Gha ta Wəshi 43
43
Zhakob kayɛ kadzawa Ɛzhipte Bɛnjamɛn
1Mba ma kwele kwele te hɛɗia Kanan shanda. 2Ma kwa kiɗinyɛ ha nya kesame kwa Ɛzhipte va mbelia Zhakob ne, ma ke sha ŋwalea ŋkɛ: «Zhɛneghe mə geva kadzawa Ɛzhipte kezha pa ɓəmə wəshi kezeme.» 3Ma ke Zhəwda shɛ: «‹Kadzawa kema ta ɗa yɛ keɗema wəza yiteyɛ ŋayɛ le gheyɛ we›, ke wəndə nya te ghəa Ɛzhipte sha ghen'yɛ tiɗiɗi. 4Ma keyɛhwe na kaghwene wəza yiteyɛa n'yɛ Bɛnjamɛn kwa sebe ta n'yɛ ne, katedzawa n'yɛ kapa ŋa wəshi kezeme. 5Ama keɗema na ne, kadzawa ghen'yɛ we, va nya nza ŋkɛ ma ke wəndəa shɛ sha ghen'yɛ: ‹Kadzawa kema ta ɗa yɛ keɗema wəza yiteyɛ ŋayɛ le gheyɛ we.›» 6Ma ke Zhakob sha hɛ: «Yitea wa ncɛte nda yɛ ke wəndəa shɛ kwete wəza yita ya va gheyɛ wa? Nahe yɛ kebezemte ɗa ghena.» 7Ma ke hɛ shɛ: «Gheŋkɛ nde 'yɛwete ghena kwele kwele te ghəa n'yɛ ba'a te ghɛa ɓəmə va ghen'yɛ. Ma ke: ‹Mba yiteyɛ ŋayɛ teghweme na? Kwete wəza yita va gheyɛ na?› Deke 'yɛwe ta ŋkɛ nyighɛ yazhɛnete ghen'yɛ. Kashɛ ghen'yɛ zəzəte kategeze n'yɛ ŋkɛ kakele wəza yiteyɛa n'yɛ kase we.»
8Ma ke Zhəwda sha yitenyɛ Zhakob ɓiyitsa: «Pelakɛ Bɛnjamɛn kaslə yitea 'ya. Nda n'yɛ kaslə keɗe gheɓəmə kanza teghweme ba'a kaɗema kampə, ghen'yɛ le ghəa n'yɛ, gha le ghəa ŋa ba'a pɛtɛa mbeli nyi ki ghɛa ɓəmə. 9Te dzeve ŋkɛ va 'ya. Va 'ya te'yɛwe ŋkɛ na keɗema 'ya kezhɛneke ŋkɛ kase. Ma kekelekema ŋa ŋkɛ 'ya ne, kwa ghəa ɗa fetea shɛ kaghala ghala kwa kema ta ŋa. 10Ma ya kaɗema ghen'yɛ kedera n'yɛ kwele kwele tse ne, nza geva kwa bake zhigə yazhɛre ghen'yɛ kase.» 11Ma ke yiteyɛa nci Zhakob sha hɛ: «Ma tsetse ŋkɛ ne, menete mə kala nya: Ntave mə wəshi ganji ganji nyi te hɛɗia ɓəmə kwa behwea ŋayɛ ba'a keleghe nda mə hɛ ke wəndəa shɛ: mama ta 'wərdə, yɛməa mze, helia gwənzə ba'a kweci ya ta wəfe nyi zeɗe zeɗe. 12Kelete mə cɛdɛ nyi nakɛ nyi yɛ kwa pele behwea ŋayɛ yɛ, nda kwete ghəa kwete wəndə zanyɛ yite ba'a kelete mə kwete cɛdɛ zhɛkwa. 13Kelete mə wəza yiteyɛ ŋayɛ shɛ yɛ slə, zhɛneghe mə geva kadzawa sha wəndəa shɛ. 14Pa Shala nde berete ndeke nda zhɛ heli yitea gheyɛ ke wəndəa shɛ ba'a yitea pelakɛ yɛ Simɛyon le Bɛnjamɛn ŋkɛ kazhɛre geva kase le gheyɛ! Ma 'ya le ŋa ɗa ne, dandeɗeŋe tenza 'ya kaɗema ŋwale shɛ kala wəsə nya ghama 'ya kayake hɛ.»
