Māreko 10
10
Tē 'āpi'i nei a Iēsū nō te kōpae'anga tāne ē te va'ine
(Mātaio 19.1-12; Luka 16.18)
1Kua tū akera a Iēsū ki runga, 'aere atura mei te reira ngā'i ki te kōtinga 'enua o Iūdea ki tērā tua mai i Iōrīdāna. Kua 'uipā 'aka'ou maira te tangata tini ki aia i reira, kua 'āpi'i 'aka'ou atura aia i a rātou mei tāna i mātau.
2Ē kua 'aere maira tēta'i au Phārīsea ki aia, ē kua ui maira ki aia ē, “'E tika āina i te Ture kia kōpae te tāne i tāna va'ine?” 'Ei tīmata'anga mai nā rātou i aia.
3Kua pa'u atura a Iēsū ki a rātou, nā kō atura, “'E a'a tā Mōse i 'akaue mai ki a kōtou?”
4 #
Deut 24.1-4; Māt 5.31 Kua tuatua maira rātou, “Kua 'akatika a Mōse kia tātā mātou i te tuatua kōpae, ka tuku atu ei i aia.”
5Kua karanga atura a Iēsū ki a rātou, nā kō atura, “Nō te mārōketaketa o tō kōtou ngākau i tātā ai aia i te reira 'akaue'anga. 6#Gen 1.27; 5.2Inārā, i muatangāna ra ka 'anga'ia ai te ao nei, ‘i 'anga te Atua i a rāua i te tāne ē te va'ine.’ 7#Gen 2.24‘Ē nō reira, e 'akaruke ei te tangata i te metua tāne ē te metua va'ine, ē ka tōpiri atu ei ki tāna va'ine, 8ē ka riro rāua 'ei kōpapa 'okota'i.’ Ē nō reira, kāre rāua 'e tokorua 'aka'ou, 'e kōpapa 'okota'i rā. 9E tā te Atua i kāpipiti ra, auraka 'e tangata e 'akatakakē atu.”
10Ē i roto i te 'are kua ui 'aka'ou maira tāna au pipi ki aia i taua tuatua ra. 11#Māt 5.32; 1 Kōr 7.10,11Kua pa'u atura aia ki a rātou, “Ko tei kōpae atu i tāna va'ine, ka 'akaipoipo ei i tēta'i, kua 'akaturi aia i aia. 12Ē kia kōpae atu te va'ine i tāna tāne, ka 'akaipoipo ei i tēta'i, kua 'akaturi aia.”
Ko Iēsū ē te au tamariki
(Mātaio 19.13-15; Luka 18.15-17)
13Kua 'apai maira tēta'i au tangata i te tamariki meariki ki a Iēsū kia 'āmiri mai aia i a rātou. Kua kauvae atu rā te au pipi i a rātou. 14Kite atura a Iēsū, māinaina atura, nā kō atura ki a rātou, “Ka tuku mai ana i te tamariki meariki kia 'aere mai ki āku nei. Auraka e ārai atu, nō te mea, nō te tangata 'oki mei a rātou nei te bāsileia o te Atua. 15#Māt 18.3Koia mou tāku e karanga atu ki a kōtou na, ko tei kore e 'āriki i te bāsileia o te Atua mei te tamariki meariki, kāre tākiri aia e tomo ki roto i te reira.” 16Kua rave atura aia i a rātou, kua 'iki'iki i'ora, kua tuku atura i tōna rima ki runga a'o i a rātou i te 'akameitaki atu i a rātou.
Te tangata 'apinga nui
(Mātaio 19.16-30; Luka 18.18-30)
17Ē tē 'aere atura a Iēsū i te arāta'a ra, tē 'oro maira tēta'i tangata ki aia, ē kua tuturi i'ora ki mua a'o i aia, kua ui maira, “E te Pū'āpi'i meitaki, e 'akapē'ea au nei e rauka ai i āku te ora mutukore?”
18Kua pa'u atura a Iēsū ki aia, “'E a'a koe i tuatua ai i āku ē, 'e meitaki? Kāre tēta'i e meitaki ana, māri rā ko te Atua anake ra. 19#a: Exo 20.13; Deut 5.17; b: Exo 20.14; Deut 5.18; c: Exo 20.15; Deut 5.19; d: Exo 20.16; Deut 5.20; e: Exo 20.12; Deut 5.16Tē kite nei koe i te au 'akaue'anga: ‘Auraka e tā 'ua, auraka e 'akaturi, auraka e keiā, auraka koe kia riro 'ei kite pikika'a, auraka e 'akavare. E 'akangāteitei i tō metua tāne ē tō metua va'ine.’ ”
20Kua nā kō maira aia, “E te Pū'āpi'i, kua 'ope pou roa te reira i te 'ākono'ia e au mei tōku 'ōu'anga mai.”
