 'akaputuputu maira aia i tōna au taeake ē te au va'ine tupu ra, ka nā kō atu ei, ‘Kia rekareka katoa tātou, nō te mea, kua kitea e au te moni 'ārio i ngaro ra.’ 10E karanga atu au ki a kōtou, mei te reira katoa te tū o tō te au 'āngela a te Atua ra rekareka i te tangata rave 'ara 'okota'i ra kia tatarā'ara.”
Te parabole o te tama tamāroa ngaro ra
11Kua taki atura a Iēsū i tēia parabole nei ki a rātou: “E rua ā tēta'i tangata tamāroa. 12Kua karanga atura te teina ki tōna metua tāne, ‘E taku metua, 'ō mai ana i taku tu'anga i te kāinga nei.’ I reira, kua tu'a atura te metua tane i tōna ora'anga katoa nō rāua. 13Kāre i roa i muri ake i te reira, kua 'akaputuputu i'ora te teina i tōna au mea katoa ra, ē 'aere atura ki tēta'i 'enua mamao, ē kua kaitū'au'au atura i tōna kī i te kanga. 14I muri ake i te pou'anga tōna au 'apinga rava rāi i aia, kua roko'ia i'ora taua 'enua ra e te onge ma'ata. 'Akamata akera taua tamaiti ra i te kite i te ngere. 15Kua tōpiri atura aia ki tēta'i tangata 'enua tikāi o taua 'enua ra, ko tei tono atu i aia ki tōna au kāinga e 'āngai i te puaka. 16Kua kakī atura aia i te 'ua rākau a te puaka e kai ra kia kī tōna kōpū. Kāre roa 'e tangata i 'ōronga mai ki aia. 17Ē kia rako tangata maira aia, kua nā kō akera aia, ‘E 'ia ake nei o taku metua aronga o'u'ia ra tei toe tā rātou kai, ē tēia au i konei e mate nei i te pongi! 18Ka tū au e 'oki ki taku metua ra, ē karanga atu ei ki aia, E taku metua, kua 'ara au i runga i te rangi ē i mua i a koe katoa, 19ē kāre atura au e tau 'aka'ou kia tuatua'ia au ē 'e tamaiti nā'au. E 'akariro koe i āku mei tēta'i i te aronga o'u'ia nō'ou nei.’
20“Kua tū akera aia i reira, ē kua 'oki atura ki tōna metua. Ē tei te ngā'i mamao rāi aia, kua kite maira tōna metua i aia ē kua puta akera tōna ngākau, 'oro maira ki tāna tamaiti, tākave maira i tōna kakī ē kua 'ongi maira i aia. 21Kua karanga atura tāna tamaiti ki aia, ‘E taku metua, kua 'ara au i runga i te rangi ē i mua i a koe katoa. Ē kāre atura ia e tau 'aka'ou kia tuatua'ia au ē 'e tamaiti nā'au.’ 22I reira, kua tuatua atu te metua ki tōna au tāvini ra, ‘'Apaina viviki mai te kāka'u roroa meitaki tikāi ra ma te 'akakāka'u mai i aia nei. E momono i tēta'i tāpe'a ki tōna rima ē te 'a'ao 'oki i te tāmaka ki ōna vaevae. 23'Apaina mai te punua puakatoro matū ra ē tā atu kia kaikai tātou ē kia rekareka 'oki. 24Ko taku tamaiti nei 'oki tēia i mate ana, ē kua ora 'aka'ou; i ngaro ana, ē kua kitea mai nei.’ Kua 'akamata atura rātou i te tāmataora.
25“I taua 'ati'anga rāi tei roto i te kāinga tāna tama mua. I aia e 'aere maira ē vaitata maira ki te ngutu'are, kua 'akarongo maira aia i te tangi vivo ē te 'ura. 26Kua kāpiki maira aia i tēta'i o te au tāvini, ē kua ui maira ki aia ē, 'e a'a tē tupu ra. 27Pa'u atura aia, ‘Kua tae mai nei tō'ou teina, ē kua tā'ia i'o nei e tō metua te punua puakatoro matū ra, nō te mea, kua 'oki ora mai nei aia ma te meitaki.’