Kwa bake ta begeme ta yɛ Zhozɛf le ka kesaka yitenyɛ
15Pa ka kesaka yita nyighɛ fəte wəshi gəmə ba'a cɛdɛ gare bake zhigə. Cape hɛ le Bɛnjamɛn kadzawa Ɛzhipte, hwa'a hɛ kwa kema ta Zhozɛf. 16Ma kwa nakɛ Bɛnjamɛn Zhozɛf hwa hɛ ne, ma ke sha wəndə nya te ghəa wəshi nyi ki ghɛa ŋkɛ: «Kwiɗi mə le mbeli nyi sha ghɛ, henekɛ wəsə keseɗa shɛ na takɛ, va nya nza ŋkɛ katezeme wəsə kezeme mbeli nyi le 'ya kwa ghə veci.» 17Pa wəndəa shɛ menete kala nya gezete nda Zhozɛf, fəghe mbelia shɛhɛ kadzeki ghɛa Zhozɛf. 18Ma kwa gezete nda mbeli ke hɛ kezha dzeki ghɛ ne, benake hɛ va ghazlənə. Ma ke hɛ kwelɛ ghəa nci: «Tewəmbəreke cɛdɛ nyi keveyi geva kwa behwea ɓəmə te kwa ghate ta dzeghwa ta ɓəmə. Kezha me kənəa gheɓəmə, kezha sa ɓəmə yaka ba'a kezha kese ɓəmə kaka mavashi fə ɓəmə mbeli kadzeki ghɛ le kwara lɛməa ɓəmə.» 19Ma kwa nza hɛ kadzeki ghɛ, pa hɛ hendave nda geva ke wəndə nya te ghəa wəshi nyi ki ghɛa Zhozɛf, ma ke hɛ shɛ: 20«Təhwə təhwə ŋa n'yɛ nde sleke n'yɛ, nahe ghen'yɛ kese teke kwetɛŋe zhigə kezha pa wəshi kezeme. 21Ma kwa ghereŋe n'yɛ va viɗi kwa hweŋkwa kejɛghɛ ba'a kwa pelemte behwea n'yɛ ghen'yɛ ne, mɛa mɛa behwea ŋkɛ nakɛ cɛdɛ yayata wəndəa n'yɛ, tserame kala nya ŋkikɛ n'yɛ. Ama nahe ghen'yɛ kezhɛneke cɛdɛa shɛ tsetsenya. 22Nahe ghen'yɛ kekeleke kwete cɛdɛ kezha pa wəshi kezeme. Keɗepe wəndə nya kezhɛneyi cɛdɛa n'yɛ ghen'yɛ kwa behwea n'yɛ we.» 23Ma ke wəndəa shɛ zhɛnete: «Nza ŋayɛ mə bivə, ghazlənəma yɛ ma. Shala ta ŋayɛ, Shala ta yiteyɛ ŋayɛ nde veyi wəsə mcɛlə kwa behwea ŋayɛ. Nahe 'ya kekelete cɛdɛa ŋayɛ.»
Kwetere wəmbəa ŋkɛ, waɗe ŋkɛ pelave nda Simɛyon ke hɛ. 24Pa ŋkɛ keleghe hɛ kadzeki ghɛa Zhozɛf, pa ŋkɛ gəave nda yɛmə ke hɛ kapɛ seɗa ba'a nta nda gwəzə ke kwara lɛməa nci. 25Pa hɛ hite wəshi gəmə nyi fəke hɛ nda tese Zhozɛf kwa ghə veci. Va nya nza ŋkɛ nahe hɛ kefate tagha tezeme wəsə kezeme ŋkɛ le hɛ. 26Ntsehema ta Zhozɛf ki ghɛa ŋkɛ ne, pa hɛ fəave nda wəshi gəmə nyi fəke hɛ, kwa sebe ta ŋkɛ, gwəɗəŋə hɛ ntiŋə ghə mbe hɛɗi kwa kema ta ŋkɛ. 27Ma ke Zhozɛf sha hɛ: «Kwelɛŋe se yɛ na? Tsema yiteyɛ ŋayɛ nya kameha za, nya gezete ɗa ghena nya yɛ te wa? Mba ŋkɛ teghweme na?» 28Ma ke hɛ shɛ: «Kwelɛŋe nde mene slene ta ŋa nya kayiteyɛa n'yɛ, mba ŋkɛ teghweme.» Gwəɗəŋə hɛ ntiŋə ghə mbe hɛɗi zhɛkwa. 29Newe ke Zhozɛf, dəkwə ŋkɛ te Bɛnjamɛn nya kawəza meghekɛ. Ma ke: «Nya ya kawəza yiteyɛ ŋayɛ nya ɓɛhwɛ nya gezete ɗa yɛ gɛ na?» Ma ke zhɛkwa: «Pa Shala kemanakɛ ŋa wəzege ta ɗa.»
