Māreko 8
8
'Āngai i'ora a Iēsū i e 'ā tauatini tangata
(Mātaio 15.32-39)
1'E mānganui 'aka'ou te tangata i te reira au rā, ē kāre 'e kai kia kai, ē kua kāpiki atura a Iēsū i tāna au pipi ki aia, nā kō atura ki a rātou, 2“Tē tangi nei au i tēianei urupū tangata ma'ata, nō te mea, ka pō toru ake nei rātou ki āku nei, ē kāre 'e mānga kia kai rātou. 3Ē kia tuku pongi au i a rātou ki tō rātou ngutu'are, e matapōiri mai rātou i te ara; 'e ngā'i mamao 'oki tō tēta'i pāpāki.”
4Kua nā kō maira tāna au pipi ki aia, “'Ei 'ea i te mēdēbara nei e rauka mai ei te kai e rava ai nā tēianei urupū tangata ma'ata?”
5Kua ui atura aia ki a rātou, “E 'ia ā kōtou taupūpū varāoa?”
Kua pa'u maira rātou, “E 'itu.”
6Kua 'akaue atura aia i te urupū tangata ra kia no'ono'o rātou ki raro. Kua rave i'ora aia i te au taupūpū varāoa ē 'itu ra, kua 'akameitaki atura, vāvā'i i'ora ē kua tuku ki tāna au pipi kia tu'a atu. Kua tu'a atura 'oki rātou ki te urupū tangata. 7'E puke ika rikiriki katoa tā rātou. Kua 'akameitaki katoa atura, ē kua 'akaue atura kia tu'a katoa'ia. 8Ē kua kai i'ora ē pangia rava akera. 'Akaputuputu i'ora te au pipi i te 'unga'ungā kai toe ra, e 'itu kīkau. 9E 'ā pa'a tauatini i taua urupū tangata ra. Kua tuku atura a Iēsū i a rātou kia 'aere. 10Ē kua 'aere atura aia ē tāna au pipi ki runga i te poti i reira ra, tāpae atura ki te tu'anga 'enua i Dalemanuta.
Te mānono'anga nō tēta'i 'akairo
(Mātaio 16.1-4)
11 #
Māt 12.38; Luk 11.16 Kua 'aere maira te au Phārīsea ē kua uiui mai ki a Iēsū ma te pati mai i tēta'i 'akairo mei te rangi mai, 'ei tīmata'anga mai nā rātou i aia. 12#Māt 12.39; Luk 11.29Kua karanga atura aia ma te auē i roto i tōna 'ua'orāi ngākau, “'E a'a i pati mai ei tēianei uki tangata i te 'akairo? Koia mou tāku e karanga atu ki a kōtou na, kāre tēta'i 'akairo e 'ōronga'ia atu ki tēianei uki.”
13'Akaruke atura aia i a rātou, 'oki 'aka'ou atura ki runga i te poti ra, 'ano maira ki tēta'i pae o taua roto ra.
Te 'ōpue a te au Phārīsea ē tā Heroda
(Mātaio 16.5-12)
14Kua ngaropōina i te au pipi i te 'apai i te varāoa. 'Okota'i 'ua ā rātou taupūpū varāoa i taua poti ra. 15#Luk 12.1Kua ako atura a Iēsū i a rātou, nā kō atura, “E matakite meitaki i te 'ōpue a te au Phārīsea ē te 'ōpue a Heroda.”
16Ē kua 'uri'uri manako i'ora rātou i rotopū i a rātou 'ua'orāi ē, kāre ā rātou varāoa.
17Tē kite atura a Iēsū, ē kua nā kō atura ki a rātou, “'E a'a kōtou i 'uri'uri manako ē, kāre ā kōtou kai? Kāre rāi kōtou i mārama ake, ē kāre rāi i nakiro? Ē tē vai pōiri 'ua nei rāi tō kōtou ngākau? 18#Ier 5.21; Ezek 12.2; Mār 4.12'E mata tō kōtou, kāre e rauka kia 'ākara? 'E taringa tō kōtou, ē kāre e rauka kia 'akarongo mai? Ē kāre kōtou e ma'ara ana? 19I āku i vāvā'i i ngā taupūpū varāoa e rima nō ngā tauatini e rima ra, e 'ia ā kōtou tāpora i 'akakī ki te toengā kai ra?”
Kua nā kō maira rātou, “'Okota'i nga'uru mā rua.”
20“Ē ngā taupūpū varāoa e 'itu nō ngā tauatini e 'ā ra, e 'ia ā kōtou kīkau i 'akakī ki te toenga ra?”
Kua nā kō maira rātou, “E 'itu.”
21Ē kua karanga atura aia ki a rātou, “'E a'a kōtou i kore ei i nakiro?”
