Bɛ̈n 15
15
Din ë Mothe
1 #
Nyu 15:3. Na wën, ke Mothe kekë kɔc ke Yithriɛl ë ke piɔny Bɛ̈nydït në ee dinë an,
“Yɛn piɔny Bɛ̈nydït në yöŋ cï Yen dhuëëŋ yök,
në tiëm dïït cï Yen tiam.
Ë jöŋgöör cuat wïïr, në kɔc cath në kekɔ̈ɔ̈th.
2 #
Diɛt 118:14; Yith 12:2. Bɛ̈nydït yen aye riɛldï,
ee yen ë kony ɛn.
Ee yen ee Nhialicdï, ka abä leec.
Ee Nhialic de awuur, ka abä piɔ̈ny dhuëëŋde.
3Bɛ̈nydït aŋic tɔŋ biök.
Rinke acɔl ke Bɛ̈nydït.
4“Ë rem de Rip cuat wïïr, në abëëlkɛn ke tɔŋ,
rem piɛthdɛn ë tɔŋ, acï cuat në Wɛ̈ɛ̈r Thithic.
5Go lil ë wɛ̈ɛ̈r ke mou,
Agokï dïïr cït man ë kuur.
6“Ciin cuënydu Bɛ̈nydït, acath ke riɛl dïït agök,
ee kɔc de wek ater riäär piny.
7Yïn ë kɔc de wek ater tiaam, në dhuëëŋduön dïït de tiëm,
Yïn ë gɔ̈th, go ke nyop cït wal ril.
8Yïn aa tɔ yom put wïïr, go pïïu kenïïm thɔɔc,
agokï röt ciɛi nhial cït päny,
ago lil ë wɛ̈ɛ̈r koth abï lɔ gaŋgaŋ.
9Alueel ë kɔckuɔn ke ater an,
‘Abuk keek kuany cök ku dɔmku keek,
wok bï abätɛ̈ɛ̈ukuɔ wɛ̈ɛ̈th bei,
ku pecku ka cath në keek kedhie.’
10Go ke mou wïïr në wëiduön tök Bɛ̈nydït,
gokï dïïr në pïïuwiic cït wënh thiek.
11“Eeŋa kït ke Yïn Bɛ̈nydït, në yiëthiic ëbɛ̈n?
Eeŋa kït ke yïn në dhuëëŋ de ɣɛɛrë piɔ̈u?
Eeŋa duëër ka dït ke gäi looi cït man ë Yïn?
12Yïn aa yɛɛk ciin cuënydu nhial,
go piny kɔckuɔn ke ater tuiic.
13Yïn ë nhiëërduön agɔk döt apiɛth, go kɔc cï luök kuaath,
ku wat keek në riɛldu, abïk ɣet piny ɣeric.
14Na wën, aa piŋ juöör, ke ke lɛth ë riɔ̈ɔ̈c keek,
ku riɔ̈c kɔc ke Pilithtia kedhie aya.
15Go bäny ke Edom riɔ̈ɔ̈c aläl,
ku lɛthë jööt ke Mowap,
ku pɛ̈l kɔc ke Kanaan röt wei.
16Aake tïŋ riɛldu Bɛ̈nydït,
gokï riɔ̈ɔ̈c arëët,
ku kɛ̈ɛ̈ckï ke ke thany kethäär atëëk ë kɔcku.
Kɔc ɣɔn lunyë bei në lïïmic.
17Ku bä ke bɛ̈n piith në kuur nɔm,
tëduön cï lɔc Bɛ̈nydït an bïï aa ɣöndu.
Tëɣeric ɣɔn yïk në Yïn guöpdu.
18Bɛ̈nydït, Yïn aye melik ë caaŋdu.”
Din ë Mariam
19Kɔc ke Yithriɛl aake tem wɛ̈ɛ̈r ke ke cath të ril. Na wën alɔ kɔc ke Rip wïïr në abëëlken, ku jöŋgöörken, ku kɔc cath në kekɔ̈ɔ̈th, ke Bɛ̈nydït ë tɔ wɛ̈ɛ̈r mat ë yic, gokï mou kedhie.
20Go tiët Mariam, nyankënë Aron lɔ̈ɔ̈rdɛn de kɔ̈u joth nööm, ku nöm diäär lɔ̈rkɛn de kɔ̈ɔ̈th joth kedhie, ku kuanykï Mariam cök ke ke cɔ̈ŋ. 21Go Mariam ke kiët dit, lueel an,
“Piɔnyku Bɛ̈nydït, në baŋ cï yen dhuëëŋ yök,
Në tiëm cï Yen tiam.
Ë jöŋgöör cuat wïïr në kɔc cath në kekɔ̈ɔ̈th.”
Pïïu Kec
22Na wën, ke Mothe ë wɛt kɔc ke Yithriɛl wei në Wɛ̈ɛ̈r Thith yɔu, leer keek ë jɔ̈ɔ̈r ë Curic. Gokï cath në jɔ̈ɔ̈ric në nïn kadiäk ke cïn pïïu yökkï. 23Na wën, ke ke ɣet të cɔl Mara. Ku pïïu ke ëtɛ̈ɛ̈n akeckï, gokï kɛ̈n bɛ̈n dek thïn. Yen kë ë ciëk ëtɛ̈ɛ̈n ka an Mara (an akec).#15:23: Mara: Rinkë në Ɣeberuu ee “kë kec.” 24Na wën, ke kɔc ë dok në Mothe, ku lopkï an, “Eeŋö buk dek?” 25Go Mothe Bɛ̈nydït lɔ̈ŋ në piɔ̈nde ëbɛ̈n, go Bɛ̈nydït e nyuöth tim. Na wën, ke Mothe ë nöm tim ku cuɛt ë pïïuwiic, go pïïu miɛt.
Na wën, ke gëm ë Bɛ̈nydït ke lööŋ ëtɛ̈ɛ̈n, lööŋ ke rëër, ku them keek ëtɛ̈ɛ̈n ayadäŋ. 26Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”
27Na ɣɔn, ke ke jɔ ɣet Elim, të nu awɛɛŋ ke pïïu kadhorou ku akööt kathiërdhorou, gokï piɔ̈ɔ̈t ë pïïu lɔ̈m ëtɛ̈ɛ̈n.
Valgt i Øjeblikket:
Bɛ̈n 15: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.