28“Kua riri akera te tuakana, ē kāre atura i 'inangaro i te tomo atu ki roto. I reira, kua 'aere maira tōna metua tane ki va'o ē kua tāparu maira i aia. 29Kua pa'u atura aia ki tōna metua tane, ‘Inā, 'e mānganui ake nei ōku mata'iti i te tāvini'anga i a koe, kāre rava ake nei au i 'akarongo ngatā ana i tā'au au 'akaue'anga. E oti akera, kāre roa koe i 'ōronga mai nāku i tēta'i 'ua ake punua puakani'o kia tāmataora au ma tōku au taeake. 30Inā, kia 'oki maira tēia tamaiti nā'au ki te ngutu'are nei, ko ia tei kaimoumou i tō'ou 'apinga nā te au va'ine 'akaturi ra, tā i'o nei koe i te punua puakatoro matū nei nāna.’ 31Kua tuatua atura te metua, ‘E taku tamaiti, tei konei 'oki koe i āku i te au tuātau rava rāi, ē te au 'apinga rava rāi nōku ra, nō'ou ia. 32Inārā, 'e mea tau 'oki i a tātou kia rekareka ē kia perepere kāvana, nō te mea, ko tēia teina nei 'oki nō'ou i mate ana, ē kua ora 'aka'ou mai nei; i ngaro ana, ē kua kitea mai nei.’ ”
Valgt i Øjeblikket:
Luka 15: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Luka 15
15
Te parabole o te māmoe ngaro
(Mātaio 18.12-14)
1 #
Luk 5.29,30 Kua 'uipā katoa maira te aronga ko'i tero ē te aronga rave 'ara ra, e 'akarongo i a Iēsū. 2Ē nō reira, kua kō'umu'umu te au Phārīsea ē te au Pū'āpi'i Ture, nā kō akera, “Tē 'āriki nei tēianei tangata i te aronga rave 'ara ē tē kaikai ra ma rātou katoa.” 3Kua taki atura a Iēsū i tēianei parabole ki a rātou, nā kō atura,
4“Ko 'ai ia tangata i ō kōtou nei, mei te mea ē 'e 'okota'i 'ānere āna māmoe, ē kia ngaro ra tēta'i, kāre āinei aia e vai'o i te iva nga'uru mā iva i te mēdēbara ra, ē 'aere e kimi i tei ngaro ra e kia kitea atu? 5Ē kia kitea atura e ia, tuku i'ora ki runga i tōna paku'ivi ma te rekareka, 6e tae maira aia ki te ngutu'are, kua 'akaputuputu maira aia i tōna au taeake ē te au tangata tupu, ē kua nā kō atura, ‘Kia rekareka katoa tātou, kua kitea 'oki e au taku māmoe i ngaro ra.’ 7E 'akakite atu 'oki au ki a kōtou, 'e rekareka ma'ata katoa tō runga i te rangi i te tangata 'ara 'okota'i kia tatarā'ara, i te aronga tika e iva nga'uru mā iva kāre rātou i 'inangaro'ia kia tatarā'ara.”
Te parabole o te moni ngaro
8“Mei te mea ē, e ta'i nga'uru moni 'ārio ā tēta'i va'ine, ē ngaro i'ora tēta'i, kāre āinei aia e tutungi i te lāmepa, ka purūmu ei i te 'are, ka kimi mārie ei kitea'ia atu e ia? 9Ē kia kitea'ia atura e ia, kua 'akaputuputu maira aia i tōna au taeake ē te au va'ine tupu ra, ka nā kō atu ei, ‘Kia rekareka katoa tātou, nō te mea, kua kitea e au te moni 'ārio i ngaro ra.’ 10E karanga atu au ki a kōtou, mei te reira katoa te tū o tō te au 'āngela a te Atua ra rekareka i te tangata rave 'ara 'okota'i ra kia tatarā'ara.”