Tē 'akaora nei a Iēsū i tēta'i tangata matapō i Betesaida
22E tae maira a Iēsū ē tāna au pipi ki Betesaida, tē arataki'ia maira tēta'i tangata matapō ki aia, ē kua pati maira ki a Iēsū kia 'akatūkia atu i aia. 23Kua rave atura aia i te rima o taua tangata matapō ra, arataki atura i aia ki va'o mai i taua 'ōire ra. Ē kua tūtu'a atura aia i te 'uāvare ki runga i tōna mata, ē kua tuku i te rima ki runga a'o i aia, ma te ui atu ki aia ē, “Tē kite āinei koe i tēta'i mea?”
24Kua nānā akera taua tangata ra ki runga, nā kō maira, “Tē kite nei au i te tangata, mei te pū rākau rā te tū tē 'aere 'ua ra.”
25Kua tuku 'aka'ou atura a Iēsū i te rima ki runga a'o i tōna mata, ē kua karanga atura kia nānā aia ki runga. Kua pu'era rava atura, tē kite meitaki atura aia i te tangata rava rāi. 26Kua tono atura a Iēsū i aia ki tōna ngutu'are, nā kō atura, “Auraka e tomo ki roto i te 'ōire nei.”
Tō Pētero 'a'aki'anga ē ko Iēsū te Mesia
(Mātaio 16.13-20; Luka 9.18-21)
27'Aere kē atura a Iēsū ma tāna au pipi ki te au 'ōire i te pae o Kaisarea Philipi ra. Kua ui atura aia ki a rātou i te ara ra, nā kō atura, “Ko 'ai au nei i tā te tangata nei tuatua'anga?”
28 #
Mār 6.14,15; Luk 9.7,8 Kua nā kō maira rātou, “Ko Ioane Bāpetīto; ko Ēlia 'oki tā tēta'i pāpāki; ko tēta'i peroveta rā tā tēta'i aronga.”
29 #
Ioa 6.68,69 Kua ui atura aia ki a rātou, “Ko 'ai rā au nei i tā kōtou na tuatua'anga?”
Kua pa'u maira a Pētero ki aia, “Ko te Mesia rāi koe.”
30Ē kua ako atura aia i a rātou, auraka rava rātou e 'akakite ki te tangata i taua tuatua i aia ra.
Tē tuatua ra a Iēsū i tōna mamae ē tōna mate
(Mātaio 16.21-28; Luka 9.22-27)
31Kua 'akamata atura a Iēsū i te 'akakite ki tāna au pipi ē, 'e mānganui tō te Tamaiti a te Tangata nei mamae mate e tikāi, ē e 'akaruke'ia aia e te aronga pakari, te kau ta'unga nunui ē te au Pū'āpi'i Ture ra, ē e tāmate rava'ia 'oki, ē e tū'aka'ou kia tae ki te pō toru ra. 32Ē kua 'akakite pū tikāi aia i te reira tuatua. Ē kua arataki kē atura a Pētero i aia ē kua kauvae atura i aia. 33Kua 'āriu maira a Iēsū, ē kua 'ākara maira ki tāna au pipi, kua 'akamura maira i a Pētero, nā kō maira, “Ka 'aere kē atu koe, e Sātani, ki muri i āku! Kāre koe i tau i tā te Atua ra, ko tā te tangata rā.”
34 #
Māt 10.38; Luk 14.27 Kua karanga atura 'oki aia ki te urupū tangata ma tāna 'ua'orāi au pipi nā kō atura, “Ko tei 'inangaro i te āru mai i āku, e 'akaruke aia i aia 'ua'orāi, e 'apai i tāna sātauro, ka āru mai ei i āku. 35#Māt 10.39; Luk 17.33; Ioa 12.25Nō te mea, ko tei 'inangaro i te tāpū i tōna ora, ka ngere ia i te ora; ē ko tei tika i aia i te 'akangere i tōna ora nōku ē nō te 'ēvangelia nei, 'e ora ia tōna. 36Ē, 'e a'a tā te tangata nei pu'apinga, kia rauka i aia tō tēianei ao kātoatoa, e riro atu tōna vaerua? 37Ē, 'e a'a tā te tangata nei kia 'ōronga atu 'ei 'oko i tōna vaerua? 38Ē tēianei ko tei 'akamā i āku ē tāku nei tuatua i tēianei uki 'akaturi ē te rave 'ara, ko ia katoa tā te Tamaiti a te Tangata nei e 'akamā kia 'aere mai aia ma te au 'āngela tapu ē te kakā o tōna Metua.”
Valgt i Øjeblikket:
Māreko 8: CIMRNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.