30Kwele kwele zhɛte nda helia ŋkɛ ke Zhozɛf kwa nakɛ wəza meghekɛ ŋkɛ, hesle hesle nehwene mbe ntsə ve, cape ŋkɛ kadzembe cɛa ŋkɛ kahe kahe kanehwene. 31Ma kwa pɛmte kema ta ŋkɛ ŋkɛ ne, tewətelɛwe ŋkɛ zhɛreke geva kase. Pa ŋkɛ səwəhwe taze ta mehele ta ŋkɛ, ma ke: «Nehe mə wəshi kezeme.» 32Pa mbeli veyi nda ŋa ŋkɛ wəsə kezeme te ŋa ŋkɛ ŋkwa, te ŋa nci ka kesaka yitenyɛ. Te ŋa nci ŋkwa zeme ŋa nci ka Ɛzhipte, kwa nza ŋkɛ kazeme wəsə ka Ɛzhipte jikə le ka Ɛbrə we. Kawəsə nya wale wale ŋkɛ sha hɛ. 33Ma ka kesaka yita nyighɛ ne, kwa kema ta Zhozɛf nzanji hɛ kala va ta nci, se te nya kwele hwa'a te nya ɓɛhwɛ. Ntake hɛ kanewe ghəa nci kala wəsə meŋele. 34Pa Zhozɛf ɗave nda wəsə kezeme nya te kema ta ŋkɛ ke hɛ, ama ŋa Bɛnjamɛn wəsə kezeme ne, kwele ma ŋkɛ mcɛfe zhigə ke ŋa kweci ka kesaka yitenyɛ. Pa hɛ sahwe wəshi kesa zlaɓe le Zhozɛf behe behe.
Valgt i Øjeblikket:
Gha ta Wəshi 43: BEKDC12
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 43
43
Zhakob kayɛ kadzawa Ɛzhipte Bɛnjamɛn
1Mba ma kwele kwele te hɛɗia Kanan shanda. 2Ma kwa kiɗinyɛ ha nya kesame kwa Ɛzhipte va mbelia Zhakob ne, ma ke sha ŋwalea ŋkɛ: «Zhɛneghe mə geva kadzawa Ɛzhipte kezha pa ɓəmə wəshi kezeme.» 3Ma ke Zhəwda shɛ: «‹Kadzawa kema ta ɗa yɛ keɗema wəza yiteyɛ ŋayɛ le gheyɛ we›, ke wəndə nya te ghəa Ɛzhipte sha ghen'yɛ tiɗiɗi. 4Ma keyɛhwe na kaghwene wəza yiteyɛa n'yɛ Bɛnjamɛn kwa sebe ta n'yɛ ne, katedzawa n'yɛ kapa ŋa wəshi kezeme. 5Ama keɗema na ne, kadzawa ghen'yɛ we, va nya nza ŋkɛ ma ke wəndəa shɛ sha ghen'yɛ: ‹Kadzawa kema ta ɗa yɛ keɗema wəza yiteyɛ ŋayɛ le gheyɛ we.›» 6Ma ke Zhakob sha hɛ: «Yitea wa ncɛte nda yɛ ke wəndəa shɛ kwete wəza yita ya va gheyɛ wa? Nahe yɛ kebezemte ɗa ghena.» 7Ma ke hɛ shɛ: «Gheŋkɛ nde 'yɛwete ghena kwele kwele te ghəa n'yɛ ba'a te ghɛa ɓəmə va ghen'yɛ. Ma ke: ‹Mba yiteyɛ ŋayɛ teghweme na? Kwete wəza yita va gheyɛ na?› Deke 'yɛwe ta ŋkɛ nyighɛ yazhɛnete ghen'yɛ. Kashɛ ghen'yɛ zəzəte kategeze n'yɛ ŋkɛ kakele wəza yiteyɛa n'yɛ kase we.»