21'Ākara atura a Iēsū i aia, aro'a atura i aia, nā kō atura ki aia, “Tē toe nei rāi tēta'i mea i a koe. Ka 'aere, ka 'oko atu koe i tā'au au 'apinga, ka 'apai atu ei nā te puta'ua; 'e 'apinga tā'au i reira i te rangi ra. I reira, e 'aere mai, āru mai i āku.” 22Taitaiā atura aia i te reira tuatua, 'aere atura aia ma te auē. 'E 'apinga ma'ata 'oki tāna.
23Kua 'ākara atura a Iēsū e kako rava ake, kua 'akakite atura ki tāna au pipi, “Auē te 'akaō ngatā o te aronga 'apinga nui ki roto i te bāsileia o te Atua!”
24Pō'itirere atura te au pipi i te reira tuatua. Kua 'akakite 'aka'ou atura a Iēsū ki a rātou, nā kō atura, “E te au tamariki ē, auē te 'akaō ngatā ki roto i te bāsileia o te Atua. 25E 'akaō ngō'ie te kāmela nā roto i te putā nira, i te tangata 'apinga nui kia 'akaō ki roto i te bāsileia o te Atua ra.”
26Ma'ata rava akera tō rātou manatu, nā kō akera rātou rātou 'ua'orāi, “Ko 'ai i reira te ka 'akaora'ia?”
27Kua 'ākara atura a Iēsū i a rātou, nā kō atura, “Kāre ia e tika i te tangata nei, e tika rā i te Atua, nō te mea, e tika ra i te Atua te au mea kātoatoa.”
28Kua tuatua maira a Pētero ki aia, “Inā mātou, kua 'akaruke mātou i te au mea katoa ē kua āru mai nei i a koe.”
29Kua karanga atura a Iēsū, “Koia mou tāku e karanga atu ki a kōtou na, kāre tēta'i 'ua atu tangata i 'akaruke i te 'are, te au taeake, te au tua'ine, te metua tāne, te metua va'ine, te tamariki ē te kāinga nōku ē nō te 'ēvangelia nei, 30e kore ei e rauka i aia e 'ānere 'ua atu i tēianei tuātau te 'are, te taeake, te tua'ine, te metua va'ine, te tamariki ē te kāinga 'oki, ma te tākinga kino'ia; ē i te tuātau ā muri atu, ko te ora mutukore ia. 31#Māt 20.16; Luk 13.30Ka riro rā tō mua 'e mānganui ra 'ei 'openga, ē te 'openga ra 'ei nō mua ia.”
Te toru o tō Iēsū tuatua'anga nō tōna mate'anga
(Mātaio 20.17-19; Luka 18.31-34)
32Ē tē 'aere ra a Iēsū ē tāna au pipi nā te arāta'a ki Iērūsalēma. E nā mua a Iēsū i a rātou i te 'aere, ē kua vā 'ua i'ora rātou. Ko te aronga rā tei āru atu i aia, kua mataku. Kua arataki 'aka'ou atura aia i te tino nga'uru mā rua ra ki te pae, ē kua 'akakite atura ki a rātou i te au mea e roko'ia mai ei aia ra, 33nā kō atura, “Inā, tē 'aere nei tātou ki Iērūsalēma; ē, e tuku'ia te Tamaiti a te Tangata nei ki te kau ta'unga nunui ē te au Pū'āpi'i Ture. Ē ka 'akautunga rātou i aia kia mate, ē e tuku'ia atu 'oki ki te au 'ētene ra. 34Ē ka 'āviri maira rātou i aia, ē e pāpā mai, e tūtu'a mai 'oki i te 'uāvare, e tāmate rava mai 'oki. Ka tū'aka'ou rā aia i te pō toru ra.”
Te pati'anga a Iākōbo ē Ioane
(Mātaio 20.20-28)
35Kua 'aere maira ngā tamariki a Zebedaio ra ko Iākōbo ē Ioane ki a Iēsū, nā kō maira, “E te Pū'āpi'i, tē 'inangaro nei māua kia 'akatika mai koe i tā māua e pati atu.”
