Shiyanso 40
40
UYusufu iganula amalooto
1Insiku saashila, avavanda vavili ava mutwa uwa ku Misili, vamunanjila umutwa waanave. Yumonga akhandi mungʼwesaaji mukhome wa fingʼwelwa, uyunji akhandi mutelekhaaji mukhome wa makhaate. 2UFalawo wávakhalalila avakhome vaakwe awo, umungʼwesaaji umukhome nu mutelekhaaji umukhome. 3Baheene, uFalawo wávadindila mu nanda ya mukhome wa vasulukhali, mu shifungo shishila shina adindiilwe uYusufu. 4Umukhome wa vasulukhali wámubaagula uYusufu avayangalilaje, woope vasigala mu shifungo mula kwa nsiku nyasilinga ndeeni.
5Ilijuva limonga, umungʼwesaaji umukhome nu mutelekhaaji umukhome wa mutwa, valoota amalooto mu shifungo, shila muunu nu lulooto lwakwe. 6Ulwamilaawu njine uYusufu wáaluta kivaloleela, wávaaga vasugumiilwe mandu. 7Baheene wávaposa waaja, “Kwashi musugumiilwe ndeeni iminsiyaano?” 8Vamujovela vaajova, “Taloota amalooto, leelo kusiina uwa kiganula.” UYusufu wávaposa wáajova, “Kiganula amalooto yisili nsengo ya Nguluvi? Nijoveli shina mwaloota.”
9Apo, umungʼwesaaji uyo wámujovela uYusufu amalooto gaakwe wáajova, “Mu malooto gangu, nagwaga umusabiibu pamwandi yangu, 10goope gukhandi na mansambala gatatu. Baaho gwayansa kilembula, uwuluva wapongola na kikhoma isabiibu sina siyeelile. 11Mu liwokho lyangu, nikhandi ni khoomasi ya Falawo, apo nasiyava isabiibu iso nasihuujila mu khoomasi, baheene namupeela uFalawo.”
12UYusufu wámujovela wáajova, “Uluganulo lwa malooto gaakho lulwene ulu, amansambala gatatu ago, nsiku sitatu. 13Insiku sitatu pina saashila, uFalawo asikudindulile mu shifungo na kikutinia khanji mu nsengo yaakho. Usiive ukimupeela uFalawo ifingʼwelwa fyakwe, ngaja shina ukhandi wiigaha pina ukhandi mungʼwesaaji waakwe. 14Leelo nilomba unikumbukhaje pina amaswi gaakho gakhava gagolokha. Nilomba unigahilaje amanofu, unilogolaje wunofu kwa Falawo, kiija nihume mu shifungo muno. 15Shiyooli, one natolwagwa kwa ngufu kihuma ku nyi ya Vahebulaniya, na hata apa pa Misili, kusiina uwunansi wuna nagahaga uwa kinigaha nidindilwe mu shifungo.”
16Umukhome wa vatelekhaaji, wáganile kipulikha uluganulo lwa malooto ga muyine kiija manofu, baheene wámujovela uYusufu, “Na yuune naloota nisumwile amatunduti gatatu ga makhaate, ku mutwe gwangu. 17Mu litunduti lya pashaanya, mukhandi muna fyakiilya ifya Falawo fina fili paayo paayo. Leelo inyuni sikhandi siilya ifyakiilya fina nikhandi niyitwishile.”
18UYusufu wámujovela wáaja, “Uluganulo lwa malooto gaakho ulu, amatunduti gala gatatu nsiku sitatu. 19Insiku sitatu sina siyinsa, uFalawo asikuhumye muno mu shifungo, akhakudumula umutwe gwakho na kigutumbikha pashaanya ya mupishi, inyuni sikhalya umuvili gwakho.”
20Yaava ilijuva lya wutatu, likhandi lijuva lya kisawa umutwa uFalawo. Ilijuva ilyo lyaganile kifikha, uFalawo wávagahila ishiwungo avavanda vaakwe woona. Apo pa shiwungo, uFalawo wávahumya umungʼwesaaji umukhome nu mutelekhaaji umukhome, wávatwala pamwandi ya vakhome va vasulukhali vaakwe. 21Pala wámuwuyiisa umungʼwesaaji umukhome pa nsengo yaakwe, na uyo umukhome wámupeela uFalawo ikhoomasi mu liwokho lyakwe. 22Leelo, uFalawo wámutumbikha pa mupishi umutelekhaaji umukhome, ngaja shina uYusufu akhandi aganwile amalooto gaakwe. 23Hata ndeeno, uyo umungʼwesaaji umukhome asikhamukumbwishe uYusufu, wámusamwagwa.
Valgt i Øjeblikket:
Shiyanso 40: Shisangu
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.