Te parabole o te tama tamāroa ngaro ra
11Kua taki atura a Iēsū i tēia parabole nei ki a rātou: “E rua ā tēta'i tangata tamāroa. 12Kua karanga atura te teina ki tōna metua tāne, ‘E taku metua, 'ō mai ana i taku tu'anga i te kāinga nei.’ I reira, kua tu'a atura te metua tane i tōna ora'anga katoa nō rāua. 13Kāre i roa i muri ake i te reira, kua 'akaputuputu i'ora te teina i tōna au mea katoa ra, ē 'aere atura ki tēta'i 'enua mamao, ē kua kaitū'au'au atura i tōna kī i te kanga. 14I muri ake i te pou'anga tōna au 'apinga rava rāi i aia, kua roko'ia i'ora taua 'enua ra e te onge ma'ata. 'Akamata akera taua tamaiti ra i te kite i te ngere. 15Kua tōpiri atura aia ki tēta'i tangata 'enua tikāi o taua 'enua ra, ko tei tono atu i aia ki tōna au kāinga e 'āngai i te puaka. 16Kua kakī atura aia i te 'ua rākau a te puaka e kai ra kia kī tōna kōpū. Kāre roa 'e tangata i 'ōronga mai ki aia. 17Ē kia rako tangata maira aia, kua nā kō akera aia, ‘E 'ia ake nei o taku metua aronga o'u'ia ra tei toe tā rātou kai, ē tēia au i konei e mate nei i te pongi! 18Ka tū au e 'oki ki taku metua ra, ē karanga atu ei ki aia, E taku metua, kua 'ara au i runga i te rangi ē i mua i a koe katoa, 19ē kāre atura au e tau 'aka'ou kia tuatua'ia au ē 'e tamaiti nā'au. E 'akariro koe i āku mei tēta'i i te aronga o'u'ia nō'ou nei.’
20“Kua tū akera aia i reira, ē kua 'oki atura ki tōna metua. Ē tei te ngā'i mamao rāi aia, kua kite maira tōna metua i aia ē kua puta akera tōna ngākau, 'oro maira ki tāna tamaiti, tākave maira i tōna kakī ē kua 'ongi maira i aia. 21Kua karanga atura tāna tamaiti ki aia, ‘E taku metua, kua 'ara au i runga i te rangi ē i mua i a koe katoa. Ē kāre atura ia e tau 'aka'ou kia tuatua'ia au ē 'e tamaiti nā'au.’ 22I reira, kua tuatua atu te metua ki tōna au tāvini ra, ‘'Apaina viviki mai te kāka'u roroa meitaki tikāi ra ma te 'akakāka'u mai i aia nei. E momono i tēta'i tāpe'a ki tōna rima ē te 'a'ao 'oki i te tāmaka ki ōna vaevae. 23'Apaina mai te punua puakatoro matū ra ē tā atu kia kaikai tātou ē kia rekareka 'oki. 24Ko taku tamaiti nei 'oki tēia i mate ana, ē kua ora 'aka'ou; i ngaro ana, ē kua kitea mai nei.’ Kua 'akamata atura rātou i te tāmataora.
25“I taua 'ati'anga rāi tei roto i te kāinga tāna tama mua. I aia e 'aere maira ē vaitata maira ki te ngutu'are, kua 'akarongo maira aia i te tangi vivo ē te 'ura. 26Kua kāpiki maira aia i tēta'i o te au tāvini, ē kua ui maira ki aia ē, 'e a'a tē tupu ra. 27Pa'u atura aia, ‘Kua tae mai nei tō'ou teina, ē kua tā'ia i'o nei e tō metua te punua puakatoro matū ra, nō te mea, kua 'oki ora mai nei aia ma te meitaki.’
28“Kua riri akera te tuakana, ē kāre atura i 'inangaro i te tomo atu ki roto. I reira, kua 'aere maira tōna metua tane ki va'o ē kua tāparu maira i aia. 29Kua pa'u atura aia ki tōna metua tane, ‘Inā, 'e mānganui ake nei ōku mata'iti i te tāvini'anga i a koe, kāre rava ake nei au i 'akarongo ngatā ana i tā'au au 'akaue'anga. E oti akera, kāre roa koe i 'ōronga mai nāku i tēta'i 'ua ake punua puakani'o kia tāmataora au ma tōku au taeake. 30Inā, kia 'oki maira tēia tamaiti nā'au ki te ngutu'are nei, ko ia tei kaimoumou i tō'ou 'apinga nā te au va'ine 'akaturi ra, tā i'o nei koe i te punua puakatoro matū nei nāna.’ 31Kua tuatua atura te metua, ‘E taku tamaiti, tei konei 'oki koe i āku i te au tuātau rava rāi, ē te au 'apinga rava rāi nōku ra, nō'ou ia. 32Inārā, 'e mea tau 'oki i a tātou kia rekareka ē kia perepere kāvana, nō te mea, ko tēia teina nei 'oki nō'ou i mate ana, ē kua ora 'aka'ou mai nei; i ngaro ana, ē kua kitea mai nei.’ ”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.