Gha ta Wəshi 11
11
Ŋkwa nya biya nya mbe Babɛl
1Pɛtɛ se mbeli nyi te hɛɗi kageze ghena nya kwetɛŋe, kanya kwetɛŋe se mɛrea nci. 2Ma te kwete və ne, pa mbeli slənji kadzeyi laka ŋkwa kesame ta veci, pa hɛ ntsate kwete ŋwela te hɛɗia Shinɛyar, pa hɛ nzanji tagha. 3Ma ke hɛ kwelɛ ghəa nci: «Mbara ɓəmə! Mpate ɓəmə brəki shɛ gheɓəmə terekɛ hɛ mbe ghwə!» Brəki yamene slene hɛ le te ŋkwa pelɛ, shimti ya te ŋkwa rekɛ. 4Ma ke hɛ zhɛkwa: «Mbara ɓəmə! Ŋate ɓəmə meleme ba'a ŋkwa nya biya nya kedzeme kacɛme ghweme! Ma tsagha ne, kateɗepe zləvəa ɓəmə mbeli te yayata ŋkwa ba'a katepesle geva gheɓəmə kwetɛ kwetɛŋe te hɛɗi we.»
5Pa Mahwətə sawa kadzete hɛɗi kezha newe meleme ba'a ŋkwa nya biya nyi ŋa mbeli. 6Ma ke Mahwətə ɓiyitsa: «Amaga, wa nyi hɛ nyi kejikəte geva kambeli nyi kwetɛŋe, ghena nya kwetɛŋe yageze hɛ, ganyɛke ghate hɛ! Ma tsetsenya ne, wəsə shɛ kafɛake wəsə nya tarete hɛ kamene kemene geva we. 7Mbara ɓəmə kadzawa kagweɗə ghena ta nci, fɛake ɓəmə hɛ kefa ghena kwelɛ ghəa nci.» 8Pa Mahwətə tazemte hɛ shave mbe meleme ta nci kadzete yayata ŋkwa te hɛɗi, pa hɛ zlenekɛ ŋa ta melemea shɛ. 9Vatse ndeke nda sləa Babɛl mbeli kwa nza nde tagha gweɗəmte ghena ta mbeli nyi te hɛɗi Mahwətə ba'a se tagha pesleyi mbeli ŋkɛ te hɛɗi.
Sləa ka shihɛ se te Sɛm hwa'a te Abram
10Wa nyi hwelefefia Sɛm nyi: va gwəmsə menete Sɛm nda yake Arpaksad ŋkɛ, va bake kwa sebe ta yɛmə nya wəba. 11Ma kwetere wəmbəa ya ta Arpaksad ne, va gwəmsə mcɛfe menete Sɛm zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
12Va mahekenemsə mcɛfeghəmbe menete Arpaksad nda yake Shɛla ŋkɛ. 13Ma kwetere wəmbəa ya ta Shɛla ne, va gwəmsə wəfaɗe ba'a mahekene menete Arpaksad zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
14Va mahekenemsə menete Shɛla nda yake Ɛbɛr ŋkɛ. 15Ma kwetere wəmbəa ya ta Ɛbɛr ne, va gwəmsə wəfaɗe ba'a mahekene menete Shɛla zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
16Va mahekenemsə wəfaɗeghəmbe menete Ɛbɛr nda yake Pɛlɛg ŋkɛ. 17Ma kwetere wəmbəa ya ta Pɛlɛg ne, va gwəmsə wəfaɗe ba'a mahekenemsə menete Ɛbɛr zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
18Va mahekenemsə menete Pɛlɛg nda yake Rɛwə ŋkɛ. 19Ma kwetere wəmbəa ya ta Rɛwə ne, va gwəmsə bake ba'a mesli menete Pɛlɛg zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
20Va mahekenemsə bakeghəmbe menete Rɛwə nda yake Serəwg ŋkɛ. 21Ma kwetere wəmbəa ya ta Serəwg ne, va gwəmsə bake ba'a mberefaŋe menete Rɛwə zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
22Va mahekenemsə menete Serəwg nda yake Nahor ŋkɛ. 23Ma kwetere wəmbəa ya ta Nahor ne, va gwəmsə menete Serəwg zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
24Va bakemsə meslighəmbe menete Nahor nda yake Tɛra ŋkɛ. 25Ma kwetere wəmbəa ya ta Tɛra ne, va gwəmsə ba'a meŋe meslighəmbe menete Nahor zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
26Va mberefaŋemsə menete Tɛra nda yake ŋwale tezhili ŋkɛ mahekene: Abram, Nahor ba'a Haran.
