Markus 2
2
1Miya bo kyengkyeng ahumwa, nda minna a perro Kafranahum, miyedi boyi lemongen tsi ne a hwodiye.
2Ḅware kabagban ta gbowo, tá ha a mbidi nagi a kwamuha; ndadi boyeren le.
3Ta si hakan ka ndong ma, ndso‐otso kerker, miye fwat adi nguten.
4Tá mba dsoto ahakan ge lektsi miye, ta wuna ha a no vune, a jangado sobotso a ndso‐otso a bo anangen do.
5Yesu, naya nda na vodiyalomedaren nda boye ndso‐otso: “Ndse, miya ngurugo lemohaseidow.”
6I dziye‐ḍaḍuwe nedo a‐ndsatso, ta ndelha avor yedingeren adi tsa a chi:
7“Go mino mano a boyo che? Ndadi ḍa Pwa; wano ka ha ḅa ngurogo lemehasei sie Pwa hido?”
8Ḅogong ḅogong Yesu a leyo avor pitoden tadi ndelha che avor nangereren. Nda tsaren a chi: “Go mino hunadi ndelha avor yedingowno.
9Ndo di ne popullo, na miya tsa ndso‐otsi ino: miya ngurugo lemohaseidow; na miya tsan a chi: ngur sobotsodow hye wudo?
10Gekele huḅa leyo, Ndso‐Ḅwara ha ne kan a vratso ndaḅa ngurogo lemohasei (nda tsa ndso‐otso).
11Nadi boyu, maḍi ngurigo sobotsodow, wudo hwodow.”
12Nda maḍo yanggbel a ngur sobotsoden, nda dimmo ahumwasen kat. Ta ndukodo Pwa, ta tsa a chi: “Hiná liya na sye botsi ano.”
13Nda dimmo gban nda wudo kwaka bahar; lektso miye kat a wudo hakan, ndadi kenneren.
14Naya ndadi muḍo nda na Lawi, ndse da Halfa tsi ne ndsa a ha miya luw chamtso do: nda boyen: “Hye kwodei.” Nda maḍo a kwoden.
15Tsi ne di zemsye a hwoden, ka miye‐luw chamtso ka miye‐ḍa sahasei gban ten ne ndsa ḅwa ka Yesu ka miye‐kwoden; ten ne hananan di kwoden.
16Miye‐dori ka Farisawa ta nan nda zemsye ka miye‐ḍa sahasei ka miye‐luw chamtso, ta tsa miye‐kwoden: “Ya nda zemsye nda tsobo ka miye‐luw chamtso ka miye‐ḍa sahasei ḅwa?”
17Naya Yesu a kello nda tsaren a chi: “Miye?-?dwatye taná go humne homo‐ngumwe sie dziye‐otso; hen tá si ḅa wa miye‐fyemye, gekelo miye‐hasye na si.”
18Miya‐kwoḍo Yohanna ka Farisawa kat tadi gwonni. Ta si ta tsan a chi: “Gomino miye‐kwoḍo Yohanna ka miye‐kwoḍo Farisawa adi gwonno, miye‐kwodow á ḍa?”
19Yesu a tsaren a chi: “Ya miye lekki ahaka vune metsorikitso a gwonno getsingen muremetso ne avorsen? Miye ndsa haka muremetso tá leyi gwonno.
20Ndong firo ḅa si aha miya ngur muremetso avorsen, getsingen tanḅa gwonno.
21Tá ma a ngur base hweile a gbo a‐ire kan, gibo a‐hweile ḅa kipa a‐ire, gwei ḅe go gban.
22Tá ma a ngur habiye mbwotsi annab hweile a ḍikko vor gbura habiye ira, gibo che habiye mbwotsi annab a tsirra gbura habiye, habiye mbwotsi annab a kiḍo kat ka gbura habiye; miya weya ḍikdo habiye mbwotsi annab hweile avor gbura hweile.”
23Ndadi weyo a perrigo gasye a firo piyatso, miyedi‐kwoden a tiya ḅei lutu zumwe, ten ne avor weyetso.
24Farisawa ta tsan a chi: “Ni, lemo mino ta ḍa sa miyá mo a fere piyatso?”
25Nda tsaren a chi: “Huná liya na avor malamtso sye Dawuda a ḍa a fira nda ḍongo kan; meatso a gen, ten ka miye ta ndsa karen?
26Nda perro haikali getsingen Abiyatha tsi no malam magbane, nda zem gurasatso ḍiktso, itye miyá weye zemmo, sie malamye ten nedi zemmi, nda vo miye ta ndsa kan?”
27Nda tsaren a chi: “Miya ḍa fira piyatso go ḅwara; miyá ḍa ḅwara ge fira piyatso.
28Che gban Ndse‐Ḅwara tsi ne homo fire piyatso.”
Valgt i Øjeblikket:
Markus 2: BCYMRK
Markering
Del
Kopiér
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fda.png&w=128&q=75)
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1915.
