ATITI AWM ANGCHEI NAI 31
31
Labana teng i dengdairei Jakob preang nai
1Labana i chapochi my, “Jakob ly ngaai i yhmtheaung la krai bo; ni ly ngaai i yhmtheaungchi hawi nang chawn veng bo,” nanai thui nai ly Jakob thai nai ne. 2Jakob ly Labana my jangni i kamta hawi hai y nai sai niu bo. 3Huna nai y Areng my, “Nangmy i amjo manauchi hawi ngampo i awm nai pri mang y vawi ali teang; kai ly nang hawi vanrei kang awm hai ai mang,” napi.
4Naibaly Jakob ly Rakeli hawi Leah nini ai mymy i tawnbawi kanghu awm nai meingtym y palau. 5Mymy ly nini teng y, “Ngampo ly jangni i kamta kai ai khrei y nai sai kapany bo; na i py ngaai i Tameuh my kai ai ang awm hai nai ne. 6Kai ly ngampo i vui ham parai naimy kalop sa pi naichi py nangni niu py niu, pany py pany hawi bo. 7Na i py ni ly kai ai tapawp nai hawi kai i vang nga nai py tlen horei ang katheung pi veng nai ne. Na i py kai i tlang tleaung y hawi y sa ai nai Tameuh my ni ai paka nai ne. 8Ngampo my thui nai khala ly apreaungprang nai mi-ichi ly nang i vui ne sy, napi baly mi-ichi ly apreaungprang nai chochi tapen; ni my asawsa nai mi-ichi ly nang i vui ne sy, napi baly mi-ichi ly asawsa nai chochi tapen nai ne. 9Tameuh my ngampo i tawnbawi kanghuchi la pi veng iy kai ai ang pei nai bo.
10Tawnbawichi tapen ai nai neng tym nai khala, kai i amang mang y po achiu nai mi-i kataichi ly apreaungprang naichi, ariura naichi, asawsa naichi abawi nai kaniu nai ne. 11Amang mang y Tameuh i kani pri amtaw thau nai my, ‘Jakob awi!’ nanai ang palau; kaimy, ‘Areng, kai hi y awm,’ kanapi. 12Kani pri amtaw thau my, ‘Khen cham,’ Labana my nang ai sa nai saichi kang niu pi nai deaungkho y tawnbawi nuchi ly ariura naichi apreaungprang naichi hawi asawsa naichi tapen ai nai kang sa pi nai ne. 13Kai ly Bethela meingtym y nangmy lengseaung leng nai hawi olive asitui lei iy, paleung aau naimy kai teng y vaineng abeu nai khala, nang i paleung mei y niu nai Tameuh ne. Vai nang angveirym iy, nang my ai tapen nai pri mang y vawi ali teang jau ang napi,” napi.#AA 28.18–22
14Rakeli hawi Leah nini my Jakob teng y, “Kaini ly ngaai teng i yhmtheaung amtym ai nai lam by y leang bo. 15Ngaai ly kaichi ai cheng takhra kamta ang khai veng bo. Mymy ly kaini ai jo nai vang tangkachi py pasum be bo. 16Achi i cho chanauchi i vui hawi, achi i vui yhmtheaung ly Tameuh my ngaai teng i nai la pi nai bo. Hunai deaungkho y Tameuh my ang thui pi nai kamta nang ly so ba,” napi.
17-18Naibaly Jakob ly Kanan pri ampo teng y vawi teang ai nai angveirym bo. Ajuni hawi chanauchi ai ly kula-iuchi salo y atang hai iy mo mang y ly mymy i tawnbawi kanghuchi tako hai iy, mymy i Mesopotamia pri y awm nai thym kha y nga nai yhmtheaung katuichi py syn bawi nai ne. 19Labana ly mymy i beramchi ai mui vau ai nai chei vui nai sala y Rakeli ly ampo i tameuh mynchi paviu pi veng nai ne. 20Jakob ly mymy tako ai nai Labana teng y thui pi y naimy kangviu y tako vui bo. 21Mymy i nga nai yhmtheaung katuichi syn iy theu kaliki bo. Mymy ly Euphrat tavo angpeang iy Kilead mawi kataw mang y tako nai ne.
