Bɛ̈n 2
2
Dhiënh ë Mothe
1Ku në aköölkë yiic, raan dhiën ë Lebai ë nyan dhiënden bɛ̈n thiaak, 2#Luɔi 7:20; Ɣeb 11:23. go ye dhiëth mɛwä. Na wën, aacï meth en diir, ke thiɛɛn në pɛ̈i kadiäk. 3Na ɣɔn, aa cïï be lëu ë thiën, ke nöm diöny cï cuëëc ë aguöt, ku boot kɔ̈u në wɛ̈ɛ̈r col nyin cɔl tar, gël en pïïu ë ke cï bï lɔ thïn. Ku tɛ̈ɛ̈c meth thïn, ku jɔt le tääu aguötic ë kiir yɔu. 4Ku lɔ nyankënë ee meth kɔ̈ɔ̈c tëmec ë määth, kɔɔr bï tïŋ kë bï meth yök.
5Ago nyan ë melik bɛ̈n ë wɛ̈ɛ̈r yɔu bï bɛ̈n waak. Na wën aciɛɛth nyan lïmde yecök ë wɛ̈ɛ̈r yɔu, ke tïŋ diöny aguötic. Go nyan lïmde tooc le bɛ̈ɛ̈i bei. 6Na wën, aa liep nyan ë melik diöny nɔm, ke yök aye mɛwä thiinakäŋ yen nu thïn ke kïïu. Go piɔ̈u kok ke yen, ku lueel an, “Kënë abï dhiɛl aa mɛnh töŋ de mïth ke Ɣeberuu.”
7Na wën, ke nyankënë ee meth ë bɔ̈ tëde nyan ë melik, ku lëk en an, “La yï cɔ̈l tiiŋ ë Ɣeberuu tök bï yï bɛ̈n muɔ̈k ee mɛnhë?”
8Go puɔ̈k nɔm en an, “Lɔ cɔl.” Go duet man meth lɔ bɛ̈ɛ̈i guöpde. 9Go nyan ë melik lɛ̈k tik an, “Nöm ee mɛnhë, lɔ muɔ̈kë yɛn ku yïn bä riɔp.” Ago tik meth jɔt le muk. 10#Luɔi 7:21. Na ɣɔn aacï meth dït, ke yïn nyan ë melik. Go nyan ë melik ye tɔ ye wënde ku lueel an, “Abä cäk rin an Mothe në luɔi ë lääu ɛn en bei wïïr.”#2:10: Mothe: Rinkë në Ɣeberuu acït “lääu bei.”
Mothe Akual Rɔt ke Lɔ Midian
11 #
Luɔi 7:23-28. #Ɣeb 11:24. Ɣɔn cïï Mothe dhuöök, ë kɔcken bɛ̈n kɛ̈ny ë kööl tök, le luɔɔidɛn dïït ye kuɛ̈th keek tïŋ. Ago raan ë Rip lɔ yök adui raan ë Ɣeberuu, raanden ë yï Mothe guöpde. 12Na wën, ke Mothe ciɛɛth yenyin, go ciën raan tïŋ. Go raan ë Rip nɔ̈k, ku thiɛɛn ë liɛɛtic. 13Na ɣɔn amiäk, ke be lɔ. Go kɔc ke Ɣeberuu yök apiɔ̈t ë röt kaarou. Go lɛ̈k raan de guöp awäc në keyiic an, “Eeŋö yuɔ̈p ë raandun?”
14Go raan puɔ̈k nɔm Mothe an, “Eeŋa tɔ yï ee bɛ̈ny bä löŋda bɛ̈n guiir? Kɔɔr bä ya bɛ nɔ̈k cït man ë raan ë Rip?” Go Mothe riɔ̈ɔ̈c, ku lueel ë yepiɔ̈u an, “Luɔi cän raan nɔ̈k acï dhiɛl ŋic.” 15-16#Luɔi 7:29; Ɣeb 11:27. Na wën, aa piŋ melik ee kënë, ke kɔɔr bï Mothe nɔ̈k. Go Mothe rɔt kual ke lɔ piny ë Midian le rëër ëtɛ̈ɛ̈n.
