ATITI AWM ANGCHEI NAI 34
34
Dinah ai pajang nai
1Kanirei nai khala y, Jakob hawi Leah i chaniu Dinah ly Kanan cheng neampachychi teng y pavai nai ne. 2Huni ka-peang i areng, Hivit khumi Hamor i chapo Sekhem my niu i mymy ai ly patiu rang iy pajang bo. 3Na i py ni ly neampachy ai khrei ryp i, mymy mang y paleung apei thai ai nai parawi. 4Naibaly ly Sekhem ly ampo teng y, “Kai ly Dinah ai aju palawn ai nai ngai i deng pi kyh,” napi.
5Jakob ly mymy i chaniu ai, anglo tahm taphra nai satang thai i py, mymy i chapochi ly tawnbawi kanghuchi ai sui tlaira i vawi u y rai nai deaungkho y, ati sai py katheu y naimy awm bo. 6Sekhem i ampo Hamor ly Jakob hawi arum ai nai chei; 7hunai thym khala y Jakob i chapochi ly huni satang thai i, daichi i nai tym u bo. Jakob i chapochi ly mychi i tuicho ai pajang nai ly Israela cheng verei ai tahm khai y nai ne i, so ngau y nai sa lawh nai deaungkho y, paleung no-ei i khri pa-rei kado theu u bo. 8Hamor my nichi teng y, “Kai i chapo Sekhem ly nang i chaniu ai khrei nai ne i, pahen parai naimy apom hai kyh. 9Nang i khumichi hawi kai i khumichi apom leungtang thai ai nai py, ka-dyh ka-dawi leu sumneang so u sina. 10Naibaly nangchi ly hini pri y kaichi hawi vanrei awm u; nangmychi i ngai nai meingtym y awm u; nangmychi ngai nai kamta ka-sum ka-pai so u; yhmtheaung katuichi py amtym u,” napi.
11Naibaly Sekhem my Dinah i ampo hawi amprochi teng y, “Kai i katamanglai pahen u kyh, nangchi i hnei nai ryrei kang pei ai mang; 12Nangchi ati langseaungchi ngai mo, kai teng y thui u; anglo vang py nangchi ngai nai ryrei thui teu; anglo ai kai teng y deaung paseng baly, nangchi i hnei nai ryrei kang pei khyp ai mang,” napi.
13Jakob i chapochi ly Sekhem my nichi i tuicho Dinah ai taphra nai hawi kangji khai nai deaungkho y Sekhem hawi ampo Hamor ai tapawp hyp iy pathang u bo. 14Nichi my, “Kaichi ly lengkhym takip y nai khumi teng y kaichi i tuicho ai deaung paseng ngau y leang; deaung paseng lawh baly kaichi tahm anem ai. 15Neampacho bawibawichi ly kaichi kamta lengkhym takip u ai nabaly nangchi teng y kaichi ngai hai mang; 16Naibaly ala leungtang ai nai py, kaichi ngai mang. Nangchi theung y awm iy cheng harei lawm ai nai hawi bomrei lawm ai nai ngai mang. 17Na i py nangchi my kaichi i hnei nai akhi iy lengkhym takip ai nai ngai u y lawh baly, kaichi ly kaimychi i tuicho ai la teang ai i, nangchi teng i nai katheu u ai,” napi.
18Huni reita hareichy patawm ai nai molam y ly Hamor hawi chapo Sekhem ly ngai hawi nai ne; 19Sekhem ly mymychi cheng theung y tahm awm nai ne. Jakob i chaniu ai khrei phi nai deaungkho y nichi i leu ai ly akhi y naimy ngai ryp bo.
20Hamor hawi chapo Sekhem ly mary apai pa-kho leu arum nai meingtym y chei hawi iy mary theung i khumi mipuichi teng y amti pi nai ly 21“Huni khumichi ly khri pa-rei ahawi hawi parai; achi i pri y achi hawi vanrei awm u sy, ka-pai py so u sy. Nichi i chaniuchi ai py pom u sina; nichi teng y achi i chaniuchi ai py deaung paseng u teang sina. 22Na i py nichi i lengkhym takip nai kamta, achi neampacho ngierei ly lengkhym takip baly, cheng harei kamta achi hawi bomrei awm ai nai nichi ly ngai nai ne. 23Nichi ai achi hawi vanrei awm hai ai nai ngai baly, nichi i tawnbawichi hawi yhmtheaung katuichi py achi i ne y a? Hunai deaungkho y nichi ly achi hawi vanrei awm thai ai nai achi ngai u sina,” napi. 24Hamor hawi Sekhem my thui nai leu ly mary verei i khumichi my ngai hai bawibawi, neampacho ngiereichi ly lengkhym takip u bo.