8Ma ke Zhəwda sha yitenyɛ Zhakob ɓiyitsa: «Pelakɛ Bɛnjamɛn kaslə yitea 'ya. Nda n'yɛ kaslə keɗe gheɓəmə kanza teghweme ba'a kaɗema kampə, ghen'yɛ le ghəa n'yɛ, gha le ghəa ŋa ba'a pɛtɛa mbeli nyi ki ghɛa ɓəmə. 9Te dzeve ŋkɛ va 'ya. Va 'ya te'yɛwe ŋkɛ na keɗema 'ya kezhɛneke ŋkɛ kase. Ma kekelekema ŋa ŋkɛ 'ya ne, kwa ghəa ɗa fetea shɛ kaghala ghala kwa kema ta ŋa. 10Ma ya kaɗema ghen'yɛ kedera n'yɛ kwele kwele tse ne, nza geva kwa bake zhigə yazhɛre ghen'yɛ kase.» 11Ma ke yiteyɛa nci Zhakob sha hɛ: «Ma tsetse ŋkɛ ne, menete mə kala nya: Ntave mə wəshi ganji ganji nyi te hɛɗia ɓəmə kwa behwea ŋayɛ ba'a keleghe nda mə hɛ ke wəndəa shɛ: mama ta 'wərdə, yɛməa mze, helia gwənzə ba'a kweci ya ta wəfe nyi zeɗe zeɗe. 12Kelete mə cɛdɛ nyi nakɛ nyi yɛ kwa pele behwea ŋayɛ yɛ, nda kwete ghəa kwete wəndə zanyɛ yite ba'a kelete mə kwete cɛdɛ zhɛkwa. 13Kelete mə wəza yiteyɛ ŋayɛ shɛ yɛ slə, zhɛneghe mə geva kadzawa sha wəndəa shɛ. 14Pa Shala nde berete ndeke nda zhɛ heli yitea gheyɛ ke wəndəa shɛ ba'a yitea pelakɛ yɛ Simɛyon le Bɛnjamɛn ŋkɛ kazhɛre geva kase le gheyɛ! Ma 'ya le ŋa ɗa ne, dandeɗeŋe tenza 'ya kaɗema ŋwale shɛ kala wəsə nya ghama 'ya kayake hɛ.»
Kwa bake ta begeme ta yɛ Zhozɛf le ka kesaka yitenyɛ
15Pa ka kesaka yita nyighɛ fəte wəshi gəmə ba'a cɛdɛ gare bake zhigə. Cape hɛ le Bɛnjamɛn kadzawa Ɛzhipte, hwa'a hɛ kwa kema ta Zhozɛf. 16Ma kwa nakɛ Bɛnjamɛn Zhozɛf hwa hɛ ne, ma ke sha wəndə nya te ghəa wəshi nyi ki ghɛa ŋkɛ: «Kwiɗi mə le mbeli nyi sha ghɛ, henekɛ wəsə keseɗa shɛ na takɛ, va nya nza ŋkɛ katezeme wəsə kezeme mbeli nyi le 'ya kwa ghə veci.» 17Pa wəndəa shɛ menete kala nya gezete nda Zhozɛf, fəghe mbelia shɛhɛ kadzeki ghɛa Zhozɛf. 18Ma kwa gezete nda mbeli ke hɛ kezha dzeki ghɛ ne, benake hɛ va ghazlənə. Ma ke hɛ kwelɛ ghəa nci: «Tewəmbəreke cɛdɛ nyi keveyi geva kwa behwea ɓəmə te kwa ghate ta dzeghwa ta ɓəmə. Kezha me kənəa gheɓəmə, kezha sa ɓəmə yaka ba'a kezha kese ɓəmə kaka mavashi fə ɓəmə mbeli kadzeki ghɛ le kwara lɛməa ɓəmə.» 19Ma kwa nza hɛ kadzeki ghɛ, pa hɛ hendave nda geva ke wəndə nya te ghəa wəshi nyi ki ghɛa Zhozɛf, ma ke hɛ shɛ: 20«Təhwə təhwə ŋa n'yɛ nde sleke n'yɛ, nahe ghen'yɛ kese teke kwetɛŋe zhigə kezha pa wəshi kezeme. 21Ma kwa ghereŋe n'yɛ va viɗi kwa hweŋkwa kejɛghɛ ba'a kwa pelemte behwea n'yɛ ghen'yɛ ne, mɛa mɛa behwea ŋkɛ nakɛ cɛdɛ yayata wəndəa n'yɛ, tserame kala nya ŋkikɛ n'yɛ. Ama nahe ghen'yɛ kezhɛneke cɛdɛa shɛ tsetsenya. 22Nahe ghen'yɛ kekeleke kwete cɛdɛ kezha pa wəshi kezeme. Keɗepe wəndə nya kezhɛneyi cɛdɛa n'yɛ ghen'yɛ kwa behwea n'yɛ we.» 23Ma ke wəndəa shɛ zhɛnete: «Nza ŋayɛ mə bivə, ghazlənəma yɛ ma. Shala ta ŋayɛ, Shala ta yiteyɛ ŋayɛ nde veyi wəsə mcɛlə kwa behwea ŋayɛ. Nahe 'ya kekelete cɛdɛa ŋayɛ.»
