Luka 18
18
Te parabole o te va'ine taka'ua tautā mārie
1I reira a Iēsū i taki atu ei i tēta'i parabole ki tāna au pipi kia tāmou mārie rātou i te pure ē auraka e 'akaro'iro'i, 2nā kō atura, “'E 'akavā nui tēta'i e no'o ana ki roto i tēta'i 'ōire, ē kāre aia e mataku ana i te Atua, kāre katoa 'oki e 'ākono mai i te tangata. 3Ē, 'e va'ine taka'ua 'oki tei taua 'ōire ra tei 'aere putuputu atu ki aia, nā kō atura, ‘E tauturu mai koe i āku mei tōku 'enemi.’ 4Kāre te 'akavā nui i 'inangaro vave ana i te tauturu mai. I te 'openga i'ora rā, kua nā kō akera aia ki aia 'ua'orāi, ‘Noa atu 'oki ē, kāre au e mataku ana i te Atua, ē kāre e 'ākono katoa atu i te tangata nei, 5nō te mea rā 'oki ē, tē putuputu mai nei tēia va'ine taka'ua i te tāmanamanatā mai i āku, ka tauturu atu au i aia, kia kore au e 'iu i tōna au 'aere'anga mai.’ ”
6Kua karanga akera te 'Atu, “Ka 'akarongo atu ana i te tuatua a te 'akavā nui tuatua tikakore. 7Kāre āina te Atua e tuku mai i te tika ki tōna 'ua'orāi au tangata i 'iki'ia ra, ko tei kāpiki atu ki aia i te pō ē te ao, noa atu ē, e tāvarevare 'ua atu aia i te tauturu i a rātou? 8E karanga atu au ki a kōtou, kāre rava e mamia, e tuku mai aia i te tika ki a rātou. Inārā, kia tae mai te Tamaiti a te Tangata nei, ka kitea āinei e ia te 'akarongo i te ao nei?”
Te parabole o te Phārīsea ē te tangata ko'i tero
9Kua taki 'aka'ou atura a Iēsū i tēianei parabole ki ēta'i tangata ra tei manako i a rātou 'ua'orāi ē, 'e aronga tuatua tika, ē kua 'akava'ava'a 'oki i a ēta'i kē.
10“'Aere atura e rua tangata ki runga i te 'iero e pure, 'e Phārīsea tēta'i, ē 'e tangata ko'i tero tēta'i. 11“Tē tū 'ua ra te Phārīsea ko ia anake 'ua ki runga ē kua pure atura, nā kō atura, ‘E te Atua ē, tē 'akameitaki atu nei au i a koe, i te mea ē, kāre au i 'āite mei te kātoatoa o te au tangata nei: te noinoi 'apinga, te tuatua tikakore, te 'akaturi, ē mei tērā ra tangata ko'i tero 'oki. 12'E takirua āku 'akakore'angā kai i te 'ebedoma 'okota'i, ē tē 'ōronga nei au i te nga'uru'anga o tōku 'apinga tini katoa nei e rauka mai ana i āku.’
13“Kāreka te tangata ko'i tero ra, tū kē 'ua atura ia i te ātea kē, kāre aia i 'inangaro i te nānā 'ua atu tōna mata ki runga i te rangi, kua pakipaki 'ua rā i tōna umauma, ē kua nā kō atura, ‘E te Atua ē, e aro'a mai koe i āku i te tangata 'ara nei.’ 14#Māt 23.12; Luk 14.11E 'akakite atu au ki a kōtou ē, ko tēianei tangata kua 'oki mai aia ki te ngutu'are ma te 'akatika'ia mai tāna, auraka rā tēta'i. Ko tei 'akateitei i aia 'ua'orāi ra ka tā'aka'aka'ia ia, ē tei tā'aka'aka i aia 'ua'orāi ka 'akateitei'ia ia.”
Ko Iēsū ē te au tamariki rikiriki
(Mātaio 19.13-15; Māreko 10.13-16)
15Kua 'apai maira te tangata i te tamariki varevare ki a Iēsū ra kia 'akatūkia mai aia i a rātou. Kia kite mai rā te au pipi i tēia, kua kauvae maira rātou i te tangata. 16Kua kāpiki atura a Iēsū i te tamariki rikiriki ki aia ra, nā kō atura, “Ka tuku mai ana i a rātou kia 'aere 'ua mai ki āku nei, ē auraka e ārai atu, nō rātou nei 'oki te bāsileia o te Atua mei a rātou nei 'oki. 17Koia mou tāku e karanga atu ki a kōtou na, ko tei kore e 'āriki i te bāsileia o te Atua mei tēta'i tamaiti meangiti ra, kāre tākiri aia e ō atu ki reira.”