Na kööl tök, ke Mothe lɔ nyuc ë yith nɔm. Ku bɛ̈ny de kake Nhialic de piny ë Midian aa de nɔm duet kadhorou. Gokï lɔ ë yith nɔm, lek thak thɛ̈cic pïïu ke thök ke wuönden ë ke bï dek. 17Go tïït kɔ̈k bɛ̈n, ku copkï duet wei ë yith nɔm. Go Mothe rɔt jɔt ku kony keek, ku tɔ thök ke wuönden dëk. 18Na wën, aa pukkï kenïïm wuönden Rewel, ke lop ë wuönden keek an, “Eeŋö dïït cä wek wenïïm dap guɔ lɔ puk aya ee köölë?”
19Agokï lueel an, “Ade raan ë Rip cï wo lɔ kony wën në tïït, ku gëm thök pïïu tɔ ke dëk në yen.”
20Go duɛtke luɔp an, “Ka cï döŋ ë nou? Eeŋö nyääŋ wek raan piny? Lak calkï bï bɛ̈n cam ke wook.”
21Go Mothe gam nɔn bï yen rëër ke yen. Go Mothe gäm Dhipoora nyande, thiɛɛk. 22Go Dhipoora mɛwä dhiëëth, go Mothe cäk an Gercom lueel an, “Yɛn ee kaman ee pinyë.”#2:22: Gercom: Rinkë acïtkï “alei” në Ɣeberuu.
23Ku në ee runkë yiic, melik ë Rip ë bɛ̈n thou, ku ŋoot kɔc ke Yithriɛl ke ke dhiau piɔ̈ɔ̈th në ciɛɛŋ cieŋ ë keek, ku yek kuɔɔny dhiëëu. Go Nhialic dhiënden piŋ. 24#Cäk 15:13,14. Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop. 25Go Nhialic ciɛɛŋ cieŋ ë kɔc ke Yithriɛl tïŋ, ku tïŋ Nhialic täuden.#2:25: aa diɛɛr në këden; ku në Gäär thɛɛr tökic acï rɔt nyuöth keek.
Valgt i Øjeblikket:
Bɛ̈n 2: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.
Bɛ̈n 2
2
Dhiënh ë Mothe
1Ku në aköölkë yiic, raan dhiën ë Lebai ë nyan dhiënden bɛ̈n thiaak, 2#Luɔi 7:20; Ɣeb 11:23. go ye dhiëth mɛwä. Na wën, aacï meth en diir, ke thiɛɛn në pɛ̈i kadiäk. 3Na ɣɔn, aa cïï be lëu ë thiën, ke nöm diöny cï cuëëc ë aguöt, ku boot kɔ̈u në wɛ̈ɛ̈r col nyin cɔl tar, gël en pïïu ë ke cï bï lɔ thïn. Ku tɛ̈ɛ̈c meth thïn, ku jɔt le tääu aguötic ë kiir yɔu. 4Ku lɔ nyankënë ee meth kɔ̈ɔ̈c tëmec ë määth, kɔɔr bï tïŋ kë bï meth yök.
5Ago nyan ë melik bɛ̈n ë wɛ̈ɛ̈r yɔu bï bɛ̈n waak. Na wën aciɛɛth nyan lïmde yecök ë wɛ̈ɛ̈r yɔu, ke tïŋ diöny aguötic. Go nyan lïmde tooc le bɛ̈ɛ̈i bei. 6Na wën, aa liep nyan ë melik diöny nɔm, ke yök aye mɛwä thiinakäŋ yen nu thïn ke kïïu. Go piɔ̈u kok ke yen, ku lueel an, “Kënë abï dhiɛl aa mɛnh töŋ de mïth ke Ɣeberuu.”
7Na wën, ke nyankënë ee meth ë bɔ̈ tëde nyan ë melik, ku lëk en an, “La yï cɔ̈l tiiŋ ë Ɣeberuu tök bï yï bɛ̈n muɔ̈k ee mɛnhë?”