Kwetere wəmbəa ŋkɛ, waɗe ŋkɛ pelave nda Simɛyon ke hɛ. 24Pa ŋkɛ keleghe hɛ kadzeki ghɛa Zhozɛf, pa ŋkɛ gəave nda yɛmə ke hɛ kapɛ seɗa ba'a nta nda gwəzə ke kwara lɛməa nci. 25Pa hɛ hite wəshi gəmə nyi fəke hɛ nda tese Zhozɛf kwa ghə veci. Va nya nza ŋkɛ nahe hɛ kefate tagha tezeme wəsə kezeme ŋkɛ le hɛ. 26Ntsehema ta Zhozɛf ki ghɛa ŋkɛ ne, pa hɛ fəave nda wəshi gəmə nyi fəke hɛ, kwa sebe ta ŋkɛ, gwəɗəŋə hɛ ntiŋə ghə mbe hɛɗi kwa kema ta ŋkɛ. 27Ma ke Zhozɛf sha hɛ: «Kwelɛŋe se yɛ na? Tsema yiteyɛ ŋayɛ nya kameha za, nya gezete ɗa ghena nya yɛ te wa? Mba ŋkɛ teghweme na?» 28Ma ke hɛ shɛ: «Kwelɛŋe nde mene slene ta ŋa nya kayiteyɛa n'yɛ, mba ŋkɛ teghweme.» Gwəɗəŋə hɛ ntiŋə ghə mbe hɛɗi zhɛkwa. 29Newe ke Zhozɛf, dəkwə ŋkɛ te Bɛnjamɛn nya kawəza meghekɛ. Ma ke: «Nya ya kawəza yiteyɛ ŋayɛ nya ɓɛhwɛ nya gezete ɗa yɛ gɛ na?» Ma ke zhɛkwa: «Pa Shala kemanakɛ ŋa wəzege ta ɗa.»
30Kwele kwele zhɛte nda helia ŋkɛ ke Zhozɛf kwa nakɛ wəza meghekɛ ŋkɛ, hesle hesle nehwene mbe ntsə ve, cape ŋkɛ kadzembe cɛa ŋkɛ kahe kahe kanehwene. 31Ma kwa pɛmte kema ta ŋkɛ ŋkɛ ne, tewətelɛwe ŋkɛ zhɛreke geva kase. Pa ŋkɛ səwəhwe taze ta mehele ta ŋkɛ, ma ke: «Nehe mə wəshi kezeme.» 32Pa mbeli veyi nda ŋa ŋkɛ wəsə kezeme te ŋa ŋkɛ ŋkwa, te ŋa nci ka kesaka yitenyɛ. Te ŋa nci ŋkwa zeme ŋa nci ka Ɛzhipte, kwa nza ŋkɛ kazeme wəsə ka Ɛzhipte jikə le ka Ɛbrə we. Kawəsə nya wale wale ŋkɛ sha hɛ. 33Ma ka kesaka yita nyighɛ ne, kwa kema ta Zhozɛf nzanji hɛ kala va ta nci, se te nya kwele hwa'a te nya ɓɛhwɛ. Ntake hɛ kanewe ghəa nci kala wəsə meŋele. 34Pa Zhozɛf ɗave nda wəsə kezeme nya te kema ta ŋkɛ ke hɛ, ama ŋa Bɛnjamɛn wəsə kezeme ne, kwele ma ŋkɛ mcɛfe zhigə ke ŋa kweci ka kesaka yitenyɛ. Pa hɛ sahwe wəshi kesa zlaɓe le Zhozɛf behe behe.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
La Bible en langue Kapsiki avec les livres deutérocanoniques © Alliance Biblique du Cameroun 2012.