Shiyanso 37
37
UYusufu na valukholo lwakwe
1UYaakobo wákhalaga ku Kanaani, kuna uwiihe woope akhandi akheele ngaja muhensa. 2Isi siseene mola sa nanda ya Yaakobo.
Uluhaavi ulo uYusufu akhandi ana maakha ishumi na fungati. UYusufu akhandi idiima ishipuga sha fidiimwa na vamaame, avaana va Biliha nu Silipa vina vakhandi vadala va wiihe. UYusufu akhandi ikimutaviilila uwiihe imola imbi sina viigaha avavaha vaakwe.
3Lino, uIsilaheli#37:3 Isilaheli: Litaawa ilinji lya Yaakobo. Yimba mu litaafili lya Shiyanso 35:10. wámuganaga mandu uYusufu kishila avanaakwe avanji, kwa kiiva wámusavile mu wugogolo waakwe. Wámuhonela inkhansu inali yina yikogwelwe wunofu. 4Leelo, avavaha vaakwe vaganile kimanya kiija, uwihaanave amugeene uYusufu kishila aveene, baheene vamukhalalila na vaalekha kilogola nawo wunofu.
5Ilijuva limonga uYusufu wáloota. Wáganile kivajovela avavaha vaakwe, baheene vamukhalalila kishila ulwamwandi. 6Shilushwali shina wávajovela wáaja, “Puliisi amalooto gina naloota. 7Naloota ose woona taava ku mugunda tikungula ingano na tiipinya ifilundo. Baaho naawona ishilundo shangu shayiima na ifilundo fyenyu fyashipilima ishilundo shangu, baheene fyashisungamila ishilundo shangu!” 8Avavaha vaakwe vamujovela vaaja, “Aasi, shiyooli usiive mutwa weesu? Shiyooli usituteme ose, uve mukhome weesu?” Baheene vamukhalalila mandu, kwa kiiva ya malooto gaakwe na maswi gaakwe.
9UYusufu wáloota khanji, wávajovela avavaha vaakwe wáaja, “Puliisi shina naloota khanji. Naawona ilijuva, umwesi ni nondwe ishumi na yimo sikinisungamila one.” 10Wáganile kimujovela uwiihe na vavaha vaakwe, uwiihe wámudalishila wáaja, “Malooto mashi ago? Lino wihiiva one nu maayi weenyu na vavaha vaakho, tikhayinsa kikufugamila owe?” 11Ndeeno, avavaha vaakwe vaava vikimufyoshela, leelo uwihaanave wáava apihiiva amaswi ago.
UYusufu igusiwa na vamaame
12Ilijuva limonga avavaha va Yusufu valutaga kidiima ifidiimwa fya wihaanave nkholeela ni lijumbi lya Shekemu. 13Baheene uIsilaheli wámujovela uYusufu wáaja, “Avavaha vaakho vidiima ifidiimwa nkholeela ni Shekemu. Lino, nisakula nikufilishe kunyaanave.” UYusufu wámujovela, “Eena, napulikha.” 14Uwiihe wámujovela waaja, “Luta, uvaloleele avavaha vaakho nda vali finofu ni fidiimwa, baheene uyinse unitaviilile.” Lino uYaakobo wámufilikha uYusufu kihuma ku lukwawo lwa Hebuloni alute ku Shekemu. Wáganile kifikha ku Shekemu, 15umuunu yumonga wámwaga uYusufu iilava ku livindi, baheene wámuposa, “Wisakula shishi?” 16UYusufu wámujovela, “Nikivasakula avavaha vangu. Nilomba unijovele nda wavaaga uluvala luna vidiimila.” 17Umuunu yula wámujovela, “Vawuukha apa, kwa kiiva napulikha vijovelana kiija, ‘Tilute ku Dotaani.’” Baheene, uYusufu wávafwata ku Dotaani.
18Avavaha vaakwe pina vamwagaga kwa kutali iyinsa, vapulinkhana kimubuda. 19Vajovelana viija, “Loleela, yula umulotaaji iyinsa. 20Lino timubude, timutaaje mu lisima. Tikhamujovela uwiheesu kiija, ‘UYusufu wáliwaagwa ni nkhanu sa mu lihakha,’ baheene tikhaloleela amalooto gaakwe shina gakhava!”
