Oyinyima 12
12
Ohomorihi mẹmẹ hị́ Abụramị
1 #
Ụkọ 7.2,3; Ihib 11.8 Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ. 2Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị. 3#Iga 3.8Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.
4Ịzẹyịza dị Abụramị kwẹẹtẹ aa na anka Ẹnẹyịmavara mẹ̀ kà a yọ nị. Di Ịrọọtị saasa a aa na nị. Abụramị vị ịrayị ẹtarẹwụ tụra ẹẹhị (75) dị ọ vavọọ kwẹẹtẹ hụrị Ịharanị. 5Abụramị ộ sị Isarayi ose anị ọnịrị Ịrọọtị ozi ọyịnyara anị ne beri avaba ogu ọnị ọ nyị. Ọ rẹ kụ́ aza ọnị ọ nyị ọ mẹ̀ yà Ịharanị, di e si hu dị ẹ yaa nọ ịnị ẹtẹ Ikanaani nị. Ẹ mẹ̀ na sị ngụ Ikanaani, 6di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị. 7#Ụkọ 7.5; Iga 3.16Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.
8Abụramị ộ kà nọ ịnị ataba ana yà eyi ọnị ọyịị̄ zịị hụrẹ Ị́bẹtẹrị, dị ọ jị ajẹngụ tụ́ ịzọọ nị. Ajẹngụ anị vị ana yà ịnị akakana Ịbẹtẹrị ọnịrị Àyị Ộ navọ Ịbẹtẹrị tụ́ oze ọnị ọyịị̄ zịị ngụ ẹtẹ, di Àyị ọnị yà oze ọnị ọyịị̄ zịị hụrẹ nị. Di o re mẹ aha ịsọvọ tụ́ ịzọọ yị Ẹnẹyịmavara dị aa mẹ̀ aduwa ịzọọ nị. 9Dị Abụramị aa yịị na, pooro, dị ọ na ngụ eyi ụvẹtẹ ịnị ẹtẹ Ịnẹgẹvị nị.
Abụramị ộ nọ Ijipiti.
10Ịnị ụmẹ ọnya ụngwẹ ô nyima aa kụ̀ ịnị ẹtẹ Ikanaani. Ụngwẹ ọnọọ vị ana aa kụ̀ ẹtẹẹtẹrẹ, agụvị avọọ di Abụramị si hu aa nọ Ijipiti ka ọnị ọ̀ na ra ịzọọ nị. 11Abụramị màa vaa ngụ ịnị ẹtẹ Ijipiti dị ọ kà a yi Isarayi ose anị dị ọ ka: Ọnị ộ yẹ ka ô zoza ẹtẹẹtẹrẹ. 12Ọ kà Anijipiti èe re e, ẹ vaa kà a ka ose anị yị. Ọ kà dị ẹ za ọnị di ẹ wụ ọnị, dị ẹ navọ Isarayi. 13#Oyn 20.2; 26.7Dị ọ ka agụvị avọọ ọ̀ kà a ka ọyịnyara anị ọnị vị nị. Wàa vavọọ kà, ẹ vaa hụ agụvị anị dị ẹ yị wụ ọnị dị e sì ọnị. 14Ịzẹyịza Abụramị mẹ̀ na ngụ Ijipiti Anijipiti ê re ka Isarayi ô zoza ẹtẹẹtẹrẹ. 15Ịjị aza ene hi ini eehi ohinọyị re e, dị ẹ na kà a yi ohinọyị ka eni e re ọnẹẹ ana vavọọ zoza nị. Dị ẹ va sị Isarayi nọ ini eehi ịda ohinọyị nị. 16Di Ohinọyị hụ agụvị Isarayi di aa mẹ̀ ebira ozozaa hi Abụramị nị. Dị ọ kụ́ atẹmẹ, ẹvụ, imaaru, ịkẹrịkẹtẹ araka, ọnyị ịkẹrịkẹtẹ ne beri ịnyaakụmị ezi ahụ anọrụ ọnịrị anẹẹ dị ọ kụ́ wa yị Abụramị nị. 17Ama dị Ẹnẹyịmavara mẹ ka ụkụ ọ̀katẹngụ ọ̀ za ohinọyị ọnịrị aneehi anị agụvị Isarayi ose Abụramị nị. 18Di Ihwarawo va hị́ Abụramị dị ọ ka, “Sị ọ mẹ̀ ọnị aanị? Sị ẹ vẹ dị ọ̀ yị kà a yị ọnị ka ose anị yọ nị? 19Sị ẹ vẹ dị ọ kà a ka ọyịnyara anị yọ? Di ọnị na sị ọ ka ọnị a nyị ọ. Ọ kà ose ewu yị, sị ọ wa na.” 20Di Ihwarawo mẹ ọda yị aza anị, dị ẹ dụ ọ hụrị ẹkụra ọnọọ, ọnị ose anị ọnịrị avaba ogu ọnị ọ nyị.
Valgt i Øjeblikket:
Oyinyima 12: EBTP
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Ebira First Bible © Bible Society of Nigeria, 2014.