8Go puɔ̈k nɔm en an, “Lɔ cɔl.” Go duet man meth lɔ bɛ̈ɛ̈i guöpde. 9Go nyan ë melik lɛ̈k tik an, “Nöm ee mɛnhë, lɔ muɔ̈kë yɛn ku yïn bä riɔp.” Ago tik meth jɔt le muk. 10#Luɔi 7:21. Na ɣɔn aacï meth dït, ke yïn nyan ë melik. Go nyan ë melik ye tɔ ye wënde ku lueel an, “Abä cäk rin an Mothe në luɔi ë lääu ɛn en bei wïïr.”#2:10: Mothe: Rinkë në Ɣeberuu acït “lääu bei.”
Mothe Akual Rɔt ke Lɔ Midian
11 #
Luɔi 7:23-28. #Ɣeb 11:24. Ɣɔn cïï Mothe dhuöök, ë kɔcken bɛ̈n kɛ̈ny ë kööl tök, le luɔɔidɛn dïït ye kuɛ̈th keek tïŋ. Ago raan ë Rip lɔ yök adui raan ë Ɣeberuu, raanden ë yï Mothe guöpde. 12Na wën, ke Mothe ciɛɛth yenyin, go ciën raan tïŋ. Go raan ë Rip nɔ̈k, ku thiɛɛn ë liɛɛtic. 13Na ɣɔn amiäk, ke be lɔ. Go kɔc ke Ɣeberuu yök apiɔ̈t ë röt kaarou. Go lɛ̈k raan de guöp awäc në keyiic an, “Eeŋö yuɔ̈p ë raandun?”
14Go raan puɔ̈k nɔm Mothe an, “Eeŋa tɔ yï ee bɛ̈ny bä löŋda bɛ̈n guiir? Kɔɔr bä ya bɛ nɔ̈k cït man ë raan ë Rip?” Go Mothe riɔ̈ɔ̈c, ku lueel ë yepiɔ̈u an, “Luɔi cän raan nɔ̈k acï dhiɛl ŋic.” 15-16#Luɔi 7:29; Ɣeb 11:27. Na wën, aa piŋ melik ee kënë, ke kɔɔr bï Mothe nɔ̈k. Go Mothe rɔt kual ke lɔ piny ë Midian le rëër ëtɛ̈ɛ̈n.
Na kööl tök, ke Mothe lɔ nyuc ë yith nɔm. Ku bɛ̈ny de kake Nhialic de piny ë Midian aa de nɔm duet kadhorou. Gokï lɔ ë yith nɔm, lek thak thɛ̈cic pïïu ke thök ke wuönden ë ke bï dek. 17Go tïït kɔ̈k bɛ̈n, ku copkï duet wei ë yith nɔm. Go Mothe rɔt jɔt ku kony keek, ku tɔ thök ke wuönden dëk. 18Na wën, aa pukkï kenïïm wuönden Rewel, ke lop ë wuönden keek an, “Eeŋö dïït cä wek wenïïm dap guɔ lɔ puk aya ee köölë?”
19Agokï lueel an, “Ade raan ë Rip cï wo lɔ kony wën në tïït, ku gëm thök pïïu tɔ ke dëk në yen.”
20Go duɛtke luɔp an, “Ka cï döŋ ë nou? Eeŋö nyääŋ wek raan piny? Lak calkï bï bɛ̈n cam ke wook.”
21Go Mothe gam nɔn bï yen rëër ke yen. Go Mothe gäm Dhipoora nyande, thiɛɛk. 22Go Dhipoora mɛwä dhiëëth, go Mothe cäk an Gercom lueel an, “Yɛn ee kaman ee pinyë.”#2:22: Gercom: Rinkë acïtkï “alei” në Ɣeberuu.
23Ku në ee runkë yiic, melik ë Rip ë bɛ̈n thou, ku ŋoot kɔc ke Yithriɛl ke ke dhiau piɔ̈ɔ̈th në ciɛɛŋ cieŋ ë keek, ku yek kuɔɔny dhiëëu. Go Nhialic dhiënden piŋ. 24#Cäk 15:13,14. Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop. 25Go Nhialic ciɛɛŋ cieŋ ë kɔc ke Yithriɛl tïŋ, ku tïŋ Nhialic täuden.#2:25: aa diɛɛr në këden; ku në Gäär thɛɛr tökic acï rɔt nyuöth keek.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.