21Leelo, uLubeni umuvaha waanave wáganile kipulikha ndeeno, wáyansa kisakula insila ya kimukulusa uYusufu, wávalomba wáajova, “Musikhajelaga kimubuda! 22Musikhakunulaji idanda! Shiba mumudubujise mu lisima muno, kuno ku lunyikha, leelo musikhajelaji kimupyasa.” Wávajovela ndeeno kiija, paanyuma hambi amukuluse uYusufu kwa wufiho na amutinie kwa wihaanave. 23UYusufu wáganile kifikha kwa vavaha vaakwe, vamuyalushila, vamuyaawula inkhansu yaakwe inali, yina yikhandi yikogwelwe wunofu mandu. 24Baheene, vamukhata vamudubujisa mu lisima. Ilisima ilyo likhandi lingaya malenga.
25Vaganile kikhala kiilya ishakiilya, baheene vaawona ishipuga sha vagulaaji aVaishimayeli, vahumile inyi ya Gileyadi viiluta ku Misili. Ingamiya saanave sikhandi sisumwile ingaagulwa sa kinunshilila#37:25 Ingaagulwa sa kinunshilila: Kwa Shiswahili sitambulwa, manemane na seli. ni fiinu fina fiigaha ishakiilya shinunshilile. 26Apo, uYuuda wávajovela avamaame wáaja, “Lutono lushi tisiipate nda timubude umunangʼana weesu na kifiha imfwa yaakwe? 27Shiba timuguse kwa Vaishimayeli. Tileshe kimubuda kwa kiiva umwene lukholo lwesu, umwene noose tili danda yimo.” Avamaame vamuyiitikha. 28Avagulaaji vala#37:28 Avagulaaji vala: Kwa Shihebulaniya yiyandiikhwe, Vamidiyani. Ili likwiliile kiiva litaawa ilinji kwa Vaishimayeli. vaganile kishila pala, avamaame vamuhumya uYusufu kihuma mu lisima, vamugusa kwa Vaishimayeli kwa hela mashumi gavili. Baheene aVaishimayeli vaaluta nawo mbakha ku Misili.
29ULubeni wáganaga kitina pa lisima pala, wáawona uYusufu akwasiina, apo baheene wásugumilwa mandu wádeemula amenda gaakwe. 30Wáatina kwa vamaame wávajovela, “Umudiimi akwasiina mu lisima! Lino one nilute kwi?”
31Baheene vatoola inkhansu ya Yusufu, vaabuda inyana mene ipongo, baheene vajabikha inkhansu yila mu danda. 32Vatoola inkhansu yila vamutwalila uwihaanave. Vaganile kifikha, vamujovela, “Taahola inkhansu iyi. Lino loleela nda ya mwanaakho awu nda yisili yiyeene.” 33Wáganile kiloleela hela, baheene wávajovela wáaja, “Vayaa! Mbona iyi nkhansu ya mwanangu! Vayaa! Inkhanu ya mu lihakha yamubuda uYusufu!”
34Pala uYaakobo wádeemula amenda gaakwe, baheene wáfwala amagunila,#37:34 Wáfwala amagunila: Yikhandi ngʼoma ya Vahebulaniya kiwonensa kiija, ana mangʼuulo awu ilambiisila kwa Nguluvi. wákhoola na kiyaalama kwa nsiku nyinshi kwa kiiva ya mfwa ya Yusufu. 35Avanaakwe woona ava shigoosi na va shidala vayinsa kiija vamushiviilise na kimuvatamya. Leelo, umwene wákhaana kivatama wáaja, “Nileshi! Nisikhoole mbakha pina nikhafwa, nimufwate kuna akwali umwanangu.” Shilushwali ndeeno, shina uwiihe wámukhoolaga uYusufu.
36Uluhaavi ulo, avagulaaji vala vakhandi vafishile ku Misili, baheene vamugusa uYusufu kwa Potifa. UPotifa uyo, akhandi mukhome wa vasulukhali va Falawo, umutwa uwa ku Misili.
Valgt i Øjeblikket:
Shiyanso 37: Shisangu
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.