Te tangata 'apinga nui
(Mātaio 19.16-30; Māreko 10.17-31)
18Kua ui maira tēta'i tūtara ki a Iēsū nā kō maira, “E te Pū'āpi'i meitaki ē, 'e 'akapē'ea au nei e rauka ai i āku te ora mutukore?”
19Kua pa'u atura a Iēsū ki aia, “'E a'a koe i tuatua ai i āku ē, 'e meitaki? Kāre tēta'i 'ua atu e meitaki ana, māri rā ko te Atua anake 'ua. 20#a: Exo 20.14; Deut 5.18; b: Exo 20.13; Deut 5.17; c: Exo 20.15; Deut 5.19; d: Exo 20.16; Deut 5.20; e: Exo 20.12; Deut 5.16Tē kite na koe i te au 'akaue'anga: ‘Auraka e 'akaturi, auraka e tā 'ua, auraka e keiā, auraka koe kia riro 'ei kite pikika'a, e 'akangāteitei i tō metua tāne ē tō metua va'ine.’ ”
21Kua nā kō maira taua tangata ra, “Kua 'ope pou roa te reira i te 'ākono'ia e au mei tōku 'ōu'anga mai.”
22Ē kia 'akarongo a Iēsū i tēia, kua nā kō atura aia ki aia, “Tē toe nei rāi tēta'i mea i a koe i te rave. E 'oko atu koe i tō'ou au 'apinga tini rava rāi, ē ka tu'a ai ki te puta'ua. 'E 'apinga i reira tā'au i te rangi ra. I reira, e 'aere mai, āru mai i āku.” 23Kia 'akarongo mai rā aia i tēia tuatua, kua iri'ea roa atura aia, nō te mea, 'e tangata 'apinga nui tikāi aia.
24Kia kite atura a Iēsū i aia i te iri'ea'anga, kua nā kō atura, “Auē te 'akaō ngatā o te aronga 'apinga nui ki roto i te bāsileia o te Atua ē! 25'E 'akaō ngō'ie ake 'oki te kāmela nā roto i te putā nira i tēta'i tangata 'apinga nui kia 'akaō atu ki roto i te bāsileia o te Atua ra.”
26Ē ko rātou 'oki tei 'akarongo ra i tēianei tuatua, kua ui maira, nā kō maira, “Ko 'ai i reira te ka 'akaora'ia?”
27Kua pa'u atura a Iēsū, “Ko te au mea raukakore i te tangata kia rave, 'e mea rauka 'ua ia i te Atua.”
28Kua nā kō maira a Pētero ki a Iēsū, “Inā mātou, kua 'akaruke i tā mātou au mea kātoatoa ē kua āru mai i a koe nei.”
29Kua karanga atura a Iēsū ki a rātou, “Koia mou tāku e karanga atu ki a kōtou na, kāre tēta'i 'ua atu tangata i 'akaruke i te ngutu'are, mē kāre i te va'ine, mē kāre i te au tuakana ma te au teina, mē kāre i te au metua, mē kāre i te tamariki, nō te bāsileia o te Atua, 30e kore ei e rauka i aia te mea ma'ata roa atu i tēianei tuātau, ē i te tuātau ā muri atu ko te ora mutukore ia.”
Tē toto'u 'aka'ou nei a Iēsū i tōna mate'anga
(Mātaio 20.17-19; Māreko 10.32-34)
31I a Iēsū e arataki ra i te tino nga'uru mā rua, kua nā kō atura aia ki a rātou, “Inā, tē 'aere nei tātou ki runga ki Iērūsalēma, ē te au mea rava rāi i tātā'ia e te au peroveta ra nō te Tamaiti a te Tangata nei ka 'ope rava ia i te tupu. 32Ka tuku'ia 'oki aia ki te au 'ētene, ē ka 'āviri rātou i aia, ka 'akakino i aia, ka tūtu'a i aia ki te 'uāvare. 33Ē i muri ake i te pāpā'anga i aia, ka tāmate tākiri rātou i aia. Kia tae rā ki te pō toru ra, ka tū'aka'ou rāi aia ki runga.”