Māreko 8
8
'Āngai i'ora a Iēsū i e 'ā tauatini tangata
(Mātaio 15.32-39)
1'E mānganui 'aka'ou te tangata i te reira au rā, ē kāre 'e kai kia kai, ē kua kāpiki atura a Iēsū i tāna au pipi ki aia, nā kō atura ki a rātou, 2“Tē tangi nei au i tēianei urupū tangata ma'ata, nō te mea, ka pō toru ake nei rātou ki āku nei, ē kāre 'e mānga kia kai rātou. 3Ē kia tuku pongi au i a rātou ki tō rātou ngutu'are, e matapōiri mai rātou i te ara; 'e ngā'i mamao 'oki tō tēta'i pāpāki.”
4Kua nā kō maira tāna au pipi ki aia, “'Ei 'ea i te mēdēbara nei e rauka mai ei te kai e rava ai nā tēianei urupū tangata ma'ata?”
5Kua ui atura aia ki a rātou, “E 'ia ā kōtou taupūpū varāoa?”
Kua pa'u maira rātou, “E 'itu.”
6Kua 'akaue atura aia i te urupū tangata ra kia no'ono'o rātou ki raro. Kua rave i'ora aia i te au taupūpū varāoa ē 'itu ra, kua 'akameitaki atura, vāvā'i i'ora ē kua tuku ki tāna au pipi kia tu'a atu. Kua tu'a atura 'oki rātou ki te urupū tangata. 7'E puke ika rikiriki katoa tā rātou. Kua 'akameitaki katoa atura, ē kua 'akaue atura kia tu'a katoa'ia. 8Ē kua kai i'ora ē pangia rava akera. 'Akaputuputu i'ora te au pipi i te 'unga'ungā kai toe ra, e 'itu kīkau. 9E 'ā pa'a tauatini i taua urupū tangata ra. Kua tuku atura a Iēsū i a rātou kia 'aere. 10Ē kua 'aere atura aia ē tāna au pipi ki runga i te poti i reira ra, tāpae atura ki te tu'anga 'enua i Dalemanuta.
Te mānono'anga nō tēta'i 'akairo
(Mātaio 16.1-4)
11 #
Māt 12.38; Luk 11.16 Kua 'aere maira te au Phārīsea ē kua uiui mai ki a Iēsū ma te pati mai i tēta'i 'akairo mei te rangi mai, 'ei tīmata'anga mai nā rātou i aia. 12#Māt 12.39; Luk 11.29Kua karanga atura aia ma te auē i roto i tōna 'ua'orāi ngākau, “'E a'a i pati mai ei tēianei uki tangata i te 'akairo? Koia mou tāku e karanga atu ki a kōtou na, kāre tēta'i 'akairo e 'ōronga'ia atu ki tēianei uki.”
13'Akaruke atura aia i a rātou, 'oki 'aka'ou atura ki runga i te poti ra, 'ano maira ki tēta'i pae o taua roto ra.
Te 'ōpue a te au Phārīsea ē tā Heroda
(Mātaio 16.5-12)
14Kua ngaropōina i te au pipi i te 'apai i te varāoa. 'Okota'i 'ua ā rātou taupūpū varāoa i taua poti ra. 15#Luk 12.1Kua ako atura a Iēsū i a rātou, nā kō atura, “E matakite meitaki i te 'ōpue a te au Phārīsea ē te 'ōpue a Heroda.”
16Ē kua 'uri'uri manako i'ora rātou i rotopū i a rātou 'ua'orāi ē, kāre ā rātou varāoa.
17Tē kite atura a Iēsū, ē kua nā kō atura ki a rātou, “'E a'a kōtou i 'uri'uri manako ē, kāre ā kōtou kai? Kāre rāi kōtou i mārama ake, ē kāre rāi i nakiro? Ē tē vai pōiri 'ua nei rāi tō kōtou ngākau? 18#Ier 5.21; Ezek 12.2; Mār 4.12'E mata tō kōtou, kāre e rauka kia 'ākara? 'E taringa tō kōtou, ē kāre e rauka kia 'akarongo mai? Ē kāre kōtou e ma'ara ana? 19I āku i vāvā'i i ngā taupūpū varāoa e rima nō ngā tauatini e rima ra, e 'ia ā kōtou tāpora i 'akakī ki te toengā kai ra?”
Kua nā kō maira rātou, “'Okota'i nga'uru mā rua.”
20“Ē ngā taupūpū varāoa e 'itu nō ngā tauatini e 'ā ra, e 'ia ā kōtou kīkau i 'akakī ki te toenga ra?”
Kua nā kō maira rātou, “E 'itu.”
21Ē kua karanga atura aia ki a rātou, “'E a'a kōtou i kore ei i nakiro?”