Shiyanso 37
37
UYusufu na valukholo lwakwe
1UYaakobo wákhalaga ku Kanaani, kuna uwiihe woope akhandi akheele ngaja muhensa. 2Isi siseene mola sa nanda ya Yaakobo.
Uluhaavi ulo uYusufu akhandi ana maakha ishumi na fungati. UYusufu akhandi idiima ishipuga sha fidiimwa na vamaame, avaana va Biliha nu Silipa vina vakhandi vadala va wiihe. UYusufu akhandi ikimutaviilila uwiihe imola imbi sina viigaha avavaha vaakwe.
3Lino, uIsilaheli#37:3 Isilaheli: Litaawa ilinji lya Yaakobo. Yimba mu litaafili lya Shiyanso 35:10. wámuganaga mandu uYusufu kishila avanaakwe avanji, kwa kiiva wámusavile mu wugogolo waakwe. Wámuhonela inkhansu inali yina yikogwelwe wunofu. 4Leelo, avavaha vaakwe vaganile kimanya kiija, uwihaanave amugeene uYusufu kishila aveene, baheene vamukhalalila na vaalekha kilogola nawo wunofu.
5Ilijuva limonga uYusufu wáloota. Wáganile kivajovela avavaha vaakwe, baheene vamukhalalila kishila ulwamwandi. 6Shilushwali shina wávajovela wáaja, “Puliisi amalooto gina naloota. 7Naloota ose woona taava ku mugunda tikungula ingano na tiipinya ifilundo. Baaho naawona ishilundo shangu shayiima na ifilundo fyenyu fyashipilima ishilundo shangu, baheene fyashisungamila ishilundo shangu!” 8Avavaha vaakwe vamujovela vaaja, “Aasi, shiyooli usiive mutwa weesu? Shiyooli usituteme ose, uve mukhome weesu?” Baheene vamukhalalila mandu, kwa kiiva ya malooto gaakwe na maswi gaakwe.
9UYusufu wáloota khanji, wávajovela avavaha vaakwe wáaja, “Puliisi shina naloota khanji. Naawona ilijuva, umwesi ni nondwe ishumi na yimo sikinisungamila one.” 10Wáganile kimujovela uwiihe na vavaha vaakwe, uwiihe wámudalishila wáaja, “Malooto mashi ago? Lino wihiiva one nu maayi weenyu na vavaha vaakho, tikhayinsa kikufugamila owe?” 11Ndeeno, avavaha vaakwe vaava vikimufyoshela, leelo uwihaanave wáava apihiiva amaswi ago.
UYusufu igusiwa na vamaame
12Ilijuva limonga avavaha va Yusufu valutaga kidiima ifidiimwa fya wihaanave nkholeela ni lijumbi lya Shekemu. 13Baheene uIsilaheli wámujovela uYusufu wáaja, “Avavaha vaakho vidiima ifidiimwa nkholeela ni Shekemu. Lino, nisakula nikufilishe kunyaanave.” UYusufu wámujovela, “Eena, napulikha.” 14Uwiihe wámujovela waaja, “Luta, uvaloleele avavaha vaakho nda vali finofu ni fidiimwa, baheene uyinse unitaviilile.” Lino uYaakobo wámufilikha uYusufu kihuma ku lukwawo lwa Hebuloni alute ku Shekemu. Wáganile kifikha ku Shekemu, 15umuunu yumonga wámwaga uYusufu iilava ku livindi, baheene wámuposa, “Wisakula shishi?” 16UYusufu wámujovela, “Nikivasakula avavaha vangu. Nilomba unijovele nda wavaaga uluvala luna vidiimila.” 17Umuunu yula wámujovela, “Vawuukha apa, kwa kiiva napulikha vijovelana kiija, ‘Tilute ku Dotaani.’” Baheene, uYusufu wávafwata ku Dotaani.
18Avavaha vaakwe pina vamwagaga kwa kutali iyinsa, vapulinkhana kimubuda. 19Vajovelana viija, “Loleela, yula umulotaaji iyinsa. 20Lino timubude, timutaaje mu lisima. Tikhamujovela uwiheesu kiija, ‘UYusufu wáliwaagwa ni nkhanu sa mu lihakha,’ baheene tikhaloleela amalooto gaakwe shina gakhava!”