Labana my Jakob ai hui nai
22Kani thomrei kani y Labana ly Jakob preang veng, nanai pany bo. 23Huna nai khala ni ly mymy i khumichi ai palau iy Jakob ai kani saryhrei hui i, Kilead mawi y kai. 24Huni vum y Tameuh my Labana teng y, “Jakob ai khrukhra naira tym hai moh, amkyn ba,” napi. 25Jakob ly mawi salo y meingtym sa i jei, Labana ly Kilead mawi salo y amjo amnauchi hawi vanrei meingtym sa i jei teang nai ne.
26Labana ly Jakob teng y, “Nang ly ati mana nai kai ai tapawp iy tavai keung i langheng hawi nai kamta kai i chaniuchi ai hawi pawn lawh mo?” 27Ati mana nai kai ai tapawp iy kai teng y thui pi y naimy kangviu y preang vui lawh mo? Kai teng y thui pi i khyly taro, atym, sa-ra beu naimy amo theu nai khulym thui iy kang pavum ai chybo. 28Nang ly kai i katuchi hawi chaniu ni ai pachawm iy leu kahawi pavum ai nai pei y, nang i sa nai ly pipi teng y! 29Kai my nang ai ana patang hai pajau; na i py jangdyh vum y ngampo i Tameuh my lam y Jakob ai khrukhra hai moh, ang napi. 30Nang ly ngampo i yhm y tym ai ngai nai awn ala nai bo, nanai kang pany pi mang; na i py nang ly ati mana nai kai i tameuh mynchi paviu vui lawh moh,” napi.
31Huna nai khala Jakob my, “Nangmy chaniuchi ai lo vui na, nanai mawn nai deaungkho y preang nai ne. 32Na i py hi i awm nai khumichi teng y nang i tameuh mynchi ai paviu nai nang niu lawh baly, ni ai ly padei ai nai tla. Kai i khumichi theung y nang i vawnsaichi hau ly niu lawh baly lo teang,” napi. Jakob ly Labana i tameuh mynchi ai Rakeli my paviu pi vui nai ly pany y.
33Labana ly Jakob i kanih yhm theung y kun iy hau bo; huni bo y Leah i kanih yhm theung y hau, huni bo y miseaung nu leaung nyhrei i kanih yhm theung y hau; na i py mymy ly tameuh mynchi ai niu y i, Rakeli i kanih yhm theung y kun iy hau nai ne. 34Rakeli ly tameuh mynchi la iy Kula-iu salo atang nai atehra anui y khai iy mymy ateh hai cheng bo. Labana ly kanih yhm verei y hau teu i py niu pajau y nai ne. 35Rakeli my ampo teng y, “Kai ai kado theu hai mo kyh jemjem ba; kai ly nang i mo y angdo ai nai avo y, kaimychi neampachy i tlangchai tym nai ne,” napi. Labana ly mymy i tameuh mynchi ai hawihai hau teu i py niu pajau y bo.
36Huna nai khala Jakob ly kado theu i, “Kai ly ati kamngo sa nai awm mo?” Ati sa katamang nai y, kai ai hui aphrawphri na mo? 37Kai i vawn bawibawichi py patheaung iy hau be bo; nangmy i vawn hau nai ly niu a? Niu lawh baly nang i khumichi hawi kai i khumichi i mo y khai ly nichimy ani i teng nai, teng y nai chih pi sy. 38Kai ly nang hawi vanrei saneng apomrei awm ahawi bo; nang i beramchi hawi mi-ichi peung y ai nai taphra nai py by y; nang i tawnbawi kanghu theung i beram katai tleh iy cha vui nai py awm vai y. 39Kasui takai my beramchi ai kei i py, kaimy i naini jyn kang theng pi. Beram dei nai ly kai i phu y ny y leang, nanai pany hai ai nai, huni veu ai nang teng y kang syn pi vai y leang. Nang i leu pei nai kamta vum y py, kani thun y py tamo na, paviu na, nanai hawihai kang kry pi bo. 40Kani thun y kani bi patang nai, vum y kasavai patang nai, i kamhm patang nai neng neangneang awm. 41Nang hawi vanrei patang ahawi nai saneng apomrei avum bo. Nang i chaniu leaung nyhrei ai pom ai nai kaimy saneng holai palyhrei kalop kang sa pi; nang i tawnbawi kanghuchi ai saneng tariurei kang kry pi bo. Huna tanrei kang sa pi teu i py nang my kai i nga ai nai vang tlen horei palai vui asai rai. 42Ngaaichi i Tameuh, Abraham hawi Isaka i Tameuh my kai ai awm hai y lawh baly, nang ly kai ai beng tlairei pato ai nai angchi khyp teu bo. Na i py Tameuh my kai i kalop kaseaung sa naichi, patang naichi ang niu pi nai deaungkho y, jangdyh vum y nang ai Tameuh my ang parip nai na a,” napi.