Tē 'akaora nei a Iēsū i tēta'i tangata matapō i Betesaida
22E tae maira a Iēsū ē tāna au pipi ki Betesaida, tē arataki'ia maira tēta'i tangata matapō ki aia, ē kua pati maira ki a Iēsū kia 'akatūkia atu i aia. 23Kua rave atura aia i te rima o taua tangata matapō ra, arataki atura i aia ki va'o mai i taua 'ōire ra. Ē kua tūtu'a atura aia i te 'uāvare ki runga i tōna mata, ē kua tuku i te rima ki runga a'o i aia, ma te ui atu ki aia ē, “Tē kite āinei koe i tēta'i mea?”
24Kua nānā akera taua tangata ra ki runga, nā kō maira, “Tē kite nei au i te tangata, mei te pū rākau rā te tū tē 'aere 'ua ra.”
25Kua tuku 'aka'ou atura a Iēsū i te rima ki runga a'o i tōna mata, ē kua karanga atura kia nānā aia ki runga. Kua pu'era rava atura, tē kite meitaki atura aia i te tangata rava rāi. 26Kua tono atura a Iēsū i aia ki tōna ngutu'are, nā kō atura, “Auraka e tomo ki roto i te 'ōire nei.”
Tō Pētero 'a'aki'anga ē ko Iēsū te Mesia
(Mātaio 16.13-20; Luka 9.18-21)
27'Aere kē atura a Iēsū ma tāna au pipi ki te au 'ōire i te pae o Kaisarea Philipi ra. Kua ui atura aia ki a rātou i te ara ra, nā kō atura, “Ko 'ai au nei i tā te tangata nei tuatua'anga?”
28 #
Mār 6.14,15; Luk 9.7,8 Kua nā kō maira rātou, “Ko Ioane Bāpetīto; ko Ēlia 'oki tā tēta'i pāpāki; ko tēta'i peroveta rā tā tēta'i aronga.”
29 #
Ioa 6.68,69 Kua ui atura aia ki a rātou, “Ko 'ai rā au nei i tā kōtou na tuatua'anga?”
Kua pa'u maira a Pētero ki aia, “Ko te Mesia rāi koe.”
30Ē kua ako atura aia i a rātou, auraka rava rātou e 'akakite ki te tangata i taua tuatua i aia ra.
Tē tuatua ra a Iēsū i tōna mamae ē tōna mate
(Mātaio 16.21-28; Luka 9.22-27)
31Kua 'akamata atura a Iēsū i te 'akakite ki tāna au pipi ē, 'e mānganui tō te Tamaiti a te Tangata nei mamae mate e tikāi, ē e 'akaruke'ia aia e te aronga pakari, te kau ta'unga nunui ē te au Pū'āpi'i Ture ra, ē e tāmate rava'ia 'oki, ē e tū'aka'ou kia tae ki te pō toru ra. 32Ē kua 'akakite pū tikāi aia i te reira tuatua. Ē kua arataki kē atura a Pētero i aia ē kua kauvae atura i aia. 33Kua 'āriu maira a Iēsū, ē kua 'ākara maira ki tāna au pipi, kua 'akamura maira i a Pētero, nā kō maira, “Ka 'aere kē atu koe, e Sātani, ki muri i āku! Kāre koe i tau i tā te Atua ra, ko tā te tangata rā.”
34 #
Māt 10.38; Luk 14.27 Kua karanga atura 'oki aia ki te urupū tangata ma tāna 'ua'orāi au pipi nā kō atura, “Ko tei 'inangaro i te āru mai i āku, e 'akaruke aia i aia 'ua'orāi, e 'apai i tāna sātauro, ka āru mai ei i āku. 35#Māt 10.39; Luk 17.33; Ioa 12.25Nō te mea, ko tei 'inangaro i te tāpū i tōna ora, ka ngere ia i te ora; ē ko tei tika i aia i te 'akangere i tōna ora nōku ē nō te 'ēvangelia nei, 'e ora ia tōna. 36Ē, 'e a'a tā te tangata nei pu'apinga, kia rauka i aia tō tēianei ao kātoatoa, e riro atu tōna vaerua? 37Ē, 'e a'a tā te tangata nei kia 'ōronga atu 'ei 'oko i tōna vaerua? 38Ē tēianei ko tei 'akamā i āku ē tāku nei tuatua i tēianei uki 'akaturi ē te rave 'ara, ko ia katoa tā te Tamaiti a te Tangata nei e 'akamā kia 'aere mai aia ma te au 'āngela tapu ē te kakā o tōna Metua.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Cook Island Maori Revised New Testament © Bible Society of the South Pacific, 2021.