Cäk 44
44
Abïny cï Määr
1Na wën, ke Jothep ë yöök lïmdɛn nu në kake baaide nïïm an, “Thiäŋ cual ke ee kɔckë në agamɔ. Gämë keek alɔ kë bïk lëu në ɣɔ̈ɔ̈c. Ku tääuwë wëu ke ŋɛk në cuaalde thok. 2Ku tääuwë abïnydiën ateek në cuaal ë wën koor ë keyiic thok. Ku tääuwë wëuke në cuaalde yic ayadäŋ, wëu wën abï yen ke bɛ̈n ɣööc në agamɔ.” Go lïm këriëëc cïï Jothep lɛ̈k en looi ëbɛ̈n cït man cï yen e lueel. 3Na ɣɔn amiäk aduduur, ke mïthëkɔcken ë Jothep ë ke jël ke ke lɔ Kanaan në mulken. 4Na wën, aŋootkï ke ke kën guɔ ɣet tëmec arëët, ke Jothep ë löök lïmde tooc. Lëk en an, “Kɔt, gïth ë kɔckë cök. Na cï ke gïth, ke luɔpë keek an, ‘Eeŋö cuɔɔl wek këpiɛth nɔm në kërac? Eeŋö kual wek abïny de ateek de bɛ̈nydï? 5Ku ee yen aa yen dek thïn. Ku ee yen ade yic riɛl dïït ee bɛ̈n nhial. #44:5: Gäär thɛɛr tök Eeŋö kual wek abïny de ateek de bɛ̈nydï?; Ɣeberuu acïnic ee wëlkë. Wek ë gökdïït ë kërac looi arëët.’ ”
6Na wën, aa gïth ë lïm keek, ke lëk keek ee jamë. 7Gokï puɔ̈k nɔm en an, “Eeŋö tɔ yï jam ë tatat aya bɛ̈ny? Ku wok ë kuëëŋ nɔn cïï wok ka lɔ thiäu cït ee kakë bï ya looi. 8Ku aŋic yïn nɔn cï wok wëu lɔ kɔn puk nïïm piny ë Kanaan, wëu wään cuk lɔ yök në cualkuɔ yiic. Ka ateŋ ë bɛ̈nydu duëërku bɛ kual adï ɣönde, ku nɔn yen adhämde? 9Piŋ bɛ̈ny, na de raan le yïn en yök tëde en, ke näk. Ku tɔ kɔc kɔ̈kë ee lïïmku.”
10Go lïm ë Jothep lɛ̈k keek an, “Këdun acä gam, ku raan lan abïny yök tëde en yetök, yen abï ya lïmdï. Yɛn cïn këdï yic thïn wokë kɔc kɔ̈kë. Abïk jäl në nɔm lääu.” 11Agokï mulken guɔ käp kɔ̈ɔ̈th piny aruööth. Ku ye ŋɛk cuaalde dap dɔ̈k thok. 12Ku jɔ lïm ë Jothep cual kɔɔriic apiɛth, gɔl në cuaal ë wën dït në keyiic ale kɔ̈ɔ̈c në cuaal ë wën thiinë. Na wën, ke lɔ abïny yök në cuaal ë Benjaminic. 13Ago mïthëkɔcken piɔ̈ɔ̈th diu arëët, ku retkï lupɔɔkeniic.
14Na wën, alɔ Juda ɣön ë Jothep, kekë mïthëkɔcken, ke ke yök Jothep aŋoot baaide. Gokï röt cuat piny në yenɔm. 15Go Jothep lɛ̈k keek an, “Eeŋö ë kë cäk looi yë? Yak tak, raan cït ɛn cïï week duëër ŋic në riɛl dïït ee bɛ̈n nhial?”
16Ago Juda puɔ̈k nɔm en an, “Acïn këdan buk lɛ̈k yïn bɛ̈ny. Eeŋö buk lueel në yïn? Ee käŋö duëër wok röt kony? Nhialic awänyda nyuɔɔth. Wok bï jɔ aa lïïmku wodhie, acï bï bɛ aa raan ë yök abïny tëde yen yetök.”