Shiyanso 40
40
UYusufu iganula amalooto
1Insiku saashila, avavanda vavili ava mutwa uwa ku Misili, vamunanjila umutwa waanave. Yumonga akhandi mungʼwesaaji mukhome wa fingʼwelwa, uyunji akhandi mutelekhaaji mukhome wa makhaate. 2UFalawo wávakhalalila avakhome vaakwe awo, umungʼwesaaji umukhome nu mutelekhaaji umukhome. 3Baheene, uFalawo wávadindila mu nanda ya mukhome wa vasulukhali, mu shifungo shishila shina adindiilwe uYusufu. 4Umukhome wa vasulukhali wámubaagula uYusufu avayangalilaje, woope vasigala mu shifungo mula kwa nsiku nyasilinga ndeeni.
5Ilijuva limonga, umungʼwesaaji umukhome nu mutelekhaaji umukhome wa mutwa, valoota amalooto mu shifungo, shila muunu nu lulooto lwakwe. 6Ulwamilaawu njine uYusufu wáaluta kivaloleela, wávaaga vasugumiilwe mandu. 7Baheene wávaposa waaja, “Kwashi musugumiilwe ndeeni iminsiyaano?” 8Vamujovela vaajova, “Taloota amalooto, leelo kusiina uwa kiganula.” UYusufu wávaposa wáajova, “Kiganula amalooto yisili nsengo ya Nguluvi? Nijoveli shina mwaloota.”
9Apo, umungʼwesaaji uyo wámujovela uYusufu amalooto gaakwe wáajova, “Mu malooto gangu, nagwaga umusabiibu pamwandi yangu, 10goope gukhandi na mansambala gatatu. Baaho gwayansa kilembula, uwuluva wapongola na kikhoma isabiibu sina siyeelile. 11Mu liwokho lyangu, nikhandi ni khoomasi ya Falawo, apo nasiyava isabiibu iso nasihuujila mu khoomasi, baheene namupeela uFalawo.”
12UYusufu wámujovela wáajova, “Uluganulo lwa malooto gaakho lulwene ulu, amansambala gatatu ago, nsiku sitatu. 13Insiku sitatu pina saashila, uFalawo asikudindulile mu shifungo na kikutinia khanji mu nsengo yaakho. Usiive ukimupeela uFalawo ifingʼwelwa fyakwe, ngaja shina ukhandi wiigaha pina ukhandi mungʼwesaaji waakwe. 14Leelo nilomba unikumbukhaje pina amaswi gaakho gakhava gagolokha. Nilomba unigahilaje amanofu, unilogolaje wunofu kwa Falawo, kiija nihume mu shifungo muno. 15Shiyooli, one natolwagwa kwa ngufu kihuma ku nyi ya Vahebulaniya, na hata apa pa Misili, kusiina uwunansi wuna nagahaga uwa kinigaha nidindilwe mu shifungo.”
16Umukhome wa vatelekhaaji, wáganile kipulikha uluganulo lwa malooto ga muyine kiija manofu, baheene wámujovela uYusufu, “Na yuune naloota nisumwile amatunduti gatatu ga makhaate, ku mutwe gwangu. 17Mu litunduti lya pashaanya, mukhandi muna fyakiilya ifya Falawo fina fili paayo paayo. Leelo inyuni sikhandi siilya ifyakiilya fina nikhandi niyitwishile.”
18UYusufu wámujovela wáaja, “Uluganulo lwa malooto gaakho ulu, amatunduti gala gatatu nsiku sitatu. 19Insiku sitatu sina siyinsa, uFalawo asikuhumye muno mu shifungo, akhakudumula umutwe gwakho na kigutumbikha pashaanya ya mupishi, inyuni sikhalya umuvili gwakho.”
20Yaava ilijuva lya wutatu, likhandi lijuva lya kisawa umutwa uFalawo. Ilijuva ilyo lyaganile kifikha, uFalawo wávagahila ishiwungo avavanda vaakwe woona. Apo pa shiwungo, uFalawo wávahumya umungʼwesaaji umukhome nu mutelekhaaji umukhome, wávatwala pamwandi ya vakhome va vasulukhali vaakwe. 21Pala wámuwuyiisa umungʼwesaaji umukhome pa nsengo yaakwe, na uyo umukhome wámupeela uFalawo ikhoomasi mu liwokho lyakwe. 22Leelo, uFalawo wámutumbikha pa mupishi umutelekhaaji umukhome, ngaja shina uYusufu akhandi aganwile amalooto gaakwe. 23Hata ndeeno, uyo umungʼwesaaji umukhome asikhamukumbwishe uYusufu, wámusamwagwa.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.