Génesis 20
20
Sarata Abimelec pushatsishqan
1Tsaypita Neguevpa pasarmi Abraham tarqan Cadespita Shurman pasaq chunyaqchöna. Tsaypitanami Gerar markaman aywakurqan tsaycho tänanpaq. 2Tsaycho taykarmi warmin Sarapaq Abraham kayno nirqan: <<Payqa panïmi>>.#Gén. 12.13; 26.7. Tsayno niptinmi Gerarpa mandaqnin rey Abimelec Sarata pushatsirqan warmin kananpaq.
3Pushatsishqan tsakaymi Abimelecta sueñuynincho Tayta Dios kayno nirqan: <<Warmikipaq pushatsimushqayki warmiqa runayuqmi kaykan. Tsaypitami kanan wanunki>>.
4Abimelecqa manaraqmi Sarawan punurqanraqtsu. Tsaymi kayno nirqan: <<Tayta Dios, paywan manaraq punuykaptïqa ¿imanirtaq wanutsimayta yarpaykanki? 5Kikin Abrahammi nimashqa panin kashqanta. Tsaynölami Sarapis nimashqa turin kashqanta. Tsayno nirkaykämaptinqa manami imatapis lutanta rurashqätsu>>.
6Tsayno niptinmi sueñuynincho Tayta Dios kayno nirqan: <<Aw, noqapis musyämi lutala imatapis mana rurashqaykita. Tsaynöpami jutsata mana ruranaykipaq tsay warmiwan pununaykitapis mana kachapashqätsu. 7Kananqa tsay warmita runanman kutitsiy. Runanqa noqapa wilakuqnï profëtami kaykan. Kutitsiptikiqa manakamanqa mana wanunaykipaqmi. Mana kutitsiptikimi itsanqa qamta y wayikicho lapan taqkunata ushakätsishaykipaq>>.
8Patsa wararkuptinnami Abimelecqa lapan mandäshiqninkunata qayaykatsir wilaparqan imata sueñushqantapis. Tsayno wilaptinmi paykuna fiyupa mantsakarqan. 9Nirkurnami Abrahamta qayaykatsimur Abimelec kayno nirqan: <<¿Imamantaq jitarpamashqanki? ¿Imachötaq rabyanätsishqä noqata y makïcho taqkunata jutsa rurayman jitarpamänaykipaq? Tsaytaqa mana alitami ruraykushqanki. 10¿Imata yarpartaq Sara paniki kashqanta nimarqayki?>>
11Tsayno niptinmi Abraham kayno nirqan: <<Noqa yarparqä kay markacho runakuna Tayta Diosta mana mantsakushpan warmïpaq rayku wanutsimänanpaq kashqantami. 12Panï kaytaqa panïmi kaykan. Itsanqa papänïpa tsuripakuyninmi. Kananqa warmïnami kaykan. 13Papänïpa wayinpita yarqamunäpaq Tayta Dios nimaptinmi yachatsirqä mayman chayapäkuptïpis turin kashqäta ninanpaq>>.
14Abraham tsayno niptinmi Abimelec kutiykatsirqan Sarata. Kutitsirmi Abrahamta qoykurqan uyshakunata, cabrakunata, wäkakunata, ashmay warmikunata y ashmay runakunatapis. 15Nirkur payta kayno nirqan: <<Musyashqaykinöpis noqapa makïchömi kay nación kaykan. Tsayno kaykaptinqa mayninchöpis täkunaykipaq akrakuy>>.
16Tsaypitanami Saratapis kayno nirqan: <<Turikita qoykushqäkunaqa waranqa (1,000) siclo qellay chaninmi kaykan.#20.16 Juk siclo qellayqa juk killa arur gänashqannömi karqan. Tsaymi kananqa honornikita pipis mana parlaykanqanatsu>>.
17-18Sarata apashqanpitami Abimelecpa warminta y warminpa ashmayninkunatapis lapanta Tayta Dios qoluqyätsirqan. Tsaymi Sarata shuntarkurna Abrahamqa Abimelecpaq Tayta Diosta manakurqan. Manakuptinmi Abimelecta, warminta y ashmayninkunapa warmintapis qoluqyätsishqanpita Tayta Dios aliyätsirqan wamrankuna yapay kananpaq.
Valgt i Øjeblikket:
Génesis 20: qvmB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2003, Wycliffe Bible Translators, Inc. All rights reserved.