27Wa nyi hwelefefia Tɛra nyi: gheŋkɛ nde yake Abram, Nahor ba'a Haran. Haran nde yake Lot. 28Pa Haran mtenyɛ mpelɛa ma ke yitenyɛ Tɛra te hɛɗi nya ya ŋkɛ, mbe Əwr nya hɛɗia Kaldɛ. 29Pa Abram wəmeve Saray, pa Nahor wəmeve Milka, wəzha ta Haran. Nahe Haran kenza kayiteyɛa Iska perə. 30Keyake wəzege Saray we, jɛŋa se nde.
31Pa Tɛra kelete wəzege ta ŋkɛ Abram ba'a shinyɛ Lot nya kawəzege ta Haran, tsagha makwa ta ŋkɛ Saray, male ta Abram. Cape ŋkɛ le hɛ shave mbe Əwr nya mbe Kaldɛ kadzete hɛɗia Kanan. Pa hɛ dzeme Haran ba'a nzanji pelɛ. 32Ma kwa menete va Tɛra gwəmsə bake ba'a mcɛfe teghweme ne, mtiwə ŋkɛ pelɛ Haran.
Valgt i Øjeblikket:
Gha ta Wəshi 11: BEKDC12
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 11
11
Ŋkwa nya biya nya mbe Babɛl
1Pɛtɛ se mbeli nyi te hɛɗi kageze ghena nya kwetɛŋe, kanya kwetɛŋe se mɛrea nci. 2Ma te kwete və ne, pa mbeli slənji kadzeyi laka ŋkwa kesame ta veci, pa hɛ ntsate kwete ŋwela te hɛɗia Shinɛyar, pa hɛ nzanji tagha. 3Ma ke hɛ kwelɛ ghəa nci: «Mbara ɓəmə! Mpate ɓəmə brəki shɛ gheɓəmə terekɛ hɛ mbe ghwə!» Brəki yamene slene hɛ le te ŋkwa pelɛ, shimti ya te ŋkwa rekɛ. 4Ma ke hɛ zhɛkwa: «Mbara ɓəmə! Ŋate ɓəmə meleme ba'a ŋkwa nya biya nya kedzeme kacɛme ghweme! Ma tsagha ne, kateɗepe zləvəa ɓəmə mbeli te yayata ŋkwa ba'a katepesle geva gheɓəmə kwetɛ kwetɛŋe te hɛɗi we.»
5Pa Mahwətə sawa kadzete hɛɗi kezha newe meleme ba'a ŋkwa nya biya nyi ŋa mbeli. 6Ma ke Mahwətə ɓiyitsa: «Amaga, wa nyi hɛ nyi kejikəte geva kambeli nyi kwetɛŋe, ghena nya kwetɛŋe yageze hɛ, ganyɛke ghate hɛ! Ma tsetsenya ne, wəsə shɛ kafɛake wəsə nya tarete hɛ kamene kemene geva we. 7Mbara ɓəmə kadzawa kagweɗə ghena ta nci, fɛake ɓəmə hɛ kefa ghena kwelɛ ghəa nci.» 8Pa Mahwətə tazemte hɛ shave mbe meleme ta nci kadzete yayata ŋkwa te hɛɗi, pa hɛ zlenekɛ ŋa ta melemea shɛ. 9Vatse ndeke nda sləa Babɛl mbeli kwa nza nde tagha gweɗəmte ghena ta mbeli nyi te hɛɗi Mahwətə ba'a se tagha pesleyi mbeli ŋkɛ te hɛɗi.