17Ago Jothep lɛ̈k en an, “Ei, acie yeka! Yɛn cïï kë cït ee kënë duëër kɔn looi ë caaŋdï! Raan ë jɔt abïny yetök yen abï ya lïmdï. Ku kɔc kɔ̈kë abïk kenïïm puɔ̈k wuönden ke cïn kërɛɛc yök keek.”
Juda Alɛ̈ŋ Benjamin Bei
18Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde. 19Yïn acï wo luɔp wään bɛ̈ny an, ‘Wuöördun nu? Ku dɛkï nïïm mänhëduön däŋ?’ 20Goku puɔ̈k nɔm yïn an, ‘Wääda anu ku ë dhiɔp, ku wo de nïïm mänhëdan koor. Wën ë dhiëëth wääda ɣɔn cï yen dhiɔp. Ku mänhë ee mɛnhë ë thou. Ka ee yen acï döŋ yetök ke pïïr në man nɔm. Ku anhiɛɛr ë wun en guöp arëët.’ 21Go lɛ̈k wook, bɛ̈ny an yïnku yïn bä bɛ̈n tïŋ. 22Agoku puɔ̈k nɔm yïn an, ‘Meth acïï wun bï nyääŋ piny. Na nyiëëŋ wun piny, wun aduëër thou.’ 23Go lueel an, ‘Duökï kɔn bɛ̈n të nu yɛn të kɛ̈n wek mänhëduön thiinë bɛ̈ɛ̈i.’
24“Na wään, aa lokku wut, ke wo guïïr wääda jamdu. 25Go wo yɔ̈ɔ̈k luɔi puk wok wonïïm, buk bɛ̈n ɣööc në kacaam. 26Agoku puɔ̈k nɔm en an, ‘Wok cï bï lɔ, acï bɛ̈ny ë Rip lueel wään an cuku wonïïm thëm en të cïï mänhëdan thiinë cath ke wook. Wok duëër lɔ të ciɛth en ke wook ëtök.’ 27Ago wääda lɛ̈k wook an, ‘Aŋiɛckï nɔn ë cï Racel tiiŋdï, ya dhiëth mïthwät kaarou tei. 28Ku tök në keyiic ka wään cï ya nyääŋ pinyë. Ku aŋiɛc luɔi cï län roor ë thim e thïïm në luɔi kɛ̈n ɛn en bɛ tïŋ ë cieŋ ë jël en. 29Ku na jakï ee töŋë bɛ jɔt, ku de kërɛɛc lɔ ye yök. Wek bï ya tɔ lɔ paan ë thuɔɔu ë dhiën ë piɔ̈u, yɛn ë dhiɔp.’
30“Ku ënɔɔnë, na ja rɔt puɔ̈k wää, lïmdu ke meth ë liu. Ku ee pïïr ë meth yen amuk en wëi. 31Të le yen meth tïŋ ke cïï cath ke wook, abï thou. Yen ë dhiɔp, ka dhiën ë piɔ̈u luiku yen aduëër en lɛɛr paan ë thuɔɔu. 32Ku eeŋö däŋ duɛ̈ɛ̈r bɛ looi, ku yɛn ë rɔ gäm wää në biäk ë meth. Acä lɛ̈k en an, na kɛ̈n meth lɔ bɛ̈ɛ̈i ciëën, ke gääk abï tɔ̈u ke yɛn në pïïrdï yic ëbɛ̈n. 33Ku ënɔɔnë bɛ̈ny, yɛn bï lɔ̈ɔ̈k döŋ në nyin ë methic eenë ke ya ye lïmdu. Ku tɔ meth puk enɔm ke mïthëkɔcken. 34Duɛ̈ɛ̈r rɔ puɔ̈k wää adï të cïn meth? Acä duëër lëu bä kërɛɛc dïït cït ë kënë tïŋ alui rɔt wää ke ya nu.”