21Leelo, uLubeni umuvaha waanave wáganile kipulikha ndeeno, wáyansa kisakula insila ya kimukulusa uYusufu, wávalomba wáajova, “Musikhajelaga kimubuda! 22Musikhakunulaji idanda! Shiba mumudubujise mu lisima muno, kuno ku lunyikha, leelo musikhajelaji kimupyasa.” Wávajovela ndeeno kiija, paanyuma hambi amukuluse uYusufu kwa wufiho na amutinie kwa wihaanave. 23UYusufu wáganile kifikha kwa vavaha vaakwe, vamuyalushila, vamuyaawula inkhansu yaakwe inali, yina yikhandi yikogwelwe wunofu mandu. 24Baheene, vamukhata vamudubujisa mu lisima. Ilisima ilyo likhandi lingaya malenga.
25Vaganile kikhala kiilya ishakiilya, baheene vaawona ishipuga sha vagulaaji aVaishimayeli, vahumile inyi ya Gileyadi viiluta ku Misili. Ingamiya saanave sikhandi sisumwile ingaagulwa sa kinunshilila#37:25 Ingaagulwa sa kinunshilila: Kwa Shiswahili sitambulwa, manemane na seli. ni fiinu fina fiigaha ishakiilya shinunshilile. 26Apo, uYuuda wávajovela avamaame wáaja, “Lutono lushi tisiipate nda timubude umunangʼana weesu na kifiha imfwa yaakwe? 27Shiba timuguse kwa Vaishimayeli. Tileshe kimubuda kwa kiiva umwene lukholo lwesu, umwene noose tili danda yimo.” Avamaame vamuyiitikha. 28Avagulaaji vala#37:28 Avagulaaji vala: Kwa Shihebulaniya yiyandiikhwe, Vamidiyani. Ili likwiliile kiiva litaawa ilinji kwa Vaishimayeli. vaganile kishila pala, avamaame vamuhumya uYusufu kihuma mu lisima, vamugusa kwa Vaishimayeli kwa hela mashumi gavili. Baheene aVaishimayeli vaaluta nawo mbakha ku Misili.
29ULubeni wáganaga kitina pa lisima pala, wáawona uYusufu akwasiina, apo baheene wásugumilwa mandu wádeemula amenda gaakwe. 30Wáatina kwa vamaame wávajovela, “Umudiimi akwasiina mu lisima! Lino one nilute kwi?”
31Baheene vatoola inkhansu ya Yusufu, vaabuda inyana mene ipongo, baheene vajabikha inkhansu yila mu danda. 32Vatoola inkhansu yila vamutwalila uwihaanave. Vaganile kifikha, vamujovela, “Taahola inkhansu iyi. Lino loleela nda ya mwanaakho awu nda yisili yiyeene.” 33Wáganile kiloleela hela, baheene wávajovela wáaja, “Vayaa! Mbona iyi nkhansu ya mwanangu! Vayaa! Inkhanu ya mu lihakha yamubuda uYusufu!”
34Pala uYaakobo wádeemula amenda gaakwe, baheene wáfwala amagunila,#37:34 Wáfwala amagunila: Yikhandi ngʼoma ya Vahebulaniya kiwonensa kiija, ana mangʼuulo awu ilambiisila kwa Nguluvi. wákhoola na kiyaalama kwa nsiku nyinshi kwa kiiva ya mfwa ya Yusufu. 35Avanaakwe woona ava shigoosi na va shidala vayinsa kiija vamushiviilise na kimuvatamya. Leelo, umwene wákhaana kivatama wáaja, “Nileshi! Nisikhoole mbakha pina nikhafwa, nimufwate kuna akwali umwanangu.” Shilushwali ndeeno, shina uwiihe wámukhoolaga uYusufu.
36Uluhaavi ulo, avagulaaji vala vakhandi vafishile ku Misili, baheene vamugusa uYusufu kwa Potifa. UPotifa uyo, akhandi mukhome wa vasulukhali va Falawo, umutwa uwa ku Misili.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.