34Kāre rā te au pipi i mārama 'ua ake i tēta'i o taua au tuatua ra. Kua 'u'una'ia 'oki te 'āite'anga mei a rātou, ē kāre atura rātou i kite ē 'e a'a tei tuatua'ia mai.
Tē 'akaora nei a Iēsū i tēta'i matapō
(Mātaio 20.29-34; Māreko 10.46-52)
35Kia vaitata atu a Iēsū ki Iēriko, tē no'o ra tēta'i tangata matapō i te pae mataara, tē patipati ra i te 'apinga. 36Ē kia 'akarongo akera te matapō i te urupū tangata e tere ra nā te pae mai, kua ui akera aia, “'E a'a tēnā?”
37Kua 'akakite maira rātou ki aia, “Ko Iēsū, te tangata Nāzarēta tēia e 'aere mai nei.”
38Kua kāpiki atura aia, nā kō atura, “E Iēsū, te Tamaiti a Dāvida ra, e aro'a mai koe i āku.”
39Ē te aronga i nā mua i te 'aere'anga, kua kauvae maira i aia kia mūtēkī 'ua aia. Inārā, kua ma'ata rava atura tōna kāpiki'anga, “E te Tamaiti a Dāvida, e aro'a mai koe i āku!”
40Ē kua tū 'ua i'ora a Iēsū ē kua 'akaue atura kia arataki'ia mai taua tangata matapō ra ki aia. Kia vaitata mai aia ra, kua ui atura a Iēsū ki aia, 41“'E a'a tā'au e 'inangaro nei i āku kia rave au nō'ou?” Kua pa'u maira aia, “E te 'Atu, kia kite ōku mata.”
42Kua karanga atura a Iēsū ki aia, “Kia kite ō'ou mata. Nā tō'ou 'irinaki'anga i 'akaora i a koe.”
43Kite akera ōna mata i reira rāi, ē kua āru maira aia i a Iēsū ma te 'akakakā i te Atua. Ē kia kite te tangata kātoatoa i te reira, kua 'akapa'apa'a atura rātou i te Atua.
Valgt i Øjeblikket:
Luka 18: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Luka 18
18
Te parabole o te va'ine taka'ua tautā mārie
1I reira a Iēsū i taki atu ei i tēta'i parabole ki tāna au pipi kia tāmou mārie rātou i te pure ē auraka e 'akaro'iro'i, 2nā kō atura, “'E 'akavā nui tēta'i e no'o ana ki roto i tēta'i 'ōire, ē kāre aia e mataku ana i te Atua, kāre katoa 'oki e 'ākono mai i te tangata. 3Ē, 'e va'ine taka'ua 'oki tei taua 'ōire ra tei 'aere putuputu atu ki aia, nā kō atura, ‘E tauturu mai koe i āku mei tōku 'enemi.’ 4Kāre te 'akavā nui i 'inangaro vave ana i te tauturu mai. I te 'openga i'ora rā, kua nā kō akera aia ki aia 'ua'orāi, ‘Noa atu 'oki ē, kāre au e mataku ana i te Atua, ē kāre e 'ākono katoa atu i te tangata nei, 5nō te mea rā 'oki ē, tē putuputu mai nei tēia va'ine taka'ua i te tāmanamanatā mai i āku, ka tauturu atu au i aia, kia kore au e 'iu i tōna au 'aere'anga mai.’ ”
6Kua karanga akera te 'Atu, “Ka 'akarongo atu ana i te tuatua a te 'akavā nui tuatua tikakore. 7Kāre āina te Atua e tuku mai i te tika ki tōna 'ua'orāi au tangata i 'iki'ia ra, ko tei kāpiki atu ki aia i te pō ē te ao, noa atu ē, e tāvarevare 'ua atu aia i te tauturu i a rātou? 8E karanga atu au ki a kōtou, kāre rava e mamia, e tuku mai aia i te tika ki a rātou. Inārā, kia tae mai te Tamaiti a te Tangata nei, ka kitea āinei e ia te 'akarongo i te ao nei?”
Te parabole o te Phārīsea ē te tangata ko'i tero
9Kua taki 'aka'ou atura a Iēsū i tēianei parabole ki ēta'i tangata ra tei manako i a rātou 'ua'orāi ē, 'e aronga tuatua tika, ē kua 'akava'ava'a 'oki i a ēta'i kē.