25Naibaly khumichi ly lengkhym takip nai kani thomrei bo baly khri pa-rei no u nai ne. Hunai thym khala Jakob i chapo, Dinah i ampro Levi hawi Simeon ly haisau syn naimy mary theung y tlenrei my kun hawi i, neampacho ngierei ai ly tleh chauchau nai ne. 26Nini ly Hamor hawi chapo Sekhem ai py tleh vui iy, Dinah ai ly Sekhem yhm theung i nai la hawi iy yhm y vawi hai vui bo. 27Huna nai kamta padei pajau nai bo y, Jakob i takhra chapochi py mychi i tuicho ai taphra nai hawi kangji pei nai molam y, mary theung kun u i vawitheung tha u nai ly 28tawnbawi kanghuchi, si kanghuchi, keaungngo kano kasau kanghuchi, mary theung y py, mary angam mang y py awm nai cheaungkhangchi ai lawm pi pawn nai ne. 29Mary theung y awm nai khumichi i vang kateng vawnsai ngiereichi, neampachy deaungdi bawibawichi, yhm ang theung i vawnsai bawibawichi py la pi pawn nai ne.
30Huna nai khala Jakob my, Levi hawi Simeon teng y,” Nangni ly kai ai paleung mawnra tym hai bi bo; vai ly hini pri i Kanan cheng hawi Perizi chengchi ly kai ai niu ngai u y ai bo. Kai teng y khumi maidenreichy awm khyh; nichi ly khumi akachu iy, kai ai ang tiu baly achi dengtheung bawibawi ly dei be ai bo,” napi.
31Na i py nichi my, “Kaichi i tuicho ai bima palawn ai nai kaichi ngai hai y nai ne,” napi.
Valgt i Øjeblikket:
ATITI AWM ANGCHEI NAI 34: KCL02
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khumi Common Language Bible © Bible Society of Myanmar, 2005.
ATITI AWM ANGCHEI NAI 34
34
Dinah ai pajang nai
1Kanirei nai khala y, Jakob hawi Leah i chaniu Dinah ly Kanan cheng neampachychi teng y pavai nai ne. 2Huni ka-peang i areng, Hivit khumi Hamor i chapo Sekhem my niu i mymy ai ly patiu rang iy pajang bo. 3Na i py ni ly neampachy ai khrei ryp i, mymy mang y paleung apei thai ai nai parawi. 4Naibaly ly Sekhem ly ampo teng y, “Kai ly Dinah ai aju palawn ai nai ngai i deng pi kyh,” napi.
5Jakob ly mymy i chaniu ai, anglo tahm taphra nai satang thai i py, mymy i chapochi ly tawnbawi kanghuchi ai sui tlaira i vawi u y rai nai deaungkho y, ati sai py katheu y naimy awm bo. 6Sekhem i ampo Hamor ly Jakob hawi arum ai nai chei; 7hunai thym khala y Jakob i chapochi ly huni satang thai i, daichi i nai tym u bo. Jakob i chapochi ly mychi i tuicho ai pajang nai ly Israela cheng verei ai tahm khai y nai ne i, so ngau y nai sa lawh nai deaungkho y, paleung no-ei i khri pa-rei kado theu u bo. 8Hamor my nichi teng y, “Kai i chapo Sekhem ly nang i chaniu ai khrei nai ne i, pahen parai naimy apom hai kyh. 9Nang i khumichi hawi kai i khumichi apom leungtang thai ai nai py, ka-dyh ka-dawi leu sumneang so u sina. 10Naibaly nangchi ly hini pri y kaichi hawi vanrei awm u; nangmychi i ngai nai meingtym y awm u; nangmychi ngai nai kamta ka-sum ka-pai so u; yhmtheaung katuichi py amtym u,” napi.
11Naibaly Sekhem my Dinah i ampo hawi amprochi teng y, “Kai i katamanglai pahen u kyh, nangchi i hnei nai ryrei kang pei ai mang; 12Nangchi ati langseaungchi ngai mo, kai teng y thui u; anglo vang py nangchi ngai nai ryrei thui teu; anglo ai kai teng y deaung paseng baly, nangchi i hnei nai ryrei kang pei khyp ai mang,” napi.