36Kua ui atura aia ki a rāua, “'E a'a tā kōrua 'inangaro kia 'akatika atu au?”
37Kua pa'u maira rāua ki aia, “Kia rauka i a koe tō'ou kakā, e no'o tēta'i o māua ki tō rima katau, ē tēta'i 'oki ki tō rima kaui.”
38 #
Luk 12.50
Kua karanga atura a Iēsū ki a rāua, “Kāre kōrua i kite i tā kōrua e pati mai nei. Ka rauka āina i a kōrua kia inu i te kapu tāku e vaitata i te inu nei, ē kia bāpetīto'ia kōrua ki te bāpetīto e bāpetīto'ia ai au nei?”
39Kua nā kō maira rāua, “Ka rauka ia i a māua.”
Kua karanga atura a Iēsū ki a rāua, “E inu tikāi kōrua i te kapu tāku e vaitata i te inu nei, ē e bāpetīto'ia 'oki ki te bāpetīto e bāpetīto'ia ai au nei; 40inārā, ko te no'o ki taku rima katau ē ki taku rima kaui, kāre ia e tika i āku kia 'ōronga atu, māri rā, nō rātou ra ia tei 'ākono'ia nō te reira.”
41Kia 'akarongo akera te tino nga'uru ra, kī akera rātou i te riri i a Iākōbo rāua ko Ioane. 42#Luk 22.25,26Kua kāpiki atura a Iēsū i a rātou ki aia, ē kua nā kō atura ki a rātou, “Kua kite 'oki kōtou ē, tē tūtara nei te 'ui ariki o te au 'ētene ki runga a'o i a rātou; ē te aronga nunui ra, tē mana ra ia i runga a'o i tō rātou. 43#Māt 23.11; Mār 9.35; Luk 22.26Kāre rā e tika kia 'akapērā kōtou i rotopū i a kōtou. Ko tei 'inangaro rā kia ma'ata aia i ō kōtou na, kia riro ia 'ei tāvini nō kōtou. 44Ē ko tei 'inangaro kia riro aia ki mua 'ua rāi i ō kōtou na, kia riro ia 'ei tāvini 'aka'aka nō kōtou rava rāi. 45Kāre 'oki te Tamaiti a te Tangata nei i 'aere mai kia tāvini'ia mai, 'ei tāvini rā ē kia 'ōronga atu i tōna ora 'ei 'oko nō te tangata 'e mānganui.”
Tē 'akaora nei a Iēsū i a Baratimaio matapō
(Mātaio 20.29-34; Luka 18.35-43)
46Kua tae atura a Iēsū ē tāna au pipi ki Iēriko. Ē kia 'akaruke rātou i a Iēriko ma te tangata 'oki 'e mānganui, tē no'o ra te tamaiti a Tīmaio, ko Baratimaio matapō ra, i te pae arāta'a, tē patipati maira i te 'apinga. 47E rongo akera aia ē ko Iēsū i Nāzarēta tēia, kua kāpiki maira aia, nā kō maira, “E te Tamaiti a Dāvida, e aro'a mai koe i āku!”
48I kauvae atura te tangata 'e mānganui i aia kia mūtēkī atu. Kua ma'ata rava atu rā tōna kāpiki'anga, “E te Tamaiti a Dāvida, e aro'a mai koe i āku!”
49Kua tū 'ua i'ora a Iēsū, kua 'akaue atura ē, “E kāpiki atu i aia.”
Kua kāpiki atura rātou i taua matapō ra, nā kō atura ki aia, “E māro'iro'i, e tū ki runga! Tē kāpiki maira aia i a koe.”
50Kua kōpae atura aia i tōna kāka'u, tū akera ki runga, ē kua 'aere maira ki a Iēsū ra.
51Kua ui atura a Iēsū ki aia, nā kō atura, “'E a'a tā'au e 'inangaro nei i āku kia rave au nō'ou?”
Kua nā kō maira taua matapō ra ki aia, “E Rabi, kia kite ōku mata.”
52Kua karanga atura a Iēsū ki aia, “Ka 'aere, kua ora koe i tō'ou 'irinaki'anga i āku.”
Kite akera ōna mata i reira, ē kua āru maira aia i a Iēsū i te arāta'a.