10“'Aere atura e rua tangata ki runga i te 'iero e pure, 'e Phārīsea tēta'i, ē 'e tangata ko'i tero tēta'i. 11“Tē tū 'ua ra te Phārīsea ko ia anake 'ua ki runga ē kua pure atura, nā kō atura, ‘E te Atua ē, tē 'akameitaki atu nei au i a koe, i te mea ē, kāre au i 'āite mei te kātoatoa o te au tangata nei: te noinoi 'apinga, te tuatua tikakore, te 'akaturi, ē mei tērā ra tangata ko'i tero 'oki. 12'E takirua āku 'akakore'angā kai i te 'ebedoma 'okota'i, ē tē 'ōronga nei au i te nga'uru'anga o tōku 'apinga tini katoa nei e rauka mai ana i āku.’
13“Kāreka te tangata ko'i tero ra, tū kē 'ua atura ia i te ātea kē, kāre aia i 'inangaro i te nānā 'ua atu tōna mata ki runga i te rangi, kua pakipaki 'ua rā i tōna umauma, ē kua nā kō atura, ‘E te Atua ē, e aro'a mai koe i āku i te tangata 'ara nei.’ 14#Māt 23.12; Luk 14.11E 'akakite atu au ki a kōtou ē, ko tēianei tangata kua 'oki mai aia ki te ngutu'are ma te 'akatika'ia mai tāna, auraka rā tēta'i. Ko tei 'akateitei i aia 'ua'orāi ra ka tā'aka'aka'ia ia, ē tei tā'aka'aka i aia 'ua'orāi ka 'akateitei'ia ia.”
Ko Iēsū ē te au tamariki rikiriki
(Mātaio 19.13-15; Māreko 10.13-16)
15Kua 'apai maira te tangata i te tamariki varevare ki a Iēsū ra kia 'akatūkia mai aia i a rātou. Kia kite mai rā te au pipi i tēia, kua kauvae maira rātou i te tangata. 16Kua kāpiki atura a Iēsū i te tamariki rikiriki ki aia ra, nā kō atura, “Ka tuku mai ana i a rātou kia 'aere 'ua mai ki āku nei, ē auraka e ārai atu, nō rātou nei 'oki te bāsileia o te Atua mei a rātou nei 'oki. 17Koia mou tāku e karanga atu ki a kōtou na, ko tei kore e 'āriki i te bāsileia o te Atua mei tēta'i tamaiti meangiti ra, kāre tākiri aia e ō atu ki reira.”
Te tangata 'apinga nui
(Mātaio 19.16-30; Māreko 10.17-31)
18Kua ui maira tēta'i tūtara ki a Iēsū nā kō maira, “E te Pū'āpi'i meitaki ē, 'e 'akapē'ea au nei e rauka ai i āku te ora mutukore?”
19Kua pa'u atura a Iēsū ki aia, “'E a'a koe i tuatua ai i āku ē, 'e meitaki? Kāre tēta'i 'ua atu e meitaki ana, māri rā ko te Atua anake 'ua. 20#a: Exo 20.14; Deut 5.18; b: Exo 20.13; Deut 5.17; c: Exo 20.15; Deut 5.19; d: Exo 20.16; Deut 5.20; e: Exo 20.12; Deut 5.16Tē kite na koe i te au 'akaue'anga: ‘Auraka e 'akaturi, auraka e tā 'ua, auraka e keiā, auraka koe kia riro 'ei kite pikika'a, e 'akangāteitei i tō metua tāne ē tō metua va'ine.’ ”
21Kua nā kō maira taua tangata ra, “Kua 'ope pou roa te reira i te 'ākono'ia e au mei tōku 'ōu'anga mai.”
22Ē kia 'akarongo a Iēsū i tēia, kua nā kō atura aia ki aia, “Tē toe nei rāi tēta'i mea i a koe i te rave. E 'oko atu koe i tō'ou au 'apinga tini rava rāi, ē ka tu'a ai ki te puta'ua. 'E 'apinga i reira tā'au i te rangi ra. I reira, e 'aere mai, āru mai i āku.” 23Kia 'akarongo mai rā aia i tēia tuatua, kua iri'ea roa atura aia, nō te mea, 'e tangata 'apinga nui tikāi aia.