Valgt i Øjeblikket:
Cäk 44: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.
Cäk 44
44
Abïny cï Määr
1Na wën, ke Jothep ë yöök lïmdɛn nu në kake baaide nïïm an, “Thiäŋ cual ke ee kɔckë në agamɔ. Gämë keek alɔ kë bïk lëu në ɣɔ̈ɔ̈c. Ku tääuwë wëu ke ŋɛk në cuaalde thok. 2Ku tääuwë abïnydiën ateek në cuaal ë wën koor ë keyiic thok. Ku tääuwë wëuke në cuaalde yic ayadäŋ, wëu wën abï yen ke bɛ̈n ɣööc në agamɔ.” Go lïm këriëëc cïï Jothep lɛ̈k en looi ëbɛ̈n cït man cï yen e lueel. 3Na ɣɔn amiäk aduduur, ke mïthëkɔcken ë Jothep ë ke jël ke ke lɔ Kanaan në mulken. 4Na wën, aŋootkï ke ke kën guɔ ɣet tëmec arëët, ke Jothep ë löök lïmde tooc. Lëk en an, “Kɔt, gïth ë kɔckë cök. Na cï ke gïth, ke luɔpë keek an, ‘Eeŋö cuɔɔl wek këpiɛth nɔm në kërac? Eeŋö kual wek abïny de ateek de bɛ̈nydï? 5Ku ee yen aa yen dek thïn. Ku ee yen ade yic riɛl dïït ee bɛ̈n nhial. #44:5: Gäär thɛɛr tök Eeŋö kual wek abïny de ateek de bɛ̈nydï?; Ɣeberuu acïnic ee wëlkë. Wek ë gökdïït ë kërac looi arëët.’ ”
6Na wën, aa gïth ë lïm keek, ke lëk keek ee jamë. 7Gokï puɔ̈k nɔm en an, “Eeŋö tɔ yï jam ë tatat aya bɛ̈ny? Ku wok ë kuëëŋ nɔn cïï wok ka lɔ thiäu cït ee kakë bï ya looi. 8Ku aŋic yïn nɔn cï wok wëu lɔ kɔn puk nïïm piny ë Kanaan, wëu wään cuk lɔ yök në cualkuɔ yiic. Ka ateŋ ë bɛ̈nydu duëërku bɛ kual adï ɣönde, ku nɔn yen adhämde? 9Piŋ bɛ̈ny, na de raan le yïn en yök tëde en, ke näk. Ku tɔ kɔc kɔ̈kë ee lïïmku.”
10Go lïm ë Jothep lɛ̈k keek an, “Këdun acä gam, ku raan lan abïny yök tëde en yetök, yen abï ya lïmdï. Yɛn cïn këdï yic thïn wokë kɔc kɔ̈kë. Abïk jäl në nɔm lääu.” 11Agokï mulken guɔ käp kɔ̈ɔ̈th piny aruööth. Ku ye ŋɛk cuaalde dap dɔ̈k thok. 12Ku jɔ lïm ë Jothep cual kɔɔriic apiɛth, gɔl në cuaal ë wën dït në keyiic ale kɔ̈ɔ̈c në cuaal ë wën thiinë. Na wën, ke lɔ abïny yök në cuaal ë Benjaminic. 13Ago mïthëkɔcken piɔ̈ɔ̈th diu arëët, ku retkï lupɔɔkeniic.
14Na wën, alɔ Juda ɣön ë Jothep, kekë mïthëkɔcken, ke ke yök Jothep aŋoot baaide. Gokï röt cuat piny në yenɔm. 15Go Jothep lɛ̈k keek an, “Eeŋö ë kë cäk looi yë? Yak tak, raan cït ɛn cïï week duëër ŋic në riɛl dïït ee bɛ̈n nhial?”
16Ago Juda puɔ̈k nɔm en an, “Acïn këdan buk lɛ̈k yïn bɛ̈ny. Eeŋö buk lueel në yïn? Ee käŋö duëër wok röt kony? Nhialic awänyda nyuɔɔth. Wok bï jɔ aa lïïmku wodhie, acï bï bɛ aa raan ë yök abïny tëde yen yetök.”