Jakob hawi Labana nini sala y ka-dyh ka-dawi sa nai
43Labana my Jakob teng y, “Hini neampachy ni ly kai i chaniu ne i, nichi i chanauchi py kai i cho chanauchi ne; tawnbawi kanghuchi py kai i ne. Nang i niu nai yhmtheaung katuichi ly kai i ne. Na i py kaimy i chaniuchi hawi, nichi i cho chanauchi ai kai ly kry ai nai avo y leang bo. 44Kai ly nang hawi ka-dyh ka-dawi sa ai nai ka-dawn awm. Ani leu ka-dyh sa nai sai pany jo ai nai ka-ma-ra lengseaung pakheng hawi sina,” napi.
45Naibaly Jakob ly lengseaung harei la i, pany jo ai nai leaungcheng leng bo. 46Mymy i khumichi ai lengseaungchi la hai achu iy tleangleang ai nai leu pei. Naibaly nichi ly lengseaung tleangleang nai ahawi y cha nei u. 47Labana ly huni leungcheng ai Jekar Sahadutha,#31.47 Jekar Sahadutha: Aramai leu y “pany jo ai nai lengseaung pakheng achu nai” nanai sai ne. nanai amyn pathi i, Jakob my ly Kaleed, #31.47 Jakob my ly Kaleed: Hebrai leu y “pany jo ai nai lengseaung pakheng achu nai” nanai sai ne. na nai amyn pathi bo. 48Labana my Jakob teng y, “Hini lengseaung pakheng achu nai ly ani leaung nyhrei pany jo ai nai ka-ma-ra ne,” napi. Huna nai y hini meingtym ai Kaleed, nanai amyn pathi nai ne. 49Labana my thui bi nai ly “Ani amprei teu i py Areng my ani ai kry jojo na sy,” napi. Hunai deaungkho y huni meingtym ai ly Mizapa,#31.49 Mizapa: Hebrai leu y “khen patawm jo nai meingtym” nanai sai ne. nanai amyn pei bo. 50Labana my, “Kai i chanauchi ai ana patang hai nai py ne sy, aju kangtha la hai nai py ne sy, kai ly huni satang pany y teu i py, Tameuh my ani ai ang khen patawm jojo, nanai pany ba. 51Ani sala y lengseaung pakheng achu nai ly pany jo ai nai ka-ma-ra lengseaung ne. 52Kai ly hini lengseaung leng nai hawi lengseaung pakheng achu nai katlen vui iy nang ai tiu ai ny y, nanai py, nang py hini lengseaung leng nai hawi lengseaung pakheng achu nai katlen vui iy kai ai tiu ai ny y, nanai py, hini lengseaung leng nai hawi lengseaung pakheng achu nai ly pany jo ai nai ka-ma-ra ne sy. 53Abraham i Tameuh hawi Nahora i Tameuh ly ani sala ly tara chih pi na sy,” nanai vaineng abeu bo. Hunaibaly Jakob py ampo Isaka i Tameuh i amyn y vaineng abeu teang. 54Mymy ly tawnbawi harei tleh iy mawi salo y apathyp nai talam, naibaly mymy i khumichi ai cha ai nai palau. Cha pajau bo nabaly mawi salo y dymrei jei u. 55Khawn angthodyh Labana my katuchi hawi, chanauchi ai pachawm iy, amtheaung hai chum baly yhm mang y vawi ali teang bo.
Valgt i Øjeblikket:
ATITI AWM ANGCHEI NAI 31: KCL02
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khumi Common Language Bible © Bible Society of Myanmar, 2005.