Markus 2
2
1Miya bo kyengkyeng ahumwa, nda minna a perro Kafranahum, miyedi boyi lemongen tsi ne a hwodiye.
2Ḅware kabagban ta gbowo, tá ha a mbidi nagi a kwamuha; ndadi boyeren le.
3Ta si hakan ka ndong ma, ndso‐otso kerker, miye fwat adi nguten.
4Tá mba dsoto ahakan ge lektsi miye, ta wuna ha a no vune, a jangado sobotso a ndso‐otso a bo anangen do.
5Yesu, naya nda na vodiyalomedaren nda boye ndso‐otso: “Ndse, miya ngurugo lemohaseidow.”
6I dziye‐ḍaḍuwe nedo a‐ndsatso, ta ndelha avor yedingeren adi tsa a chi:
7“Go mino mano a boyo che? Ndadi ḍa Pwa; wano ka ha ḅa ngurogo lemehasei sie Pwa hido?”
8Ḅogong ḅogong Yesu a leyo avor pitoden tadi ndelha che avor nangereren. Nda tsaren a chi: “Go mino hunadi ndelha avor yedingowno.
9Ndo di ne popullo, na miya tsa ndso‐otsi ino: miya ngurugo lemohaseidow; na miya tsan a chi: ngur sobotsodow hye wudo?
10Gekele huḅa leyo, Ndso‐Ḅwara ha ne kan a vratso ndaḅa ngurogo lemohasei (nda tsa ndso‐otso).
11Nadi boyu, maḍi ngurigo sobotsodow, wudo hwodow.”
12Nda maḍo yanggbel a ngur sobotsoden, nda dimmo ahumwasen kat. Ta ndukodo Pwa, ta tsa a chi: “Hiná liya na sye botsi ano.”
13Nda dimmo gban nda wudo kwaka bahar; lektso miye kat a wudo hakan, ndadi kenneren.
14Naya ndadi muḍo nda na Lawi, ndse da Halfa tsi ne ndsa a ha miya luw chamtso do: nda boyen: “Hye kwodei.” Nda maḍo a kwoden.
15Tsi ne di zemsye a hwoden, ka miye‐luw chamtso ka miye‐ḍa sahasei gban ten ne ndsa ḅwa ka Yesu ka miye‐kwoden; ten ne hananan di kwoden.
16Miye‐dori ka Farisawa ta nan nda zemsye ka miye‐ḍa sahasei ka miye‐luw chamtso, ta tsa miye‐kwoden: “Ya nda zemsye nda tsobo ka miye‐luw chamtso ka miye‐ḍa sahasei ḅwa?”
17Naya Yesu a kello nda tsaren a chi: “Miye?-?dwatye taná go humne homo‐ngumwe sie dziye‐otso; hen tá si ḅa wa miye‐fyemye, gekelo miye‐hasye na si.”
18Miya‐kwoḍo Yohanna ka Farisawa kat tadi gwonni. Ta si ta tsan a chi: “Gomino miye‐kwoḍo Yohanna ka miye‐kwoḍo Farisawa adi gwonno, miye‐kwodow á ḍa?”
19Yesu a tsaren a chi: “Ya miye lekki ahaka vune metsorikitso a gwonno getsingen muremetso ne avorsen? Miye ndsa haka muremetso tá leyi gwonno.
20Ndong firo ḅa si aha miya ngur muremetso avorsen, getsingen tanḅa gwonno.
21Tá ma a ngur base hweile a gbo a‐ire kan, gibo a‐hweile ḅa kipa a‐ire, gwei ḅe go gban.
22Tá ma a ngur habiye mbwotsi annab hweile a ḍikko vor gbura habiye ira, gibo che habiye mbwotsi annab a tsirra gbura habiye, habiye mbwotsi annab a kiḍo kat ka gbura habiye; miya weya ḍikdo habiye mbwotsi annab hweile avor gbura hweile.”
23Ndadi weyo a perrigo gasye a firo piyatso, miyedi‐kwoden a tiya ḅei lutu zumwe, ten ne avor weyetso.
24Farisawa ta tsan a chi: “Ni, lemo mino ta ḍa sa miyá mo a fere piyatso?”
25Nda tsaren a chi: “Huná liya na avor malamtso sye Dawuda a ḍa a fira nda ḍongo kan; meatso a gen, ten ka miye ta ndsa karen?
26Nda perro haikali getsingen Abiyatha tsi no malam magbane, nda zem gurasatso ḍiktso, itye miyá weye zemmo, sie malamye ten nedi zemmi, nda vo miye ta ndsa kan?”
27Nda tsaren a chi: “Miya ḍa fira piyatso go ḅwara; miyá ḍa ḅwara ge fira piyatso.
28Che gban Ndse‐Ḅwara tsi ne homo fire piyatso.”
Valgt i Øjeblikket:
:
Markering
Del
Kopiér
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Vil du have dine markeringer gemt på tværs af alle dine enheder? Tilmeld dig eller log ind
First published by the British and Foreign Bible Society in 1915.