17Ago Jothep lɛ̈k en an, “Ei, acie yeka! Yɛn cïï kë cït ee kënë duëër kɔn looi ë caaŋdï! Raan ë jɔt abïny yetök yen abï ya lïmdï. Ku kɔc kɔ̈kë abïk kenïïm puɔ̈k wuönden ke cïn kërɛɛc yök keek.”
Juda Alɛ̈ŋ Benjamin Bei
18Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde. 19Yïn acï wo luɔp wään bɛ̈ny an, ‘Wuöördun nu? Ku dɛkï nïïm mänhëduön däŋ?’ 20Goku puɔ̈k nɔm yïn an, ‘Wääda anu ku ë dhiɔp, ku wo de nïïm mänhëdan koor. Wën ë dhiëëth wääda ɣɔn cï yen dhiɔp. Ku mänhë ee mɛnhë ë thou. Ka ee yen acï döŋ yetök ke pïïr në man nɔm. Ku anhiɛɛr ë wun en guöp arëët.’ 21Go lɛ̈k wook, bɛ̈ny an yïnku yïn bä bɛ̈n tïŋ. 22Agoku puɔ̈k nɔm yïn an, ‘Meth acïï wun bï nyääŋ piny. Na nyiëëŋ wun piny, wun aduëër thou.’ 23Go lueel an, ‘Duökï kɔn bɛ̈n të nu yɛn të kɛ̈n wek mänhëduön thiinë bɛ̈ɛ̈i.’
24“Na wään, aa lokku wut, ke wo guïïr wääda jamdu. 25Go wo yɔ̈ɔ̈k luɔi puk wok wonïïm, buk bɛ̈n ɣööc në kacaam. 26Agoku puɔ̈k nɔm en an, ‘Wok cï bï lɔ, acï bɛ̈ny ë Rip lueel wään an cuku wonïïm thëm en të cïï mänhëdan thiinë cath ke wook. Wok duëër lɔ të ciɛth en ke wook ëtök.’ 27Ago wääda lɛ̈k wook an, ‘Aŋiɛckï nɔn ë cï Racel tiiŋdï, ya dhiëth mïthwät kaarou tei. 28Ku tök në keyiic ka wään cï ya nyääŋ pinyë. Ku aŋiɛc luɔi cï län roor ë thim e thïïm në luɔi kɛ̈n ɛn en bɛ tïŋ ë cieŋ ë jël en. 29Ku na jakï ee töŋë bɛ jɔt, ku de kërɛɛc lɔ ye yök. Wek bï ya tɔ lɔ paan ë thuɔɔu ë dhiën ë piɔ̈u, yɛn ë dhiɔp.’
30“Ku ënɔɔnë, na ja rɔt puɔ̈k wää, lïmdu ke meth ë liu. Ku ee pïïr ë meth yen amuk en wëi. 31Të le yen meth tïŋ ke cïï cath ke wook, abï thou. Yen ë dhiɔp, ka dhiën ë piɔ̈u luiku yen aduëër en lɛɛr paan ë thuɔɔu. 32Ku eeŋö däŋ duɛ̈ɛ̈r bɛ looi, ku yɛn ë rɔ gäm wää në biäk ë meth. Acä lɛ̈k en an, na kɛ̈n meth lɔ bɛ̈ɛ̈i ciëën, ke gääk abï tɔ̈u ke yɛn në pïïrdï yic ëbɛ̈n. 33Ku ënɔɔnë bɛ̈ny, yɛn bï lɔ̈ɔ̈k döŋ në nyin ë methic eenë ke ya ye lïmdu. Ku tɔ meth puk enɔm ke mïthëkɔcken. 34Duɛ̈ɛ̈r rɔ puɔ̈k wää adï të cïn meth? Acä duëër lëu bä kërɛɛc dïït cït ë kënë tïŋ alui rɔt wää ke ya nu.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.