Sləa ka shihɛ se te Sɛm hwa'a te Abram
10Wa nyi hwelefefia Sɛm nyi: va gwəmsə menete Sɛm nda yake Arpaksad ŋkɛ, va bake kwa sebe ta yɛmə nya wəba. 11Ma kwetere wəmbəa ya ta Arpaksad ne, va gwəmsə mcɛfe menete Sɛm zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
12Va mahekenemsə mcɛfeghəmbe menete Arpaksad nda yake Shɛla ŋkɛ. 13Ma kwetere wəmbəa ya ta Shɛla ne, va gwəmsə wəfaɗe ba'a mahekene menete Arpaksad zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
14Va mahekenemsə menete Shɛla nda yake Ɛbɛr ŋkɛ. 15Ma kwetere wəmbəa ya ta Ɛbɛr ne, va gwəmsə wəfaɗe ba'a mahekene menete Shɛla zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
16Va mahekenemsə wəfaɗeghəmbe menete Ɛbɛr nda yake Pɛlɛg ŋkɛ. 17Ma kwetere wəmbəa ya ta Pɛlɛg ne, va gwəmsə wəfaɗe ba'a mahekenemsə menete Ɛbɛr zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
18Va mahekenemsə menete Pɛlɛg nda yake Rɛwə ŋkɛ. 19Ma kwetere wəmbəa ya ta Rɛwə ne, va gwəmsə bake ba'a mesli menete Pɛlɛg zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
20Va mahekenemsə bakeghəmbe menete Rɛwə nda yake Serəwg ŋkɛ. 21Ma kwetere wəmbəa ya ta Serəwg ne, va gwəmsə bake ba'a mberefaŋe menete Rɛwə zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
22Va mahekenemsə menete Serəwg nda yake Nahor ŋkɛ. 23Ma kwetere wəmbəa ya ta Nahor ne, va gwəmsə menete Serəwg zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
24Va bakemsə meslighəmbe menete Nahor nda yake Tɛra ŋkɛ. 25Ma kwetere wəmbəa ya ta Tɛra ne, va gwəmsə ba'a meŋe meslighəmbe menete Nahor zhɛkwa teghweme. Nahe ŋkɛ keyake kweci ŋwale tezhili ba'a ŋwalea kwɛ.
26Va mberefaŋemsə menete Tɛra nda yake ŋwale tezhili ŋkɛ mahekene: Abram, Nahor ba'a Haran.
27Wa nyi hwelefefia Tɛra nyi: gheŋkɛ nde yake Abram, Nahor ba'a Haran. Haran nde yake Lot. 28Pa Haran mtenyɛ mpelɛa ma ke yitenyɛ Tɛra te hɛɗi nya ya ŋkɛ, mbe Əwr nya hɛɗia Kaldɛ. 29Pa Abram wəmeve Saray, pa Nahor wəmeve Milka, wəzha ta Haran. Nahe Haran kenza kayiteyɛa Iska perə. 30Keyake wəzege Saray we, jɛŋa se nde.
31Pa Tɛra kelete wəzege ta ŋkɛ Abram ba'a shinyɛ Lot nya kawəzege ta Haran, tsagha makwa ta ŋkɛ Saray, male ta Abram. Cape ŋkɛ le hɛ shave mbe Əwr nya mbe Kaldɛ kadzete hɛɗia Kanan. Pa hɛ dzeme Haran ba'a nzanji pelɛ. 32Ma kwa menete va Tɛra gwəmsə bake ba'a mcɛfe teghweme ne, mtiwə ŋkɛ pelɛ Haran.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.