Valgt i Øjeblikket:
Māreko 10: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Māreko 10
10
Tē 'āpi'i nei a Iēsū nō te kōpae'anga tāne ē te va'ine
(Mātaio 19.1-12; Luka 16.18)
1Kua tū akera a Iēsū ki runga, 'aere atura mei te reira ngā'i ki te kōtinga 'enua o Iūdea ki tērā tua mai i Iōrīdāna. Kua 'uipā 'aka'ou maira te tangata tini ki aia i reira, kua 'āpi'i 'aka'ou atura aia i a rātou mei tāna i mātau.
2Ē kua 'aere maira tēta'i au Phārīsea ki aia, ē kua ui maira ki aia ē, “'E tika āina i te Ture kia kōpae te tāne i tāna va'ine?” 'Ei tīmata'anga mai nā rātou i aia.
3Kua pa'u atura a Iēsū ki a rātou, nā kō atura, “'E a'a tā Mōse i 'akaue mai ki a kōtou?”
4 #
Deut 24.1-4; Māt 5.31 Kua tuatua maira rātou, “Kua 'akatika a Mōse kia tātā mātou i te tuatua kōpae, ka tuku atu ei i aia.”
5Kua karanga atura a Iēsū ki a rātou, nā kō atura, “Nō te mārōketaketa o tō kōtou ngākau i tātā ai aia i te reira 'akaue'anga. 6#Gen 1.27; 5.2Inārā, i muatangāna ra ka 'anga'ia ai te ao nei, ‘i 'anga te Atua i a rāua i te tāne ē te va'ine.’ 7#Gen 2.24‘Ē nō reira, e 'akaruke ei te tangata i te metua tāne ē te metua va'ine, ē ka tōpiri atu ei ki tāna va'ine, 8ē ka riro rāua 'ei kōpapa 'okota'i.’ Ē nō reira, kāre rāua 'e tokorua 'aka'ou, 'e kōpapa 'okota'i rā. 9E tā te Atua i kāpipiti ra, auraka 'e tangata e 'akatakakē atu.”
10Ē i roto i te 'are kua ui 'aka'ou maira tāna au pipi ki aia i taua tuatua ra. 11#Māt 5.32; 1 Kōr 7.10,11Kua pa'u atura aia ki a rātou, “Ko tei kōpae atu i tāna va'ine, ka 'akaipoipo ei i tēta'i, kua 'akaturi aia i aia. 12Ē kia kōpae atu te va'ine i tāna tāne, ka 'akaipoipo ei i tēta'i, kua 'akaturi aia.”
Ko Iēsū ē te au tamariki
(Mātaio 19.13-15; Luka 18.15-17)
13Kua 'apai maira tēta'i au tangata i te tamariki meariki ki a Iēsū kia 'āmiri mai aia i a rātou. Kua kauvae atu rā te au pipi i a rātou. 14Kite atura a Iēsū, māinaina atura, nā kō atura ki a rātou, “Ka tuku mai ana i te tamariki meariki kia 'aere mai ki āku nei. Auraka e ārai atu, nō te mea, nō te tangata 'oki mei a rātou nei te bāsileia o te Atua. 15#Māt 18.3Koia mou tāku e karanga atu ki a kōtou na, ko tei kore e 'āriki i te bāsileia o te Atua mei te tamariki meariki, kāre tākiri aia e tomo ki roto i te reira.” 16Kua rave atura aia i a rātou, kua 'iki'iki i'ora, kua tuku atura i tōna rima ki runga a'o i a rātou i te 'akameitaki atu i a rātou.
Te tangata 'apinga nui
(Mātaio 19.16-30; Luka 18.18-30)
17Ē tē 'aere atura a Iēsū i te arāta'a ra, tē 'oro maira tēta'i tangata ki aia, ē kua tuturi i'ora ki mua a'o i aia, kua ui maira, “E te Pū'āpi'i meitaki, e 'akapē'ea au nei e rauka ai i āku te ora mutukore?”