ATITI AWM ANGCHEI NAI 31
31
Labana teng i dengdairei Jakob preang nai
1Labana i chapochi my, “Jakob ly ngaai i yhmtheaung la krai bo; ni ly ngaai i yhmtheaungchi hawi nang chawn veng bo,” nanai thui nai ly Jakob thai nai ne. 2Jakob ly Labana my jangni i kamta hawi hai y nai sai niu bo. 3Huna nai y Areng my, “Nangmy i amjo manauchi hawi ngampo i awm nai pri mang y vawi ali teang; kai ly nang hawi vanrei kang awm hai ai mang,” napi.
4Naibaly Jakob ly Rakeli hawi Leah nini ai mymy i tawnbawi kanghu awm nai meingtym y palau. 5Mymy ly nini teng y, “Ngampo ly jangni i kamta kai ai khrei y nai sai kapany bo; na i py ngaai i Tameuh my kai ai ang awm hai nai ne. 6Kai ly ngampo i vui ham parai naimy kalop sa pi naichi py nangni niu py niu, pany py pany hawi bo. 7Na i py ni ly kai ai tapawp nai hawi kai i vang nga nai py tlen horei ang katheung pi veng nai ne. Na i py kai i tlang tleaung y hawi y sa ai nai Tameuh my ni ai paka nai ne. 8Ngampo my thui nai khala ly apreaungprang nai mi-ichi ly nang i vui ne sy, napi baly mi-ichi ly apreaungprang nai chochi tapen; ni my asawsa nai mi-ichi ly nang i vui ne sy, napi baly mi-ichi ly asawsa nai chochi tapen nai ne. 9Tameuh my ngampo i tawnbawi kanghuchi la pi veng iy kai ai ang pei nai bo.
10Tawnbawichi tapen ai nai neng tym nai khala, kai i amang mang y po achiu nai mi-i kataichi ly apreaungprang naichi, ariura naichi, asawsa naichi abawi nai kaniu nai ne. 11Amang mang y Tameuh i kani pri amtaw thau nai my, ‘Jakob awi!’ nanai ang palau; kaimy, ‘Areng, kai hi y awm,’ kanapi. 12Kani pri amtaw thau my, ‘Khen cham,’ Labana my nang ai sa nai saichi kang niu pi nai deaungkho y tawnbawi nuchi ly ariura naichi apreaungprang naichi hawi asawsa naichi tapen ai nai kang sa pi nai ne. 13Kai ly Bethela meingtym y nangmy lengseaung leng nai hawi olive asitui lei iy, paleung aau naimy kai teng y vaineng abeu nai khala, nang i paleung mei y niu nai Tameuh ne. Vai nang angveirym iy, nang my ai tapen nai pri mang y vawi ali teang jau ang napi,” napi.#AA 28.18–22
14Rakeli hawi Leah nini my Jakob teng y, “Kaini ly ngaai teng i yhmtheaung amtym ai nai lam by y leang bo. 15Ngaai ly kaichi ai cheng takhra kamta ang khai veng bo. Mymy ly kaini ai jo nai vang tangkachi py pasum be bo. 16Achi i cho chanauchi i vui hawi, achi i vui yhmtheaung ly Tameuh my ngaai teng i nai la pi nai bo. Hunai deaungkho y Tameuh my ang thui pi nai kamta nang ly so ba,” napi.
17-18Naibaly Jakob ly Kanan pri ampo teng y vawi teang ai nai angveirym bo. Ajuni hawi chanauchi ai ly kula-iuchi salo y atang hai iy mo mang y ly mymy i tawnbawi kanghuchi tako hai iy, mymy i Mesopotamia pri y awm nai thym kha y nga nai yhmtheaung katuichi py syn bawi nai ne. 19Labana ly mymy i beramchi ai mui vau ai nai chei vui nai sala y Rakeli ly ampo i tameuh mynchi paviu pi veng nai ne. 20Jakob ly mymy tako ai nai Labana teng y thui pi y naimy kangviu y tako vui bo. 21Mymy i nga nai yhmtheaung katuichi syn iy theu kaliki bo. Mymy ly Euphrat tavo angpeang iy Kilead mawi kataw mang y tako nai ne.