Oyinyima 12
12
Ohomorihi mẹmẹ hị́ Abụramị
1 #
Ụkọ 7.2,3; Ihib 11.8 Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ. 2Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị. 3#Iga 3.8Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.
4Ịzẹyịza dị Abụramị kwẹẹtẹ aa na anka Ẹnẹyịmavara mẹ̀ kà a yọ nị. Di Ịrọọtị saasa a aa na nị. Abụramị vị ịrayị ẹtarẹwụ tụra ẹẹhị (75) dị ọ vavọọ kwẹẹtẹ hụrị Ịharanị. 5Abụramị ộ sị Isarayi ose anị ọnịrị Ịrọọtị ozi ọyịnyara anị ne beri avaba ogu ọnị ọ nyị. Ọ rẹ kụ́ aza ọnị ọ nyị ọ mẹ̀ yà Ịharanị, di e si hu dị ẹ yaa nọ ịnị ẹtẹ Ikanaani nị. Ẹ mẹ̀ na sị ngụ Ikanaani, 6di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị. 7#Ụkọ 7.5; Iga 3.16Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.
8Abụramị ộ kà nọ ịnị ataba ana yà eyi ọnị ọyịị̄ zịị hụrẹ Ị́bẹtẹrị, dị ọ jị ajẹngụ tụ́ ịzọọ nị. Ajẹngụ anị vị ana yà ịnị akakana Ịbẹtẹrị ọnịrị Àyị Ộ navọ Ịbẹtẹrị tụ́ oze ọnị ọyịị̄ zịị ngụ ẹtẹ, di Àyị ọnị yà oze ọnị ọyịị̄ zịị hụrẹ nị. Di o re mẹ aha ịsọvọ tụ́ ịzọọ yị Ẹnẹyịmavara dị aa mẹ̀ aduwa ịzọọ nị. 9Dị Abụramị aa yịị na, pooro, dị ọ na ngụ eyi ụvẹtẹ ịnị ẹtẹ Ịnẹgẹvị nị.
Abụramị ộ nọ Ijipiti.
10Ịnị ụmẹ ọnya ụngwẹ ô nyima aa kụ̀ ịnị ẹtẹ Ikanaani. Ụngwẹ ọnọọ vị ana aa kụ̀ ẹtẹẹtẹrẹ, agụvị avọọ di Abụramị si hu aa nọ Ijipiti ka ọnị ọ̀ na ra ịzọọ nị. 11Abụramị màa vaa ngụ ịnị ẹtẹ Ijipiti dị ọ kà a yi Isarayi ose anị dị ọ ka: Ọnị ộ yẹ ka ô zoza ẹtẹẹtẹrẹ. 12Ọ kà Anijipiti èe re e, ẹ vaa kà a ka ose anị yị. Ọ kà dị ẹ za ọnị di ẹ wụ ọnị, dị ẹ navọ Isarayi. 13#Oyn 20.2; 26.7Dị ọ ka agụvị avọọ ọ̀ kà a ka ọyịnyara anị ọnị vị nị. Wàa vavọọ kà, ẹ vaa hụ agụvị anị dị ẹ yị wụ ọnị dị e sì ọnị. 14Ịzẹyịza Abụramị mẹ̀ na ngụ Ijipiti Anijipiti ê re ka Isarayi ô zoza ẹtẹẹtẹrẹ. 15Ịjị aza ene hi ini eehi ohinọyị re e, dị ẹ na kà a yi ohinọyị ka eni e re ọnẹẹ ana vavọọ zoza nị. Dị ẹ va sị Isarayi nọ ini eehi ịda ohinọyị nị. 16Di Ohinọyị hụ agụvị Isarayi di aa mẹ̀ ebira ozozaa hi Abụramị nị. Dị ọ kụ́ atẹmẹ, ẹvụ, imaaru, ịkẹrịkẹtẹ araka, ọnyị ịkẹrịkẹtẹ ne beri ịnyaakụmị ezi ahụ anọrụ ọnịrị anẹẹ dị ọ kụ́ wa yị Abụramị nị. 17Ama dị Ẹnẹyịmavara mẹ ka ụkụ ọ̀katẹngụ ọ̀ za ohinọyị ọnịrị aneehi anị agụvị Isarayi ose Abụramị nị. 18Di Ihwarawo va hị́ Abụramị dị ọ ka, “Sị ọ mẹ̀ ọnị aanị? Sị ẹ vẹ dị ọ̀ yị kà a yị ọnị ka ose anị yọ nị? 19Sị ẹ vẹ dị ọ kà a ka ọyịnyara anị yọ? Di ọnị na sị ọ ka ọnị a nyị ọ. Ọ kà ose ewu yị, sị ọ wa na.” 20Di Ihwarawo mẹ ọda yị aza anị, dị ẹ dụ ọ hụrị ẹkụra ọnọọ, ọnị ose anị ọnịrị avaba ogu ọnị ọ nyị.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Ebira First Bible © Bible Society of Nigeria, 2014.