Bɛ̈n 1
1
Yithriɛl Ayɔŋ ë Rip
1 #
Cäk 46:8-27. Kakë ee rin ke mïth ke Jakop, mïth ɣɔn lɔ Rip në yen ëtök. Ku ŋɛk ë keyiic aa cath ke baaide: 2Ruben kekë Thimion, ku Lebi, ku Juda, 3ku Yithakar, ku Dhebulun, ku Benjamin, 4ku Dan, ku Naptali, ku Gad, ku Acer. 5Ku kuën ë baai de Jakop ëbɛ̈n, aaye thiërdhorou.#1:5: Gäär thɛɛr tök dhorou ku dhïc (tïŋ Luɔi 7:14). Ku Jothep mänhëden aa yök acï kɔn lɔ Rip ɣɔn në kenïïm tueŋ. 6Na ɣɔn aa cïk tɔ̈u ë Rip, ke Jothep ë thou, ku thou wɛ̈ɛ̈takɛcken kedhie, ku thou rɛmden ëbɛ̈n. 7#Luɔi 7:17. Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.
8 #
Luɔi 7:18. Na ɣɔn, ke melik däŋ ë löök bɛ̈n ë bääny yic Rip, melik kuc Jothep. 9Go lɛ̈k kɔcke, an, “Tiëŋkï, kɔc ke Yithriɛl acïk juëc arëët, acïk wook wöör nyïïn. 10#Luɔi 7:19. Ka week, bäk luiku keek kiɛɛr cïï ke bï bɛ tɔ kɛɛr. Na cuku ke lui kiɛɛr, abïk juëc arëët. Na wadäŋ aa de tɔŋ bɔ̈, abïk mat në kɔc ke ater,#1:10: bïk kat tëde wook; ku nɔn bïk wo rum. ku gɔ̈mkï në wook, ku pälkï wut ku jëlkï.” 11Go kɔc ke Rip keek kuɛ̈ny bäny ke lïïm bïk keek miɛn në luɔi tuc thok bïk aa looi. Gokï kɔc ke Yithriɛl tɔ yïk melik pɛ̈ɛ̈nydït kaarou, pɛ̈ɛ̈nydït cɔl Pithom kekë Ramethith, ke bï melik kacaamke aa tɔ̈ɔ̈u thïn. 12Ku ëtɛ̈ɛ̈n, të cïï kɔc ke Yithriɛl miɛn, ayek jɔ kɛɛr arëët, ku jɔkï lɔ ke ke thiëi wut ëbɛ̈n. Go kɔc ke Rip riɔ̈ɔ̈c në keek. 13Ku yek keek tɔ loi luɔɔi tuc thok. 14Ku tɔkï pïïrden rac në luɔɔi tuc thok. Ku yek keek tɔ yïk ɣööt, ku tɔkï ke lui në duumiic. Aake yek tɔ loi luɔɔi tuc thok ke ke cïï piɔ̈ɔ̈th kok në keek.
15Na ɣɔn, ke melik ë jiëëm amadhiëëth ke diëër ke Ɣeberuu, yï Cipera kekë Puwa. 16Lëk keek an, “Të dhiëëth wek në diëër ke Ɣeberuu, ke we ye meth tïŋ. Na ee mɛwä yen ë dhiëëth, ke näkkï. Na ye duet ke pälkï apïïr.” 17Ku amadhiëëth acïk bɛ̈n riɔ̈ɔ̈c në Nhialic, gokï jam de melik kɛ̈n bɛ̈n gam. Acïk mïthwät bɛ̈n aa puɔ̈l apïïr. 18Na ɣɔn, ë kööl tök, ke melik ë cɔl amadhiëëth, ku lop keek an, “Eeŋö ee kë luɔikï yë? Eeŋö päl wek mïthwät ke Ɣeberuu apïïr?” 19Gokï puk nɔm an, “Diäär ke Ɣeberuu acïkï cït diëër ke Rip.” Ayek dap dhiëth ëthiäu, ka yek mïthken guɔ dhiëëth ke cïn raan tök në woyiic cï kɔn ɣet të nu kek thïn. 20Go Nhialic amadhiëëth ŋiëc luööi apiɛth. Go kɔc ke Yithriɛl jɔ kɛɛr, ku jɔkï juëc arëët. 21Ku Nhialic amadhiëëth bɛ̈n gäm bɛ̈i ke nïïmken, në luɔi ë cï kek Nhialic riëëu guöp. 22#Luɔi 7:19. Na ɣɔn, ke lëk ë Melik de Rip kɔcke kedhie an, “Cuatkï mïthwät Kiir kedhie abïï ciën tök, mïthwät thiik ke Ɣeberuu, ku pälkï duet apïïr.”
Valgt i Øjeblikket:
Bɛ̈n 1: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.