13Jakob i chapochi ly Sekhem my nichi i tuicho Dinah ai taphra nai hawi kangji khai nai deaungkho y Sekhem hawi ampo Hamor ai tapawp hyp iy pathang u bo. 14Nichi my, “Kaichi ly lengkhym takip y nai khumi teng y kaichi i tuicho ai deaung paseng ngau y leang; deaung paseng lawh baly kaichi tahm anem ai. 15Neampacho bawibawichi ly kaichi kamta lengkhym takip u ai nabaly nangchi teng y kaichi ngai hai mang; 16Naibaly ala leungtang ai nai py, kaichi ngai mang. Nangchi theung y awm iy cheng harei lawm ai nai hawi bomrei lawm ai nai ngai mang. 17Na i py nangchi my kaichi i hnei nai akhi iy lengkhym takip ai nai ngai u y lawh baly, kaichi ly kaimychi i tuicho ai la teang ai i, nangchi teng i nai katheu u ai,” napi.
18Huni reita hareichy patawm ai nai molam y ly Hamor hawi chapo Sekhem ly ngai hawi nai ne; 19Sekhem ly mymychi cheng theung y tahm awm nai ne. Jakob i chaniu ai khrei phi nai deaungkho y nichi i leu ai ly akhi y naimy ngai ryp bo.
20Hamor hawi chapo Sekhem ly mary apai pa-kho leu arum nai meingtym y chei hawi iy mary theung i khumi mipuichi teng y amti pi nai ly 21“Huni khumichi ly khri pa-rei ahawi hawi parai; achi i pri y achi hawi vanrei awm u sy, ka-pai py so u sy. Nichi i chaniuchi ai py pom u sina; nichi teng y achi i chaniuchi ai py deaung paseng u teang sina. 22Na i py nichi i lengkhym takip nai kamta, achi neampacho ngierei ly lengkhym takip baly, cheng harei kamta achi hawi bomrei awm ai nai nichi ly ngai nai ne. 23Nichi ai achi hawi vanrei awm hai ai nai ngai baly, nichi i tawnbawichi hawi yhmtheaung katuichi py achi i ne y a? Hunai deaungkho y nichi ly achi hawi vanrei awm thai ai nai achi ngai u sina,” napi. 24Hamor hawi Sekhem my thui nai leu ly mary verei i khumichi my ngai hai bawibawi, neampacho ngiereichi ly lengkhym takip u bo.
25Naibaly khumichi ly lengkhym takip nai kani thomrei bo baly khri pa-rei no u nai ne. Hunai thym khala Jakob i chapo, Dinah i ampro Levi hawi Simeon ly haisau syn naimy mary theung y tlenrei my kun hawi i, neampacho ngierei ai ly tleh chauchau nai ne. 26Nini ly Hamor hawi chapo Sekhem ai py tleh vui iy, Dinah ai ly Sekhem yhm theung i nai la hawi iy yhm y vawi hai vui bo. 27Huna nai kamta padei pajau nai bo y, Jakob i takhra chapochi py mychi i tuicho ai taphra nai hawi kangji pei nai molam y, mary theung kun u i vawitheung tha u nai ly 28tawnbawi kanghuchi, si kanghuchi, keaungngo kano kasau kanghuchi, mary theung y py, mary angam mang y py awm nai cheaungkhangchi ai lawm pi pawn nai ne. 29Mary theung y awm nai khumichi i vang kateng vawnsai ngiereichi, neampachy deaungdi bawibawichi, yhm ang theung i vawnsai bawibawichi py la pi pawn nai ne.
30Huna nai khala Jakob my, Levi hawi Simeon teng y,” Nangni ly kai ai paleung mawnra tym hai bi bo; vai ly hini pri i Kanan cheng hawi Perizi chengchi ly kai ai niu ngai u y ai bo. Kai teng y khumi maidenreichy awm khyh; nichi ly khumi akachu iy, kai ai ang tiu baly achi dengtheung bawibawi ly dei be ai bo,” napi.
31Na i py nichi my, “Kaichi i tuicho ai bima palawn ai nai kaichi ngai hai y nai ne,” napi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khumi Common Language Bible © Bible Society of Myanmar, 2005.