Génesis 20
20
Sarata Abimelec pushatsishqan
1Tsaypita Neguevpa pasarmi Abraham tarqan Cadespita Shurman pasaq chunyaqchöna. Tsaypitanami Gerar markaman aywakurqan tsaycho tänanpaq. 2Tsaycho taykarmi warmin Sarapaq Abraham kayno nirqan: <<Payqa panïmi>>.#Gén. 12.13; 26.7. Tsayno niptinmi Gerarpa mandaqnin rey Abimelec Sarata pushatsirqan warmin kananpaq.
3Pushatsishqan tsakaymi Abimelecta sueñuynincho Tayta Dios kayno nirqan: <<Warmikipaq pushatsimushqayki warmiqa runayuqmi kaykan. Tsaypitami kanan wanunki>>.
4Abimelecqa manaraqmi Sarawan punurqanraqtsu. Tsaymi kayno nirqan: <<Tayta Dios, paywan manaraq punuykaptïqa ¿imanirtaq wanutsimayta yarpaykanki? 5Kikin Abrahammi nimashqa panin kashqanta. Tsaynölami Sarapis nimashqa turin kashqanta. Tsayno nirkaykämaptinqa manami imatapis lutanta rurashqätsu>>.
6Tsayno niptinmi sueñuynincho Tayta Dios kayno nirqan: <<Aw, noqapis musyämi lutala imatapis mana rurashqaykita. Tsaynöpami jutsata mana ruranaykipaq tsay warmiwan pununaykitapis mana kachapashqätsu. 7Kananqa tsay warmita runanman kutitsiy. Runanqa noqapa wilakuqnï profëtami kaykan. Kutitsiptikiqa manakamanqa mana wanunaykipaqmi. Mana kutitsiptikimi itsanqa qamta y wayikicho lapan taqkunata ushakätsishaykipaq>>.
8Patsa wararkuptinnami Abimelecqa lapan mandäshiqninkunata qayaykatsir wilaparqan imata sueñushqantapis. Tsayno wilaptinmi paykuna fiyupa mantsakarqan. 9Nirkurnami Abrahamta qayaykatsimur Abimelec kayno nirqan: <<¿Imamantaq jitarpamashqanki? ¿Imachötaq rabyanätsishqä noqata y makïcho taqkunata jutsa rurayman jitarpamänaykipaq? Tsaytaqa mana alitami ruraykushqanki. 10¿Imata yarpartaq Sara paniki kashqanta nimarqayki?>>
11Tsayno niptinmi Abraham kayno nirqan: <<Noqa yarparqä kay markacho runakuna Tayta Diosta mana mantsakushpan warmïpaq rayku wanutsimänanpaq kashqantami. 12Panï kaytaqa panïmi kaykan. Itsanqa papänïpa tsuripakuyninmi. Kananqa warmïnami kaykan. 13Papänïpa wayinpita yarqamunäpaq Tayta Dios nimaptinmi yachatsirqä mayman chayapäkuptïpis turin kashqäta ninanpaq>>.
14Abraham tsayno niptinmi Abimelec kutiykatsirqan Sarata. Kutitsirmi Abrahamta qoykurqan uyshakunata, cabrakunata, wäkakunata, ashmay warmikunata y ashmay runakunatapis. 15Nirkur payta kayno nirqan: <<Musyashqaykinöpis noqapa makïchömi kay nación kaykan. Tsayno kaykaptinqa mayninchöpis täkunaykipaq akrakuy>>.
16Tsaypitanami Saratapis kayno nirqan: <<Turikita qoykushqäkunaqa waranqa (1,000) siclo qellay chaninmi kaykan.#20.16 Juk siclo qellayqa juk killa arur gänashqannömi karqan. Tsaymi kananqa honornikita pipis mana parlaykanqanatsu>>.
17-18Sarata apashqanpitami Abimelecpa warminta y warminpa ashmayninkunatapis lapanta Tayta Dios qoluqyätsirqan. Tsaymi Sarata shuntarkurna Abrahamqa Abimelecpaq Tayta Diosta manakurqan. Manakuptinmi Abimelecta, warminta y ashmayninkunapa warmintapis qoluqyätsishqanpita Tayta Dios aliyätsirqan wamrankuna yapay kananpaq.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2003, Wycliffe Bible Translators, Inc. All rights reserved.