18Kua pa'u atura a Iēsū ki aia, “'E a'a koe i tuatua ai i āku ē, 'e meitaki? Kāre tēta'i e meitaki ana, māri rā ko te Atua anake ra. 19#a: Exo 20.13; Deut 5.17; b: Exo 20.14; Deut 5.18; c: Exo 20.15; Deut 5.19; d: Exo 20.16; Deut 5.20; e: Exo 20.12; Deut 5.16Tē kite nei koe i te au 'akaue'anga: ‘Auraka e tā 'ua, auraka e 'akaturi, auraka e keiā, auraka koe kia riro 'ei kite pikika'a, auraka e 'akavare. E 'akangāteitei i tō metua tāne ē tō metua va'ine.’ ”
20Kua nā kō maira aia, “E te Pū'āpi'i, kua 'ope pou roa te reira i te 'ākono'ia e au mei tōku 'ōu'anga mai.”
21'Ākara atura a Iēsū i aia, aro'a atura i aia, nā kō atura ki aia, “Tē toe nei rāi tēta'i mea i a koe. Ka 'aere, ka 'oko atu koe i tā'au au 'apinga, ka 'apai atu ei nā te puta'ua; 'e 'apinga tā'au i reira i te rangi ra. I reira, e 'aere mai, āru mai i āku.” 22Taitaiā atura aia i te reira tuatua, 'aere atura aia ma te auē. 'E 'apinga ma'ata 'oki tāna.
23Kua 'ākara atura a Iēsū e kako rava ake, kua 'akakite atura ki tāna au pipi, “Auē te 'akaō ngatā o te aronga 'apinga nui ki roto i te bāsileia o te Atua!”
24Pō'itirere atura te au pipi i te reira tuatua. Kua 'akakite 'aka'ou atura a Iēsū ki a rātou, nā kō atura, “E te au tamariki ē, auē te 'akaō ngatā ki roto i te bāsileia o te Atua. 25E 'akaō ngō'ie te kāmela nā roto i te putā nira, i te tangata 'apinga nui kia 'akaō ki roto i te bāsileia o te Atua ra.”
26Ma'ata rava akera tō rātou manatu, nā kō akera rātou rātou 'ua'orāi, “Ko 'ai i reira te ka 'akaora'ia?”
27Kua 'ākara atura a Iēsū i a rātou, nā kō atura, “Kāre ia e tika i te tangata nei, e tika rā i te Atua, nō te mea, e tika ra i te Atua te au mea kātoatoa.”
28Kua tuatua maira a Pētero ki aia, “Inā mātou, kua 'akaruke mātou i te au mea katoa ē kua āru mai nei i a koe.”
29Kua karanga atura a Iēsū, “Koia mou tāku e karanga atu ki a kōtou na, kāre tēta'i 'ua atu tangata i 'akaruke i te 'are, te au taeake, te au tua'ine, te metua tāne, te metua va'ine, te tamariki ē te kāinga nōku ē nō te 'ēvangelia nei, 30e kore ei e rauka i aia e 'ānere 'ua atu i tēianei tuātau te 'are, te taeake, te tua'ine, te metua va'ine, te tamariki ē te kāinga 'oki, ma te tākinga kino'ia; ē i te tuātau ā muri atu, ko te ora mutukore ia. 31#Māt 20.16; Luk 13.30Ka riro rā tō mua 'e mānganui ra 'ei 'openga, ē te 'openga ra 'ei nō mua ia.”
Te toru o tō Iēsū tuatua'anga nō tōna mate'anga
(Mātaio 20.17-19; Luka 18.31-34)
32Ē tē 'aere ra a Iēsū ē tāna au pipi nā te arāta'a ki Iērūsalēma. E nā mua a Iēsū i a rātou i te 'aere, ē kua vā 'ua i'ora rātou. Ko te aronga rā tei āru atu i aia, kua mataku. Kua arataki 'aka'ou atura aia i te tino nga'uru mā rua ra ki te pae, ē kua 'akakite atura ki a rātou i te au mea e roko'ia mai ei aia ra, 33nā kō atura, “Inā, tē 'aere nei tātou ki Iērūsalēma; ē, e tuku'ia te Tamaiti a te Tangata nei ki te kau ta'unga nunui ē te au Pū'āpi'i Ture. Ē ka 'akautunga rātou i aia kia mate, ē e tuku'ia atu 'oki ki te au 'ētene ra. 34Ē ka 'āviri maira rātou i aia, ē e pāpā mai, e tūtu'a mai 'oki i te 'uāvare, e tāmate rava mai 'oki. Ka tū'aka'ou rā aia i te pō toru ra.”
Te pati'anga a Iākōbo ē Ioane
(Mātaio 20.20-28)
35Kua 'aere maira ngā tamariki a Zebedaio ra ko Iākōbo ē Ioane ki a Iēsū, nā kō maira, “E te Pū'āpi'i, tē 'inangaro nei māua kia 'akatika mai koe i tā māua e pati atu.”
