Shiyanso 33

UYaakobo itangaana nu Esawu

1UYaakobo pina iwuukha pala, wáloleela kumwandi, wámwaga uEsawu ayinsile na vaanu magana gana (400). Baaho, wávagavania avanaakwe mwa Leya, mwa Laheli na mu vavanda vaakwe vala vavili uBiliha nu Silipa, shila mwana nu maayi waakwe. 2Wávalongosa avavanda vala na vanaave, uLeya wáfwata na vanaakwe na kunyuma mandu vapyanila uLaheli nu Yusufu umwanaakwe. 3Baheene wáaluta pamwandi, wálongola. Uluhaavi pina akhandi ikimuhejeela umuvaha waakwe, wámusungamila mbakha pansi mala fungati kwa lishima. 4Leelo, uEsawu wámusijila nyangu wámuwaawusa uYaakobo, wámukumbaatila na kimunoonela mu nsingo, baheene woona vavili vakhoola. 5UEsawu pina wávaagaga avashimaayi na vaana vala, baheene wámuposa, “Ava vava naani vina unawo?” UYaakobo wámujovela, “Ava vanangu vina uNguluvi wániyimiilila, one ni muvanda waakho.”

6Baheene avavanda na vanaave vala, vavejeela vasungama kwa lishima. 7Apo, wápyanila uLeya na vanaakwe, vavejeela vasungama. Baheene uYusufu nu Laheli vamalishilila, vavejeela vasungama.

8Baheene Esawu wámuposa wáaja, “Ifipuga fyona fina natangaana nafyo fya nsengo nshi?” UYaakobo wámujovela wáaja, “Mutwa wangu, nisakula kiyiitikhwa noowe.” 9Leelo, uEsawu wámujovela wáaja, “Munangʼana wangu, ninafyo ifidiimwa finshi mandu. Ulutono ulu luna waava ukinipeela, lulekha lusigale kunyaakho.”

10UYaakobo wámujovela wáaja, “Ndaali mutwa! Nda waniyiitikha, nikikulomba uyanushile ifiinu fyangu fya lutono. Shiyooli, kikwaga owe ngaja kimwaga uNguluvi kwa kiiva waniyanushila wunofu. 11Naapela nikikulomba mandu, uyanushile ifiinu fyangu ifya lutono lwa kikuyishilisa inumbula fina nakuleetela, kwa kiiva uNguluvi wániyimiilila, wánipeelaga ifidiimwa finshi.” Shilushwali shina wáyitenekhaga uYaakobo kimubembelesa uEsawu, mbakha wáyanushila ulutono lwakwe.

12Baheene uEsawu wámujovela wáaja, “Tilutaje, tishuulaje, one nisilongole.” 13Leelo, uYaakobo wámujovela wáaja, “Mutwa wangu, umeenye kiija avaana ava vashaanali vanangʼana, ifidiimwa ifinji fishaanali fiyonsa. Lino, nda tifihwaje kwa lisiku limo hela, fisiifwe. 14Mutwa wangu, nikikulomba ulongole na yuune niyinsa lushe lushe ngaja ulujendo lwa fidiimwa nu lujendo lwa vaana, mbakha pina naafikha kunyaakho ukho ku nyi ya Seyili.”

15UEsawu wámujovela wáaja, “Niiwona nikuleshele avaanu vangu vamonga vakutanjilise.” Leelo, uYaakobo wáajova, “Mutwa, kusiina shiinu shina shiigaha uvaleshe apa. Uwunofu wuna wanigahila uwa kiniyanushila wanikwila.” 16Lino ilisiku lilila uEsawu wáyansa kishuula iitina ku Seyili. 17Leelo ava Yaakobo vasikhalutile ku Seyili, wálutaga ku Sukoti. Ukho wásengaga inanda nu lupanga lwa fidiimwa fyakwe. Baheene, uluvala ulu wálutambulila Sukoti.#33:17 Sukoti: Litaawa lya Shihebulaniya. Uluganulo lwakwe, lupanga lwa fidiimwa.

UYaakobo iikhala ku Shekemu

18Kuwudugo uYaakobo wáyitenekha nu lushuulo lwakwe kihuma ku Padani-Alaamu. Wáafikha wunofu mu lijumbi lya Shekemu lina lili mu nyi ya Kanaani. Wásenga ilitinga nkholeela ni lijumbi ilyo. 19Uluvala ulu luna wásengaga ilitinga, wágulaga kihuma kwa vaana va Hamoli uwihaanave wa Shekemu kwa hela ligana limo. 20Pala, wásenga uluvala lwa kihumisa ishadanda, baheene wápatambulila Eli-Elohe-Isilaheli.#33:20 Eli-Elohe-Isilaheli: Litaawa lya Shihebulaniya. Uluganulo lwakwe, uNguluvi yumwene Nguluvi wa Isilaheli.

Valgt i Øjeblikket:

Shiyanso 33: Shisangu

Markering

Del

Kopiér

Vil du have dine markeringer gemt på tværs af alle dine enheder? Tilmeld dig eller log ind

Læs mere om IShiyanso nu Lufingo uLupya

Shiyanso 33

Populære bibelvers fra
Shiyanso 33

Lyt til Shiyanso 33

Bibel:

Sangu

Oversættelse: IShiyanso nu Lufingo uLupya - Shisangu

Shiyanso 33

Shiyanso 33

Populære bibelvers fra Shiyanso 33

Lyt til Shiyanso 33

Bibel:

Sangu

Oversættelse: IShiyanso nu Lufingo uLupya - Shisangu

Shiyanso 33

Populære bibelvers fra
Shiyanso 33