Labana my Jakob ai hui nai
22Kani thomrei kani y Labana ly Jakob preang veng, nanai pany bo. 23Huna nai khala ni ly mymy i khumichi ai palau iy Jakob ai kani saryhrei hui i, Kilead mawi y kai. 24Huni vum y Tameuh my Labana teng y, “Jakob ai khrukhra naira tym hai moh, amkyn ba,” napi. 25Jakob ly mawi salo y meingtym sa i jei, Labana ly Kilead mawi salo y amjo amnauchi hawi vanrei meingtym sa i jei teang nai ne.
26Labana ly Jakob teng y, “Nang ly ati mana nai kai ai tapawp iy tavai keung i langheng hawi nai kamta kai i chaniuchi ai hawi pawn lawh mo?” 27Ati mana nai kai ai tapawp iy kai teng y thui pi y naimy kangviu y preang vui lawh mo? Kai teng y thui pi i khyly taro, atym, sa-ra beu naimy amo theu nai khulym thui iy kang pavum ai chybo. 28Nang ly kai i katuchi hawi chaniu ni ai pachawm iy leu kahawi pavum ai nai pei y, nang i sa nai ly pipi teng y! 29Kai my nang ai ana patang hai pajau; na i py jangdyh vum y ngampo i Tameuh my lam y Jakob ai khrukhra hai moh, ang napi. 30Nang ly ngampo i yhm y tym ai ngai nai awn ala nai bo, nanai kang pany pi mang; na i py nang ly ati mana nai kai i tameuh mynchi paviu vui lawh moh,” napi.
31Huna nai khala Jakob my, “Nangmy chaniuchi ai lo vui na, nanai mawn nai deaungkho y preang nai ne. 32Na i py hi i awm nai khumichi teng y nang i tameuh mynchi ai paviu nai nang niu lawh baly, ni ai ly padei ai nai tla. Kai i khumichi theung y nang i vawnsaichi hau ly niu lawh baly lo teang,” napi. Jakob ly Labana i tameuh mynchi ai Rakeli my paviu pi vui nai ly pany y.
33Labana ly Jakob i kanih yhm theung y kun iy hau bo; huni bo y Leah i kanih yhm theung y hau, huni bo y miseaung nu leaung nyhrei i kanih yhm theung y hau; na i py mymy ly tameuh mynchi ai niu y i, Rakeli i kanih yhm theung y kun iy hau nai ne. 34Rakeli ly tameuh mynchi la iy Kula-iu salo atang nai atehra anui y khai iy mymy ateh hai cheng bo. Labana ly kanih yhm verei y hau teu i py niu pajau y nai ne. 35Rakeli my ampo teng y, “Kai ai kado theu hai mo kyh jemjem ba; kai ly nang i mo y angdo ai nai avo y, kaimychi neampachy i tlangchai tym nai ne,” napi. Labana ly mymy i tameuh mynchi ai hawihai hau teu i py niu pajau y bo.
36Huna nai khala Jakob ly kado theu i, “Kai ly ati kamngo sa nai awm mo?” Ati sa katamang nai y, kai ai hui aphrawphri na mo? 37Kai i vawn bawibawichi py patheaung iy hau be bo; nangmy i vawn hau nai ly niu a? Niu lawh baly nang i khumichi hawi kai i khumichi i mo y khai ly nichimy ani i teng nai, teng y nai chih pi sy. 38Kai ly nang hawi vanrei saneng apomrei awm ahawi bo; nang i beramchi hawi mi-ichi peung y ai nai taphra nai py by y; nang i tawnbawi kanghu theung i beram katai tleh iy cha vui nai py awm vai y. 39Kasui takai my beramchi ai kei i py, kaimy i naini jyn kang theng pi. Beram dei nai ly kai i phu y ny y leang, nanai pany hai ai nai, huni veu ai nang teng y kang syn pi vai y leang. Nang i leu pei nai kamta vum y py, kani thun y py tamo na, paviu na, nanai hawihai kang kry pi bo. 40Kani thun y kani bi patang nai, vum y kasavai patang nai, i kamhm patang nai neng neangneang awm. 41Nang hawi vanrei patang ahawi nai saneng apomrei avum bo. Nang i chaniu leaung nyhrei ai pom ai nai kaimy saneng holai palyhrei kalop kang sa pi; nang i tawnbawi kanghuchi ai saneng tariurei kang kry pi bo. Huna tanrei kang sa pi teu i py nang my kai i nga ai nai vang tlen horei palai vui asai rai. 42Ngaaichi i Tameuh, Abraham hawi Isaka i Tameuh my kai ai awm hai y lawh baly, nang ly kai ai beng tlairei pato ai nai angchi khyp teu bo. Na i py Tameuh my kai i kalop kaseaung sa naichi, patang naichi ang niu pi nai deaungkho y, jangdyh vum y nang ai Tameuh my ang parip nai na a,” napi.