36Kua ui atura aia ki a rāua, “'E a'a tā kōrua 'inangaro kia 'akatika atu au?”
37Kua pa'u maira rāua ki aia, “Kia rauka i a koe tō'ou kakā, e no'o tēta'i o māua ki tō rima katau, ē tēta'i 'oki ki tō rima kaui.”
38 #
Luk 12.50
Kua karanga atura a Iēsū ki a rāua, “Kāre kōrua i kite i tā kōrua e pati mai nei. Ka rauka āina i a kōrua kia inu i te kapu tāku e vaitata i te inu nei, ē kia bāpetīto'ia kōrua ki te bāpetīto e bāpetīto'ia ai au nei?”
39Kua nā kō maira rāua, “Ka rauka ia i a māua.”
Kua karanga atura a Iēsū ki a rāua, “E inu tikāi kōrua i te kapu tāku e vaitata i te inu nei, ē e bāpetīto'ia 'oki ki te bāpetīto e bāpetīto'ia ai au nei; 40inārā, ko te no'o ki taku rima katau ē ki taku rima kaui, kāre ia e tika i āku kia 'ōronga atu, māri rā, nō rātou ra ia tei 'ākono'ia nō te reira.”
41Kia 'akarongo akera te tino nga'uru ra, kī akera rātou i te riri i a Iākōbo rāua ko Ioane. 42#Luk 22.25,26Kua kāpiki atura a Iēsū i a rātou ki aia, ē kua nā kō atura ki a rātou, “Kua kite 'oki kōtou ē, tē tūtara nei te 'ui ariki o te au 'ētene ki runga a'o i a rātou; ē te aronga nunui ra, tē mana ra ia i runga a'o i tō rātou. 43#Māt 23.11; Mār 9.35; Luk 22.26Kāre rā e tika kia 'akapērā kōtou i rotopū i a kōtou. Ko tei 'inangaro rā kia ma'ata aia i ō kōtou na, kia riro ia 'ei tāvini nō kōtou. 44Ē ko tei 'inangaro kia riro aia ki mua 'ua rāi i ō kōtou na, kia riro ia 'ei tāvini 'aka'aka nō kōtou rava rāi. 45Kāre 'oki te Tamaiti a te Tangata nei i 'aere mai kia tāvini'ia mai, 'ei tāvini rā ē kia 'ōronga atu i tōna ora 'ei 'oko nō te tangata 'e mānganui.”
Tē 'akaora nei a Iēsū i a Baratimaio matapō
(Mātaio 20.29-34; Luka 18.35-43)
46Kua tae atura a Iēsū ē tāna au pipi ki Iēriko. Ē kia 'akaruke rātou i a Iēriko ma te tangata 'oki 'e mānganui, tē no'o ra te tamaiti a Tīmaio, ko Baratimaio matapō ra, i te pae arāta'a, tē patipati maira i te 'apinga. 47E rongo akera aia ē ko Iēsū i Nāzarēta tēia, kua kāpiki maira aia, nā kō maira, “E te Tamaiti a Dāvida, e aro'a mai koe i āku!”
48I kauvae atura te tangata 'e mānganui i aia kia mūtēkī atu. Kua ma'ata rava atu rā tōna kāpiki'anga, “E te Tamaiti a Dāvida, e aro'a mai koe i āku!”
49Kua tū 'ua i'ora a Iēsū, kua 'akaue atura ē, “E kāpiki atu i aia.”
Kua kāpiki atura rātou i taua matapō ra, nā kō atura ki aia, “E māro'iro'i, e tū ki runga! Tē kāpiki maira aia i a koe.”
50Kua kōpae atura aia i tōna kāka'u, tū akera ki runga, ē kua 'aere maira ki a Iēsū ra.
51Kua ui atura a Iēsū ki aia, nā kō atura, “'E a'a tā'au e 'inangaro nei i āku kia rave au nō'ou?”
Kua nā kō maira taua matapō ra ki aia, “E Rabi, kia kite ōku mata.”
52Kua karanga atura a Iēsū ki aia, “Ka 'aere, kua ora koe i tō'ou 'irinaki'anga i āku.”
Kite akera ōna mata i reira, ē kua āru maira aia i a Iēsū i te arāta'a.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.