24Kia kite atura a Iēsū i aia i te iri'ea'anga, kua nā kō atura, “Auē te 'akaō ngatā o te aronga 'apinga nui ki roto i te bāsileia o te Atua ē! 25'E 'akaō ngō'ie ake 'oki te kāmela nā roto i te putā nira i tēta'i tangata 'apinga nui kia 'akaō atu ki roto i te bāsileia o te Atua ra.”
26Ē ko rātou 'oki tei 'akarongo ra i tēianei tuatua, kua ui maira, nā kō maira, “Ko 'ai i reira te ka 'akaora'ia?”
27Kua pa'u atura a Iēsū, “Ko te au mea raukakore i te tangata kia rave, 'e mea rauka 'ua ia i te Atua.”
28Kua nā kō maira a Pētero ki a Iēsū, “Inā mātou, kua 'akaruke i tā mātou au mea kātoatoa ē kua āru mai i a koe nei.”
29Kua karanga atura a Iēsū ki a rātou, “Koia mou tāku e karanga atu ki a kōtou na, kāre tēta'i 'ua atu tangata i 'akaruke i te ngutu'are, mē kāre i te va'ine, mē kāre i te au tuakana ma te au teina, mē kāre i te au metua, mē kāre i te tamariki, nō te bāsileia o te Atua, 30e kore ei e rauka i aia te mea ma'ata roa atu i tēianei tuātau, ē i te tuātau ā muri atu ko te ora mutukore ia.”
Tē toto'u 'aka'ou nei a Iēsū i tōna mate'anga
(Mātaio 20.17-19; Māreko 10.32-34)
31I a Iēsū e arataki ra i te tino nga'uru mā rua, kua nā kō atura aia ki a rātou, “Inā, tē 'aere nei tātou ki runga ki Iērūsalēma, ē te au mea rava rāi i tātā'ia e te au peroveta ra nō te Tamaiti a te Tangata nei ka 'ope rava ia i te tupu. 32Ka tuku'ia 'oki aia ki te au 'ētene, ē ka 'āviri rātou i aia, ka 'akakino i aia, ka tūtu'a i aia ki te 'uāvare. 33Ē i muri ake i te pāpā'anga i aia, ka tāmate tākiri rātou i aia. Kia tae rā ki te pō toru ra, ka tū'aka'ou rāi aia ki runga.”
34Kāre rā te au pipi i mārama 'ua ake i tēta'i o taua au tuatua ra. Kua 'u'una'ia 'oki te 'āite'anga mei a rātou, ē kāre atura rātou i kite ē 'e a'a tei tuatua'ia mai.
Tē 'akaora nei a Iēsū i tēta'i matapō
(Mātaio 20.29-34; Māreko 10.46-52)
35Kia vaitata atu a Iēsū ki Iēriko, tē no'o ra tēta'i tangata matapō i te pae mataara, tē patipati ra i te 'apinga. 36Ē kia 'akarongo akera te matapō i te urupū tangata e tere ra nā te pae mai, kua ui akera aia, “'E a'a tēnā?”
37Kua 'akakite maira rātou ki aia, “Ko Iēsū, te tangata Nāzarēta tēia e 'aere mai nei.”
38Kua kāpiki atura aia, nā kō atura, “E Iēsū, te Tamaiti a Dāvida ra, e aro'a mai koe i āku.”
39Ē te aronga i nā mua i te 'aere'anga, kua kauvae maira i aia kia mūtēkī 'ua aia. Inārā, kua ma'ata rava atura tōna kāpiki'anga, “E te Tamaiti a Dāvida, e aro'a mai koe i āku!”
40Ē kua tū 'ua i'ora a Iēsū ē kua 'akaue atura kia arataki'ia mai taua tangata matapō ra ki aia. Kia vaitata mai aia ra, kua ui atura a Iēsū ki aia, 41“'E a'a tā'au e 'inangaro nei i āku kia rave au nō'ou?” Kua pa'u maira aia, “E te 'Atu, kia kite ōku mata.”
42Kua karanga atura a Iēsū ki aia, “Kia kite ō'ou mata. Nā tō'ou 'irinaki'anga i 'akaora i a koe.”
43Kite akera ōna mata i reira rāi, ē kua āru maira aia i a Iēsū ma te 'akakakā i te Atua. Ē kia kite te tangata kātoatoa i te reira, kua 'akapa'apa'a atura rātou i te Atua.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.