Jakob hawi Labana nini sala y ka-dyh ka-dawi sa nai
43Labana my Jakob teng y, “Hini neampachy ni ly kai i chaniu ne i, nichi i chanauchi py kai i cho chanauchi ne; tawnbawi kanghuchi py kai i ne. Nang i niu nai yhmtheaung katuichi ly kai i ne. Na i py kaimy i chaniuchi hawi, nichi i cho chanauchi ai kai ly kry ai nai avo y leang bo. 44Kai ly nang hawi ka-dyh ka-dawi sa ai nai ka-dawn awm. Ani leu ka-dyh sa nai sai pany jo ai nai ka-ma-ra lengseaung pakheng hawi sina,” napi.
45Naibaly Jakob ly lengseaung harei la i, pany jo ai nai leaungcheng leng bo. 46Mymy i khumichi ai lengseaungchi la hai achu iy tleangleang ai nai leu pei. Naibaly nichi ly lengseaung tleangleang nai ahawi y cha nei u. 47Labana ly huni leungcheng ai Jekar Sahadutha,#31.47 Jekar Sahadutha: Aramai leu y “pany jo ai nai lengseaung pakheng achu nai” nanai sai ne. nanai amyn pathi i, Jakob my ly Kaleed, #31.47 Jakob my ly Kaleed: Hebrai leu y “pany jo ai nai lengseaung pakheng achu nai” nanai sai ne. na nai amyn pathi bo. 48Labana my Jakob teng y, “Hini lengseaung pakheng achu nai ly ani leaung nyhrei pany jo ai nai ka-ma-ra ne,” napi. Huna nai y hini meingtym ai Kaleed, nanai amyn pathi nai ne. 49Labana my thui bi nai ly “Ani amprei teu i py Areng my ani ai kry jojo na sy,” napi. Hunai deaungkho y huni meingtym ai ly Mizapa,#31.49 Mizapa: Hebrai leu y “khen patawm jo nai meingtym” nanai sai ne. nanai amyn pei bo. 50Labana my, “Kai i chanauchi ai ana patang hai nai py ne sy, aju kangtha la hai nai py ne sy, kai ly huni satang pany y teu i py, Tameuh my ani ai ang khen patawm jojo, nanai pany ba. 51Ani sala y lengseaung pakheng achu nai ly pany jo ai nai ka-ma-ra lengseaung ne. 52Kai ly hini lengseaung leng nai hawi lengseaung pakheng achu nai katlen vui iy nang ai tiu ai ny y, nanai py, nang py hini lengseaung leng nai hawi lengseaung pakheng achu nai katlen vui iy kai ai tiu ai ny y, nanai py, hini lengseaung leng nai hawi lengseaung pakheng achu nai ly pany jo ai nai ka-ma-ra ne sy. 53Abraham i Tameuh hawi Nahora i Tameuh ly ani sala ly tara chih pi na sy,” nanai vaineng abeu bo. Hunaibaly Jakob py ampo Isaka i Tameuh i amyn y vaineng abeu teang. 54Mymy ly tawnbawi harei tleh iy mawi salo y apathyp nai talam, naibaly mymy i khumichi ai cha ai nai palau. Cha pajau bo nabaly mawi salo y dymrei jei u. 55Khawn angthodyh Labana my katuchi hawi, chanauchi ai pachawm iy, amtheaung hai chum baly yhm mang y vawi ali teang bo.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khumi Common Language Bible © Bible Society of Myanmar, 2005.